Driesestig

Haidee Muller-Isaacs gesels met Zac Steyn oor sy loopbaan in die kunsdepartement van die filmbedryf. Hy vertel dat hy aanvanklik raad gekry het om eerder na skool te begin werk, want hy sou baie meer leer op regte fliekstelle. En dis sy eintlike passie.

‘n Polisiestasie in Kalifornië plaas foto’s van uitkenningsparades op sosiale media. Die mense se gesigte word egter vervang met dié van karakters uit rolprente soos Shrek. Die afgelope paar weke het hulle Legomannetjies gebruik, totdat Lego hulle herhinner het wie se intellektuele eiendom dit is. Nou gaan ander karakters moet skuldig lyk.

Johannes Pienaar vertel vir Martelize Brink van die bergskape in die Carnarvon-omgewing. Ons hoor hoe die bergskape, of aoudad, uit Noord-Afrika daar beland het, en die uitdaging om hulle te jag.

Baie Suid-Afrikaners is vertroud met die Afrikaanse Taalmonument in die Paarl, maar nou het daar nog baie ander taalmonumente by die Nelson Mandela Universiteit in Gqeberha verrys. Mariska Spoormaker het gehoor dit hou verband met Afrikaans se Eeufeesvieringe in 2025, en het universiteit toe gegaan om meer uit te vind.

Liza van der Merwe vertel vir Martelize Brink hoe sy met haar kerrievis die sprong van ‘n klein onderneming tot op die groot winkelrakke gemaak het.

In Bogota, Colombië se hoofstad, is daar omgeeskole vir mans. Van doeke te ruil tot hare vleg word gebruik om die manlike chauvinisme in die land te help bekamp.

Alewyn Burger vertel van die Stellenbosch Lugskou waar die Flying Lions in hulle Harvards se vertoning gekombineer word met ’n simfonieorkes-uitvoering.

Kultuur- en koshistorikus Hetta van Deventer-Terblanche praat oor Paasspeserye, Griekse Paasbrood en mastiek.

Op 12 Maart 1488 het het die Portugese seevaarder, Bartolomeu Dias, tydens sy terugvaart na Portugal ‘n kruis by Kwaaihoek tussen die Boesmansriviermond en Boknes in die Oos-Kaap geplant. Meer as 500 jaar later het Marie Greyvenstein en ’n paar stappers by die kruis nagmaal gehou. Marie verduidelik aan Mariska Spoormaker hoekom hulle dit gedoen het.

‘n YouTuber is gevang omdat hy slanggif as ‘n dwelm by partytjies verkoop het.

Thys Blom, die voorsitter van die Wes-Kaapse Vereniging van en vir Persone met Gestremdhede, praat oor die pad na inklusiwiteit en gelykheid.

Michael Boshoff het besluit hy wil saam met sy tienerseun, Nicah, ’n lekker buitemuurse aktiwiteit, wat kompeterend is, aanpak. Altwee het saam besluit op rolbal. Nou is die 15-jarige Nicah lid van die Oostelike Provinsie se onder-18-rolbalspalspan wat hulle provinsie by die Nasionale Rolbalkampioenskappe in Bloemfontein sal verteenwoordig. Mariska Spoormaker het by die Millpark-rolbalbaan gaan ky...

Chinese boikot hulle rykste man se gebottelde water. Motiewe op die waterbottels herhinner aan Japan, en die Chinese bevolking voel dis nie patrioties genoeg nie.

Anrich Herbst gesels oor droomrolle, die op en af van die lewe as akteur, en wat hom gelukkig maak.

Haidee Muller-Isaacs kuier by die Wes-Kaapse Downsindroom-vereniging in Bellville, waar sy meer uitvind oor die werksaamhede van hierdie organisasie.

Sue Tatham vertel vir Martelize Brink hoe dit gebeur het dat een van haar kunswerke in November saam met NASA maan toe gaan.

In Kambodja het vragmotorbestuurders hulle vragmotors se standaard-toeters vervang met toeters wat deuntjies speel. Kinders en jongmense dans in die straat op die toeters se klank. Die eerste minister het ‘n verbod op die toeters geplaas siende dat die dansery die openbare orde versteur en gevaarlik is.

Jan de Beer vertel in SO IS DIE LAND GEBOU hoe spoorlyne gebou word.

‘n Kontemporêre herinneringsopera, TRIAL BY MEDIA, is van 11 April af by Kunstekaap op die planke. Die libretto is deur Schalk Scoombie en die musiek deur Conrad Asman. Johan Rademan gesels met Van Wyk Venter, wat die rol van Oscar Pistorius vertolk in die opera, waar die invloed van sosiale media en die media onder die soeklig kom.

Die Wes-Kaapse minister van kultuursake en sport, Anroux Marais, en Lizelle Burger gesels oor biblioteekweek, en die rol wat biblioteke deesdae speel, veral in die platteland.

‘n Amerikaner is in die sop nadat hy reuse hibriede skape geteel het vir die trofeejagmark.

Petro van der Westhuizen vertel van die Wildlife Forensic Academy wat wildbewaarders en ander rolspelers oplei om stropingstonele forensies te ondersoek.

Haidee Muller-Isaacs ontmoet vir Keith Abrahams van Sarepta in Kuilsrivier. Hy vertel hoe hy as jong kind groot drome gekoester het om homself in die sportwêreld uit te leef. In weerwil van moeilike omstandighede het hy so fluks gevorder, eers as Iiggamlike opvoeding-onderwyser, later as ’n vlootoffisier, en vandag bedryf hy sy eie gimnasium.

Gerrit van Vuuren van Partners in Agri Land Solutions (PALS) vertel van hulle inklusiewe private sektor inisiatief wat fokus op grondhervormingsuitdagings.

Klimaataktiviste blaas nou sportnutsvoertuie se bande af, en los ‘n pamflet om te verduidelik dat die voertuie nie planeetvriendelik is nie. Só probeer hulle mense ontmoedig om dié soort voertuie te koop, wat die grootste deel van die Verenigde Koninkryk se nuwevoertuigverkope uitmaak.