Driesestig

Carina van der Walt vertel vir Johan Rademan en Martelize Brink van haar digkuns en projekte saam met landskapkunstenaar Strijdom van der Merwe.

Dr. Jan Botha praat oor virtuele outisme.

HGG Finansiële Groep bied die reeks, Geldgids, aan om in dié tyd van geldverknorsing hoop te gee en kennis oor te dra. Niek van den Berg en Eduan Basson, albei verbonde aan HGG se Welvaart-sake-eenheid, lig ons toe oor versekering - van risikodekking en lewensversekering tot inkomste-ongeskiktheidsversekering. Daarby wys hulle die voordele daaraan verbonde, en ook die slaggate, uit. hggroep.co.za

Dr. Ruben Richards vertel vir Johan Rademan en Martelize Brink hoe manlike gemeenskapsleiers teen geslagsgebaseerde geweld mobiliseer word.

Dr. Burt Davis vertel van Gertie se groot geheim, 'n fotoverhaal wat ontwikkel is om mense te help om verantwoordelikheid te aanvaar vir hulle diabetesdiagnose.

PC Ferreira vertel van Hanover en omgewing as toersimebestemming.

Op Kariega, vroeër bekend as Uitenhage, vind jy talle vrywilligers wat vroue en meisies bystaan wat 'n krisis beleef omdat hulle swanger is. Dié ondersteuning word nie net tydens swangerskap gebied nie, maar kan selfs 'n paar jaar ná die geboorte van die kind duur. Mariska Spoormaker wou by Johanna George, direkteur van die New Life Crisis Pregnancy Centre, weet wat ‘n krisis-swangerskap is.

Ivy Kinnear was 27 jaar lank 'n hoërskool biologie-onderwyseres, waarna sy 12 jaar lank omgewingsopvoedkundige by UWK was. Sy kom oorspronklik van die skilderagtige sendingstasie, Zoar, tussen Calitzdorp en Ladismith. Sy vertel vir Haidee van huiskos, haar liefde vir Afrikaans en hoe sy verlede jaar, op 72, die voorbladgesig van die erfenistydskrif, Koe'sister, se Kersuitgawe was. En, terloops, Iv...

Dr. Lourens Terblanche praat oor ekseem, en die impak van die siekte op vele aspekte van 'n persoon se lewe.

Leilani Basson vertel van 'n beweging om vroue praktiese vaardighede te leer om hulleself en hulle geliefdes te beveilig.

Haidee Muller-Isaacs het by Blikkiesdorp in Delft op die Kaapse Vlakte gaan inloer, waar Michelle Koopman vertel het van haar leesklas vir behoeftige kinders van die gebied. Michelle het daar gewoon, en wou iets doen om die kinders daar te bemagtig. Michelle is deel van die Stigting vir Bemagtiging deur Afrikaans se Zoë-voorleesprojek. Sy glo dat lees die sleutel tot sukses is.

Veearts dr. Ingrid de Wet praat oor chroniese oorprobleme by troeteldiere.

Jannie Strydom vertel vir Martelize Brink van Agri Wes-Kaap se bedrywighede.

Fisioterapeut Chantal Berry praat oor balans en balansrehabilitasie.

In die vroeë 1930's het Antjie Stuurman elke dag tien kilometer van haar en haar man Booi se veeposhuisie na die opstal van die plaas Witteklip gestap om te gaan werk, en dan weer die 10 km terug gestap huis toe. Dié roete is deesdae die kern van die Antjie se Pad-voetslaanroetes in die asemrowende Kougaberge. Mariska Spoormaker het die roetes saam met Herman Stoffberg, ontwikkelaar van Antjie se...

Wilna Moolman gesels met Martelize Brink oor Kareedouw as toerismebestemming.

Haidee Muller-Isaacs gesels met Alwyn Marx by 'n buite-gimnasium naby haar huis. Alwyn is 'n hoërisiko-lyfwag en 'n waaghals. Hy vertel vir Haidee van straatoefening (street gimming) en sy werk op die stel van flieks soos Tomb Raider en The Mummy. Alwyn was al ‘n dubbelganger vir 'n hele paar bekende akteurs, en al vir Tom Cruise ontmoet.

M'lani Basson gesels met Martelize Brink oor selfdoodvoorkoming.

Danelle Murray gesels met Johan Rademan en Martelize Brink oor die versorging van uilkuikens.

Kognitiewe vaardighede sluit in die vermoë om nuwe kennis te kan leer, te verwerk en toe te pas, en om te kan redeneer. Dit is gebaseer op vermoëns waarmee ons gebore word. Dit is egter moontlik om vaardiger te word met werk, oefening en stimulasie. Die teendeel is egter ook waar - dat ons leefstyl ook soms kan lei tot kognitiewe agteruitgang. Jacqui January verduidelik.

HGG Finansiële Groep bied die reeks, Geldgids, aan om in dié tyd van geldverknorsing hoop te gee en kennis oor te dra. Stefanie Tolken is 'n geregistreerde finansiële raadgewer verbonde aan HGG se Welvaart-sake-eenheid. Stefanie se vakgebied is raadgewing met betrekking tot mediese hulpfondse en oorbruggingsdekking, en sy wys ons op die noodsaaklikheid daarvan.

Hein Fourie gesels met Johan Rademan en Martelize Brink oor die vermindering van huishoudelike afval.

Ramon Alexander en Schalk Joubert gesels met Johan Rademan en Martelize Brink oor Kaapse Jazz.

Dieetkundige Irene Labuschagne verduidelik wat 'n diabetesdieet is.

Dit was nog altyd Solly Luyt, ‘n voorste linie paramedikus in die stryd teen Covid-19, se droom om ‘n nooddienswerker te wees, maar toe word hy as jongman afgekeur omdat hy kwansuis te kort sou wees. Hierna het hy 20 jaar lank by die Volkswagenfabriek op Kariega gewerk, maar sy droom het bly druk. Toe Solly dus 12 jaar gelede die geleentheid gekry het om by 'n private ambulansdiens aan te sluit, h...