Historia dun crime

Esta historia comeza no Barco de Valdeorras. No mes de setembro de 2021, estanse celebrando as Festas do Cristo. Unha muller chama a emerxencias porque acaba de atopar á súa compañeira de piso morta. A vítima é Leticia Sanabria, unha moza de 29 anos natural de Paraguay. A Garda Civil iniciou unha investigación que se nomeou "Operación Horus".

Esta historia comeza en Verín, en 2011. Bernardino Pousa, chofer nunha empresa de autobuses, é asasinado a golpes cando estaba finalizando a xornada de traballo. Alguén tivo moito interese en asegurarse de matalo. A resolución do crime traerá sorpresas coas que non contaban os investigadores.

Esta historia comeza en Fene, en 2002, cando Vanessa Lorente desaparece co seu bebé de catro meses. A busca de Vanessa vainos levar ata Monfero para acabar descubrindo que tras un crime, pode haber motivacións inimaxinables.

Esta historia comeza en Cabanas, en 2013, coa desaparición de Elisa Abruñedo. Horas despois, atoparían o seu cadáver. Tras dez anos e unha investigación sen precedentes, conseguiuse dar co seu asasino.

Esta historia comeza unha mañá cedo, cando un veciño dun edificio en Vigo atopa o cadáver dunha moza no portal. A vítima é Ana Enjamio, de 25 anos, e foi acoitelada. A policía non tarda moito en resolver o crime, pero tamén se destapa que, realmente, esta historia comezara moito antes do asasinato de Ana.

Esta historia comeza cun incendio nunha casa familiar. Hai vítimas mortais e tamén hai membros da familia desaparecidos. Pouco a pouco vaise descubrindo que este suceso agocha un crime cun desenlace inesperado.

Na madrugada do 2 de abril do ano 2015, unha muller é brutalmente agredida no seu domicilio. O seu home, a única testemuña dos feitos, di que uns intrusos entraron na vivenda para roubar. A garda civil comeza a investigar ese asalto que virará nun caso totalmente distinto só unhas semanas despois.