Todos os podcast | En xogo motor

Tito Lesende pica música recén saída do forno de Dani Cornes, Fillas de Cassandra e MARIÁN. Na axenda de concertos, Jeff Tweedy estará o domingo na Coruña e Nacho Vegas o día 14. E en Santiago, na Capitol, actuacións mañá de Familia Caamagno e o venres 13 de Def con Dos.

Malores Villanueva recoméndanos o último de Xabier Quiroga: “Alguén ao lado”, publicada por Xerais. Unha novela sobre a identidade, o desexo e a capacidade humana de reinventarse.

Alba Rodríguez Saavedra procura no ensaio “Ruth Matilda Anderson. Tradutora das marxes” a resposta á invisibilidade da obra da investigadora e tradutora estadounidense.

Carlos Crespo tráenoa a Lobeira, unha banda que nace nocorazón de Madrid a principios de 2023 e agora saca disco. Está formada pola tamén actriz e directora Sara Casasnovas (voz/letras), Alfonso Rajado (guitarras/sintetizadores), Félix García (batería) e Jorge Hernández (baixo/sintetizadores).

O Festival Internacional de Teatro Universitario celebra 30 edición e acolle a conmemoración dos 35 aniversario da Aula de Teatro da USC. E ademais ‘San Sebastián, corpo de beleza e dor. Unha paixón privada’,

A exposición “Un país ilustrado” pon o foco no protagonismo e relevancia dos deseñadores que traballaron na Editorial Galaxia ao longo dos seus 75 anos de historia . E despois Siro López no Día da Ilustración 2026

Andrea Jamardo fala de ‘A rebelión da lectura’, un álbum ilustrado que acompaña o documental do mesmo título, dedicado ao proxecto Espazo Lectura, que leva 20 anos promovendo a lectura en galego entre rapazada e mocidade de Gondomar. Ademais, outras dúas propostas: ‘Grande e pequena’, de Arianna Squilloni e Raquel Catalina, publicado por Kalandraka e gañador do Premio Internacional Compostela de á...

Repaso do máis salientable do programa da TVG "Trata de Arrancalo", cos membros do Team Dakar Galicia, Edu Iglesias e Ricardo Ramilo.

O Museo do Pobo Galego desenvolveu unha nova edición do Seminario 'Museos, Feminismos, Canon' , que desta volta estivo centrado na figura de Maruja Mallo. Falamos cunha das relatoras participantes, a investigadora Estrella de Diego. Estréase en Gondomar o documental "A rebelión da lectura", que narra a historia do Espazo Lectura. Ímos descubrir como naceu e prosperou esta asoci...

Afonso Becerra comenta ALÉN, unha creación escénica de danza contemporánea do Colectivo Globo. O espectáculo parte do desexo de habitar os límites a través dunha vivencia poética e sensorial que se move na fronteira entre o que fomos e o que estamos a piques de ser. Coproducida polo Centro Coreográfico Galego.

A curtametraxe documental ‘Expediente Velo’ revisita a peripecia vital do militante antifranquista e escritor Xosé Velo. Dirixida por Aser Álvarez, a peza documenta o papel central de Velo no secuestro do barco ‘Santa Liberdade’.

Hoxe fanse 140 anos do nacemento de Castelao. Begoña Vázquez recoméndanos a programación especial da CSAG ‘Universo Castelao’.

Moncho Lemos recomenda ‘Hamnet’que, aínda que non é estrea da semana, segue a formar fileiras ás portas dos cines. E para a fin de semana fálanos de ‘Aída y vuelta’, metalinguaxe televisiva dirixida por Paco León.

Vítor Vaqueiro e Ánxel Huete presentan Bestiário, unha obra ilustrada sobre seres mitolóxicos galegos, publicada por Néspera editora.

Tito Lesende pica a nova canción de Boyanka Kostova, primeiro avance do seu próximo disco, e mais o tema que Dani Dicostas publica esta semana. Repasamos a axenda de concertos dos muradáns Lisdexia e escoitamos a canción coa que Bruce Springsteen protesta pola actuación do ICE nas rúas da cidade estadounidense de Minneapolis.

Malores Villanueva tráenos catro biografías arredor de Begoña Caamaño, a escritora homenaxeada este ano no Día das Letras: ‘A nena que perdeu un zapato na lama’, de Ramón Nicolás; ‘Begoña Caamaño, xornalista e escritora’, de Estefanía González; ‘Os fíos de Begoña’, de Eva Mejuto con ilustracións de Nuria Díaz; e ‘Begoña ou o pracer da amizade’, de Beatriz Maceda.

"Por que as mulleres pintoras se chaman sempre surrealistas?" Estrella de Diego fala sobre Maruja Mallo no Seminario Museos, Feminismos, Canon. E despois as biografías de Begoña Caamaño para a infancia

Carlos Crespo tráenos unha estrea exclusiva, tres temas do primeiro disco en solitario de Sara Merso : ‘Iá’. Logo de máis de 15 anos sobre os escenarios, a cantante e xornalista coruñesa vaino presentar o venres ás 22.00 horas na sala Garufa Club da cidade herculina.

A Real Filharmonía de Galicia recoñece unha nova xeración de intérpretes que desenvolven as súas carreiras nos escenarios máis prestixiosos do mundo. É o caso de Raquel Areal, violinista da Filharmónica de Berlín.

Mónica Maneiro comenta a exposición ‘Francisco Asorey, unha recuperación necesaria’, que pode visitarse na Cidade da Cultura. A mostrea está comisariada por Miguel Fernández-Cid e coordinada por Carmen Asorey, neta do escultor e figura esencial na reivindicación da súa obra e vida.