RSG Kuns

Die musiekspel, HOT MIKADO, speel af in Japan. Christelle Webb-Joubert gesels met Gertjan Holtzhausen, produksiebestuurder, en Klaus-Louis Janse van Vuuren, hoof van bemarking by Full House Theatre Productions.

Die Roodepoortteater in Johannesburg is onlangs opgeknap. Die bemarkings- en kommunikasiebestuurder, Klaas Moukangwe, vertel meer.

Die koor van die Universiteit Stellenbosch vier vanjaar 'n groot mylpaal. Terrance April gesels met die huidige koorleier, André van der Merwe.

Aktrise Evanca Moolman vertel van die musiekspel, The Big Bad Musical, waarin die nare wolf van die sprokies in die hof verskyn.

'n Internasionale klavierkompetisie vind in 2027 vir die eerste keer in Kaapstad plaas. Terrance April gesels met Nina Schumann, een van die stigterslede.

Christelle Webb-Joubert gesels met Cornelia Faasen van NATi oor vanjaar Teksmark.

Pianis dr. Charl du Plessis is weer vanjaar die gasheer van Klein Karoo Klassique op Oudtshoorn. Hy vertel wat alles op die program is.

Kunstenaar Frank Pretorius gesels oor sy loopbaan en sy jongste uitstalling, Bloedgrond.

Musiekregisseur Thinus Viljoen vertel van die musiekspel, Something Rotten!

Op 12 Julie 2026 word 'n konsert aangebied waar slegs werke van Mozart uitgevoer sal word. Xavier Cloete is die dirigent van die Gauteng Filharmoniese Orkes, wat saam met 'n aantal soliste sal optree. Terrance April het met hom gesels.

Die WGRUV-balletgeselskap is 'n relatief jong geselskap in Johannesburg. Hulle voer in Julie hulle produksie, HIGHLIGHTS, op. Terrance April gesels met die stigter en hoof, Holly Gruver, en Lisa Stapelberg, een van die dansers.

Kaapstad Opera bied A LITTLE NIGHT MUSIC aan. Die sanger Linè Jordaan vertel waaroor dit gaan.

THE CURIOUS CASE OF KATHERINE SINCLAIR is ‘n nuwe kabaret-musiekspel. Een van die vervaardigers, Stephan Fourie, vertel meer.

In Julie sal gehore in Gauteng 'n unieke produksie kan sien. Dit is 'n koraalballet, THE BACCHAE, aangebied deur Joburg Ballet en die koor van die Universiteit van Johannesburg. Terrance April gesels met Elroy-Fillis Bell, bestuurshoof van die balletgeselskap, en Mthuthuzeli November, choreograaf van die ballet.

Aktrise Ilne Fourie se nuwe toneelstuk, MART MARAIS STAAN OP, debuteer by vanjaar se Vrystaat Kunstefees. Sy vertel waaroor dit gaan.

Aktrise Tanja Franzsen vertel van, OM TE VAL. Dié fisiese teaterstuk gaan oor ‘n persoon met inperkingsindroom.

Aktrise Karli Heine vertel van die kabaret wat sy geskryf het, Die Potplant: ‘n Tragedie.

Wynand Kotze is bekend as Tollie Parton, maar hy wil aan gehore wys dat hy meer as net Tollie is. Hy gesels oor die drama, Leefbaar, wat te sien is by die Vrystaat Kunstefees.

Die Stellenbosch Internasionale Kamermusiekfees vind vanjaar plaas van 3 tot 12 Julie by die Konservatorium van die Universiteit van Stellenbosch. Terrance April gesels met prof. Nina Schumann, die artistieke direkteur van die fees.

Vervaardigers Johan van der Merwe en Ignatius van Heerden vertel van die plekspesifieke teaterervaring, Grenslig. Die stuk speel af in ‘n bewegende trok.

Christelle Webb-Joubert vind meer uit oor Het van Verlangekraal, wat deesdae op die verhoog te sien is. Sy gesels met die regisseur, Frans Swart, en akteurs Nikita Meyer en Etienne du Plessis.

Terrance April gesels met die dramaturg en akteur, Paul Slabolepszy, oor sy nuwe toneelstuk, Midnight in Parys.

Tronk met ’n D. debuteer by Innibos 2026. Die vervaardigers, Johan van der Merwe en Ignatius van Heerden, vertel meer.

Christelle Webb-Joubert gesels met kunstenaar Martine Robinson oor botaniese kuns. Martine het onlangs ’n oorsese kompetisie gewen met twee van haar kunswerke.

Ashley Stone, die voorsitter van Swartland Toerisme, vertel waarom kuns en die kunstenaars in daardie omgewing so belangrik is vir toerisme. Christelle Webb-Joubert gesels ook met een van die plaaslike kunstenaars, Andries Dirks.