Todos os podcast | En xogo motor

Eva Mejuto tráenos tres libros que exploran a fascinación que a lúa inspira, sobre todo no lectorado miúdo. Noites confinadas, de Chema Mesías, Ilduara Penas e David Catalá; o poemario Máxica Lúa, de Xoán Neira, con ilustracións de Lucía Barrios, e o clásico contemporáneo A que sabe a Lúa, de Michael Grejniec.

"Outras historias posibles" celebra as traxectorias de Ana García Pan, Emilia Guimeráns, Anne Heyvaert, Tusi Sandoval, Blanca Silva e Laura Terré como exemplos da diversidade creativa na arte contemporánea. A mostra reivindica a estas artistas galegas, que despuntaron nos 80’s peronon gozaron da visibilidade merecida debido aos condicionantes de xénero Falamos con Susana Cendán, que foi...

Moncho Lemos tráenos dúas estreas; -Back to Black, un biopic amable sobre Amy Winehouse. -La mujer dormida, unha historia que mestura drama e misterio co paranormal e que progagoniza o galego Javier Rey.

A Mostra S8 revisa a filmografía de Narcisa Hirsch e estrea o novo filme de Annalisa D. Quagliata “A creatividade que as mulleres están aportando ao cinema é a protagonista pero dunha maneira natural. É máis do 90% da programación”. Falamos con Angel Rueda codirector de S8

O frío é a primeira dunha nova produtora que aposta por outras formas de facer cinema. “Falta un compromiso coa xente que filmas e á que filmas”. Falamos con Pablo Dopazo director da curta galardoada no festival de Cans.

Falamos cos programadores culturais de Ordes, Santi Nieto, e de AGuarda, Teresa Espejo. Están asistindo á feira Galicia Escena Pro, en Compostela, e mergullámonos con eles nesta cita imprescindible para os profesionais do sector

Luís Miguel Crespo tráenos un disco que recolle músicas de salón de compositores pontevedreses dos séculos XIX E XX

 A nosa prescriptora de libros tráenos A Fuxida, de Cristina Rey Vázquez. É unha novela sobre a migración e unha alegación contra o racismo. De protagonismo feminino, incide na necesidade dos lazos de sororidade para enfrontar as situacións máis difíciles da vida dos personaxes, que transcorre entre Vigo e Ecuador

Conversamos con Carme Nogueira, a artista e investigadora que realizou esta intervención no Parque do Pasatempo de Betanzos despois dun proceso participativo veciñal. Escoitamos tamén o mediador Fran Nogueira, do proxecto Concomitentes, que canalizou a iniciativa.

Mónica Maneiro comenta a exposición 'Sara Herranz & Simone de Beauvoir' que pode visitarse na galería Dupla de Santiago ata o 14 de xuño. A ilustradora canaria dialoga coa obra da escritora e pensadora francesa, figura clave do feminismo e o existencialismo.

Conversamos con Carlos Vázquez, Israel Gázquez e Brahim Ouhdach, tres estudantes do máster en Arqueoloxía e Ciencias da Antigüidade que imparten as tres universidades galegas. Con eles e con Mario César Vila falamos da formación dos futuros arqueólogos, das súas expectativas profesionais e ata da música que escoitan. 

A Feira das artes escénicas reúne dende hoxe e ata o 30 de maio en Compostela a 200 profesionais da programación teatral. Preséntase 20 espectáculos nun programa aberto público, que organizan Agadic e Escena Galega. Falamos con Juan Rodríguez

Nesta ocasión, Begoña Vázquez desprazouse ata Cans para contarnos todo o que aconteceu no festival.

O Festival de Cans é esa versión rural, divertida e moito menos comercial que do festival de cine francés. Na vixésimo primeira edición pasarán polo Porriño David Trueba, María Vázquez e moitas outras personalidades do audiovisual. Falamos co director do festival, Alfonso Pato.

Afonso Becerra tráenos a última montaxe do Centro Dramático Galego: "Os actos e as profecías", unha obra dirixida por Tamara Canosa e que xira arredor dos "talent shows".

Do agrarismo ao ensino libre ou a organización colectiva contra os abusos. Preséntase en Cans o documental 'Acordamos'. Conversamos con Uxía, directora do filme.

Con Moncho Lemos repasamos as novidades da carteleira: 'Furiosa', de George Miller; e 'Segundo premio', de Isaki Lacuesta e Pol Rodríguez.

Comezan en Mariñán as II Xornadas da Academia Galega de Teatro .“O deseño das programacións teatrais galegas: á procura dun modelo cooperativo” reúne a compañías e profesionais dos concellos. Falamos con Xavier Castiñeira, coordinador das xornadas

Viaxamos ata o conxunto arqueolóxico de Santalla de Bóveda. As modernas técnicas de investigación están proporcionando novas vías para entender un monumento que, até o de agora, era un dos grandes misterios do pasado romano en Galicia.

Con Luz Castro analizamos nesta ocasión a presencia do galego no sector dos videoxogos.

“A mulher lyrio” é a BSO da obra de teatro “Manuela Rey is in da house”, unha coprodución do CDG que recupera a memoria da actriz. Falamos co músico e compositor Xosé Lois Romero

Regresamos ás pinturas da viguesa Menchu Lamas, a precursora que nos anos 80 estableceu os primeiros lazos entre modernidade e tradición, entre o abstracto e o figurativo. A galería Luisa Pita de Santiago acolle unha escolma de obras de Menchu Lamas dos últimos 5 anos. Cadros de grandes formatos nos que as formas circulares e a pulsión xeométrica volven adquirir protagonismo.

Con Dolores Vilavedra falamos da obra 'O teu perfil na miña sombra', de Rexina Vega.

Gli Incogniti abría o Festival de Música Cidade de Lugo. 51 Semana de Música do Corpus que ata o 1 de xuño programa oito concertos. Falamos co secretario da Sociedade Filarmónica de Lugo, José Luís Díaz.

Imos somerxernos no fondo do mar para descubrir bosques de algas a través da mostra "Retrato dun bosque de laminarias", da artista viguesa Elena Alonso. Unha exposición na que combina pinturas coloristas, vídeo e realidade aumentada para poñer en valor estes ecosistemas mariños e concienciar sobre a súa conservación.