Dilli Dali

സുഹൃത്തേ , 'ബാ' എന്ന പോഡ്‌കാസ്റ്റിലേക്ക് സ്വാഗതം . ദില്ലിയിലെ തീസ് ജനുവരി മാർഗിൽ വെച്ച് വർഷങ്ങൾക്കു മുൻപ് ഒരു സ്ത്രീ എന്നോടു പറഞ്ഞു , ബാ എന്നു തുടങ്ങാതെ ബാപ്പു എന്ന് പൂർത്തീകരിക്കാൻ കഴിയില്ല എന്ന് . ഒരിക്കൽ ഗാന്ധി കസ്തുർബായെ കുറിച്ചെഴുതി : ' എന്റെ ഭാര്യയ്ക്ക് ഞാൻ നൽകിയ വേദനകൾ മറക്കാനാവില്ല . എനിക്ക് സ്വയം മാപ്പു നൽകുവാനും കഴിയില്ല ' ബായുടെ ജീവിതത്തിൽ നിന്നും കുറേ അനുഭവങ്ങൾ ഇന്നത്തെ പോഡ്‌കാസ്റ്റിൽ....

സുഹൃത്തേ , ഇന്നത്തെ പോഡ്കാസ്റ്റ്  2020 ലെ സാഹിത്യത്തിനുള്ള നോബൽ സമ്മാനം നേടിയ കവി ലൂയിസ് ഗ്ലിക് (Louise Glück  )ന്റെ A Summer Garden എന്ന കവിതയുടെ ആദ്യഖണ്ഡം  കവിയുടെ ശബ്ദത്തിലാണ് . തുടർന്ന് കവിതയുടെ മലയാളത്തിലുള്ള  വിവർത്തനവുമുണ്ട്. Earphone ഉപയോഗിച്ച് കേൾക്കണമെന്ന് അഭ്യർത്ഥിക്കുന്നു . 'സത്യത്തിൽ പഴയ ഫോട്ടോകളിലെ പൊടിയാണ് ബാല്യത്തിന്റെ അവശേഷിപ്പുകളെ നിതാന്തമായി സംരക്ഷിച്ചു നിർത്...

സുഹൃത്തേ , നക്ഷത്രങ്ങളുടെ മരണത്തിനു ശേഷമെന്ത് ? സ്ഥലവും കാലവും ഗുരു ത്വ ആകർഷണത്താൽ തകർന്നടിഞ്ഞിട്ട്  , ഒരു നിശ്ചിതബിന്ദുവിൽ എത്തിച്ചേരുന്ന കാവ്യസമാനമായ ഒരവസ്ഥയുടെ ശാസ്ത്രീയാവലോകനം എന്താണ് ? ഇന്ന് ദില്ലി -ദാലിയിൽ പ്രപഞ്ചോത്ഭവത്തിനും മുൻപുള്ള സ്ഥല-കാലങ്ങളെ കുറിച്ചുള്ള ഒരു പോഡ്കാസ്റ്റ് ആണ് . 2020 ൽ ഊർജ്ജതന്ത്രത്തിനുള്ള നോബൽ സമ്മാനാർഹനായ റോജർ പെൻറോസിന്റെ സംഭാവനകളെ കുറിച്ച് സംസാരിക്കുന്നത് ശാസ്ത്ര...

കൊൽക്കത്ത വിടും മുൻപേ എ . രാമചന്ദ്രൻ , ഗുരുവിനോട് ചോദിച്ചു : എന്നെ മറക്കുമോ ? "നിന്നെ എങ്ങനെ മറക്കാനാണ് ? നീ രാമചന്ദ്രനല്ലേ ? ഞാൻ വെറും രാംകിങ്കർ മാത്രം " ഇതായിരുന്നു മറുപടി . ഈ ലക്കം പോഡ്കാസ്റ്റ് ഒരു വായനാനുഭവമാണ്.  സുഹൃത്തേ ,  താങ്കളെ ഈ പോഡ്‌കാസ്റ്റിലേക്ക് ക്ഷണിക്കുവാൻ സന്തോഷമുണ്ട് . കാരണം ഇത് അതിമനോഹരമായ ഒരു പുസ്തകത്തിന്റെ വായനാനുഭവമായതുകൊണ്ട്. എ . രാമചന്ദ്രൻ ഗുരുവിനെ കുറിച്ചെഴുതിയ ഓർ...

ഹാഥ്റസ്സിലെ ദലിത് പെൺകുട്ടിയുടെ ജീവിതവും മരണവും മരണാനന്തരവും അഡ്വക്കേറ്റ് പി എം ആതിരയുമായി ഒരു സംഭാഷണമാണ് ഈ ലക്കം പോഡ്കാസ്റ്റ്.  സാമൂഹ്യപ്രവർത്തകയും , അഭിഭാഷകയും  കോഴിക്കോട് കോടതിയിൽ  പബ്ലിക് പ്രോസിക്യൂട്ടറും അഡിഷണൽ ഗവണ്മെന്റ് പ്ളീഡറുമാണ് ആതിര. പ്രധാനമായും അഞ്ചുചോദ്യങ്ങൾക്കാണ് ആതിര മറുപടി പറയുന്നത് . ഒന്ന് : ഒരു സ്ത്രീയും അഭിഭാഷകയും എന്ന നിലയിൽ  ഹാഥ്റസ്സിലെ പ്രശ്നത്തെ എങ്ങനെ കാ...

സുഹൃത്തേ , ദില്ലി -ദാലിയുടെ ശ്രോതാക്കളിൽ ഒട്ടുമിക്ക പേരോടും നജ്മൽ എൻ . ബാബു എന്ന ടി എൻ ജോയിയെ പരിചയപ്പെടുത്തേണ്ട ആവശ്യമില്ല . എങ്കിലും ഈ പോഡ്‌കാസ്റ്റിലേക്ക് ക്ഷണിക്കാനായി ഒരു ആമുഖക്കുറിപ്പ് . കണ്ടുമുട്ടിയവർ എല്ലാവരും സ്നേഹിച്ചയാൾ . അയാൾ കണ്ടുമുട്ടിയവരെ എല്ലാവരേയും തിരിച്ചും സ്നേഹിച്ചു . കൊടുങ്ങല്ലൂരുനിന്നും കേരളത്തോളം വളർന്ന മനുഷ്യന്റെ പച്ച . ഓരോ മനുഷ്യനും സുന്ദരനും സുന്ദരിയുമെന്ന് കരുതിയ സുന്ദരമാ...

ഷർമിള ടാഗോർ എഴുതിയ അനുസ്മരണം  അതിമനോഹരമായി എഴുതപ്പെട്ട ഒരവലോകനത്തിലേക്ക് സ്വാഗതം . ഇത് ദില്ലി -ദാലിയുടെ സത്യജിത്ത് റായ് ജന്മശതാബ്ദി പോഡ്കാസ്റ്റ് പരമ്പരയിലെ സെപ്റ്റംബർ ലക്കമാണിത് . ആദ്യസിനിമയിൽ അഭിനയിക്കുവാൻ സത്യജിത്ത് റായ് യുടെ അടുത്തു ചെല്ലുമ്പോൾ ഷർമിള ടാഗോറിന് പതിമ്മൂന്ന് വയസ്സായിരുന്നു. മണിക് ദാ മരിച്ചതിന് മുപ്പതു കൊല്ലങ്ങൾക്കു ശേഷം പഥേർ പാഞ്ചാലി മുതൽ ഒട്ടു മിക്ക റായ് സിനിമകളിലേയും സ്ത്രീ...

കരിയെണ്ണയുടെ നീതി  കേരളത്തിന്റെ പൊതുവിടങ്ങൾ എന്നെങ്കിലും മാന്യമായിരുന്നോ ? ഏവർക്കും publish ചെയ്യാമെന്ന കാലത്ത് കാലാനുസൃത നിയമങ്ങൾ വരേണ്ടതുണ്ടോ ? Virtual Space ൽ പുതിയ കലുങ്കുകൾ ഉണ്ടാക്കി വൈകുന്നേരം വഴിയേ പോകുന്ന പെണ്ണുങ്ങളോട് വൃത്തികേട് പറയുന്നവരെ പിടിക്കാൻ കഴിയാത്തത് എന്തുകൊണ്ട് ? പാർലമെന്റും നിയമസഭയും അടിയന്തിരമായി ചെയ്യേണ്ടത് എന്താണ് ? 66 A ഭേദഗതികളോടെ തിരികെ കൊണ്ടുവരേണ്ടതിന്റെ അടിയന്തിരാ...

സുഹൃത്തേ , ദില്ലി -ദാലിയിൽ ഇന്ന് അതിഥിയായി വന്നിരിക്കുന്നത് പ്രമുഖ പരിസ്ഥിതി പ്രവർത്തകനും കാർഷിക സമ്പദ്ശാസ്ത്ര വിദഗ്ദ്ധനുമായ ശ്രീ കെ . സഹദേവനാണ് . പ്രധാനമായും അദ്ദേഹം മറുപടി പറയാൻ ശ്രമിക്കുന്ന ചോദ്യങ്ങൾ ഇവയാണ് : ഒന്ന് : എന്തുകൊണ്ട് കർഷക പ്രക്ഷോഭം പഞ്ചാബ് - ഹരിയാന - പടിഞ്ഞാറൻ ഉത്തർ പ്രദേശ് എന്നിവിടങ്ങളിൽ മാത്രം ശക്തിപ്രാപിക്കുന്നതായി കാണുന്നു ? രണ്ട് : സർക്കാർ ചന്തകളെ ആശ്രയിക്കാത്ത കർഷക സമൂഹങ്ങളെ &...

സുഹൃത്തേ , ലയണൽ മെസ്സി ജനിച്ചത് 1987 ൽ . അന്ന് ശ്രീ എം എ ബേബിയ്ക്ക് 33 വയസ്സ് പ്രായം . ആരോമൽ ഡിക്രൂസാകട്ടെ  ജനിച്ചത് 1998 ൽ മാത്രം . മെസ്സി എന്ന ഫുട്ബോൾ ഇതിഹാസത്തെ രണ്ടു തലമുറകൾ എങ്ങനെ കാണുന്നു ? അതാണ് ഈ പോഡ്കാസ്റ്റ് . CPI (M ) പൊളിറ്റ് ബ്യുറോ അംഗവും കേരളത്തിന്റെ മുൻ വിദ്യാഭാസ മന്ത്രിയുമായ എം എ ബേബി വലിയ കായികപ്രേമി കൂടിയാണ്. 2012 ൽ മെസ്സി കളിക്കളത്തിൽ ഇറങ്ങിയത് നേരിട്ടു കാണാനിടയായ അനുഭവവും ,...

സുഹൃത്തേ , രസകരമായിരുന്നൂ , ശാസ്ത്രജ്ഞയായ ഡാലി ഡേവിസുമായി ഫോണിൽ സംസാരിച്ചത്. പുതിയ തലമുറയിൽ പെട്ട മലയാളികൾ മാതൃഭാഷയിൽ സയൻസ് എഴുതുന്നതിനെ കുറിച്ച് സംസാരിക്കാനാണ് ഡാലിയെ വിളിച്ചത് . കൊച്ചിൻ സർവകലാശാലയിൽ നിന്നും രസതന്ത്രത്തിൽ ഡോക്ടറേറ്റ് നേടിയിട്ട് ഇസ്രായേൽ ഇൻസ്റ്റിറ്റ്യൂട്ട് ഓഫ് ടെക്നോളജിയിലും ജർമ്മനിയിലെ ഹൈഡൻബെർഗ് സർവകലാശാലയിലും ഉപരിപഠനവും നടത്തിയതിനുശേഷം ഇപ്പോൾ മുംബൈയിലെ ഭാഭാ ആണവ ഗവേഷണ കേന്ദ്രത്തി...

സുഹൃത്തേ , മൂന്ന് ഡൽഹി വാർത്തകളെ ബന്ധിപ്പിക്കുന്ന ഒരു ഘടകമുണ്ട് എന്നാണ് ഈ ലക്കം ദില്ലി -ദാലി പറയാൻ ശ്രമിക്കുന്നത് . ഇന്ത്യയിലെ മുസ്‌ലിം, അധഃസ്ഥിത ജനവിഭാഗങ്ങളിൽ നിന്നും ഉന്നത വിദ്യാഭ്യാസ രംഗത്തേക്ക് കടന്നു വരുന്ന മിടുക്കികളും മിടുക്കന്മാരുമായ വിദ്യാർത്ഥികളെ മുഖ്യധാരയിൽ നിന്നും അകറ്റുവാൻ  ഭരണഘടനാവിരുദ്ധമായ ഒരു ശ്രമമുണ്ടോ ? ജസ്റ്റിസ് DY ചന്ദ്രചൂഡ് കഴിഞ്ഞ ദിവസം ഒരു സുപ്രീം കോടതി വിധിയിൽ അതിനെ കുറ...

സാംസ്കാരികമായി ഏറ്റവും വിപരീതമായ ഒരു കാലത്തിലാണ് കപിലാ വാത്സ്യായൻ നമ്മെ വിട്ടുപോകുന്നത് . അതിനാൽ ഈ വേർപാട് ഉണ്ടാക്കുന്ന വിടവ് കൂടുതൽ വലുതാകുന്നു. ഇന്ത്യയുടെ സംസ്കാരചരിത്രത്തിന്റെ ആത്മസത്തയായിരുന്നു   അവർ. നെഹ്‌റുയുഗത്തിന്റെ പ്രഭാവം അവരിൽ നിറഞ്ഞു നിന്നു.കേരളത്തിനെ അളവറ്റു സ്നേഹിച്ചിരുന്നു അവർ. മഹിതജന്മമായിരുന്ന കപില വാത്സ്യായന് ദില്ലി ദാലിയുടെ  ആദരാഞ്ജലിയാണ് ഈ പോഡ്കാസ്റ്റ് . സ്നേഹത്ത...

സുഹൃത്തേ , ചില വൈയക്തികാനുഭവങ്ങൾ അമൂർത്തമായിരിക്കും. അത് ഒരു പോഡ്കാസ്റ്റ്- ശബ്ദാനുഭവമാക്കുവാൻ പറ്റുമോ എന്ന് തീർച്ചയില്ല. ഇന്നത്തെ ദില്ലി -ദാലി അങ്ങനെയൊന്നാണ് . മുരളി കണ്ണമ്പള്ളിയുടെ യർവാദ ജയിൽ സ്മരണകൾ വായിക്കുമ്പോൾ എന്റെ പശ്ചാത്തലത്തിൽ പണ്ഡിറ്റ് കുമാർ ഗന്ധർവ പാടിയ സഹേലി തോടി ഉണർന്നിരുപ്പുണ്ടായിരുന്നു. ബ്രിട്ടീഷുകാർ തൂക്കിക്കൊന്നിട്ടും മരിക്കാൻ കൂട്ടാക്കാഞ്ഞ ഉമാജി ഖോമാണെ എന്ന കലാപകാരിയുടെ ഓർമ്മകൾ ആ...

സ്വാമി അഗ്നിവേശിനെക്കുറിച്ച് അമൃത് ലാൽ സംസാരിക്കുകയാണ് ഇന്ന് ദില്ലി ദാലിയിൽ. ഹിന്ദുത്വ രാഷ്ട്രീയക്കാരുടെ ശാരീരികാക്രമണങ്ങൾ ഏറ്റവും കൂടുതൽ ഏറ്റുവാങ്ങിയ  ഹിന്ദു സന്ന്യാസി. വേദം പോലെ പ്രധാനമാണ് ഇന്ത്യൻ ഭരണഘടന എന്ന് വിശ്വസിച്ച സന്ന്യാസി. സുഹൃത്തായിരുന്ന അടൽ ബിഹാരി വാജ്‌പേയിയുടെ മൃതദേഹം കാണാൻ ചെന്നപ്പോഴും ആക്രമിക്കപ്പെട്ട മനുഷ്യൻ . തോട്ടിപ്പണി ചെയ്യുന്ന ദളിത് യുവതിയുടെ കാൽ തൊട്ടു വന്ദിച്ചതിന് ബാഹ്...

റൊദാന് (Auguste Rodin ) ബൽസാക്കിനെ മനസ്സിലായിരുന്നു , ഒരു കപ്പിത്താന് തുറന്ന കടലിനെ എന്ന പോലെ. 1891 മുതൽ ഏഴുകൊല്ലക്കാലങ്ങൾ ബൽസാക്കിനെ മനസ്സിലാക്കുവാൻ ശില്പിയായ  റൊദാൻ ശ്രമിച്ചു. ഏതോ അപരിചിത ഭൂഖണ്ഡത്തിൽ ഉണ്ടെന്നു കേട്ട ബുദ്ധന്റെ പല്ല് അന്വേഷിച്ചുനടന്ന ഫാഹിയാനെ പോലെ . പ്രതിമ സമിതി ശിൽപമാതൃക നിരസിച്ചു . ശിൽപിയുടെ മരണത്തിന് 22 വർഷങ്ങൾ കഴിഞ്ഞാണ് ആ പ്രതിമ അനാച്ഛാദനം ചെയ്യപ്പെട്ടത് . റൊദാന്റെ 'ബൽസാക...

സുഹൃത്തേ , പുതിയ ലക്കം ദില്ലി - ദാലിയിലേക്ക് സ്വാഗതം . ഇന്നലെ സമാധിയായ സ്വാമി കേശവാനന്ദ ഭാരതി ഇന്ത്യൻ ഭരണഘടനയോടുള്ള ഭരണകൂടങ്ങളുടെ സമീപനങ്ങൾക്ക് നൽകിയ സന്ദേശം എന്തായിരുന്നു ? അതിന്റെ ഇന്നത്തെ പ്രസക്തി എന്താണ് ? അഡ്വക്കേറ്റ് ഹരീഷ് വാസുദേവനുമായി അഭിമുഖം : ഹരീഷ് പരാമശിക്കുന്ന കാര്യങ്ങൾ : ഒന്ന് : കേരളത്തിലെ ഭൂപരിഷ്കരണ നിയമത്തിലെ ഏത് കാര്യമാണ് കേശവാനന്ദ ഭാരതി ചോദ്യം ചെയ്തത് ?, രണ്ട് : സർക്കാരും കേശവാനന്...

സുഹൃത്തേ , ചത്തുപോയി എന്ന ഭാഷാപ്രയോഗം   കഴിഞ്ഞ ദിവസം ഒരു ടി വി വാർത്താചാനൽ ചർച്ച വഴി സജീവമായി . ഒരു ഭാഷ മരണത്തെ സ്വാംശീകരിക്കുന്നത് എങ്ങനെയാണ് ? ഒരാളേയും മരിക്കാൻ അനുവദിക്കാത്ത വാശിയല്ലേ  ജീവിച്ചിരിക്കുന്നവരുടെ ഭാഷയ്ക്ക്? ചിത്തത്തിൽ കൂറിയിന്നവരെ കുമാരനാശാൻ ചത്തുപോകാൻ അനുവദിച്ചതെങ്ങിനെ ? ഇ.എം.എസ് അന്തരിച്ചു എന്നു പറയുമ്പോൾ ആ ഭൗതികവാദിയെ മരിക്കാൻ ഭാഷ അനുവദിച്ചോ ? തിരുമേനി കാലം ചെയ്യുക...

പ്രിയ സുഹൃത്തേ നാളെ സെപ്റ്റംബർ അഞ്ചാണ് . 2017 ൽ ഈ ദിവസമാണ് ഏഴു വെടിയുണ്ടകൾ ഏറ്റ് ഗൗരി ലങ്കേഷ് കൊല്ലപ്പെട്ടത്. കൊലയാളികൾക്ക് എന്നിട്ടും ഗൗരി ഉയർത്തിയ ചോദ്യങ്ങളെ കൊല്ലാൻ കഴിഞ്ഞില്ല . നാം ചരിത്രം ചിക്കിച്ചികയുമ്പോൾ ആ ചോദ്യങ്ങൾ വീണ്ടും മണ്ണിൽ ഉയരുന്നു . പി എൻ ഗോപീകൃഷ്ണൻ ഈ ഓണക്കാലത്ത് എഴുതിയ അതിശക്തമായ ഒരു കവിത ദില്ലി -ദാലി സെപ്റ്റംബർ അഞ്ചിന്റെ സ്മരണയ്ക്കായി അവതരിപ്പിക്കുകയാണ് , കവിയുടെ ശബ്ദത്തിൽ. " ഇങ...

പ്രിയ സുഹൃത്തേ , ദില്ലി -ദാലിയുടെ ചതയദിന പോഡ്‌കാസ്റ്റിലേക്ക് സ്വാഗതം. 1903 ൽ കുമാരനാശാൻ ആത്മോപദേശശതകത്തിന്റെ ആദ്യ മൂന്ന് ശ്ലോകങ്ങൾക്ക് എഴുതിയ വ്യാഖ്യാനമാണ്‌ ഇന്ന് ഗുരുവിനും ശിഷ്യനുമുള്ള ആദരമായി സമർപ്പിക്കുന്നത് . ഇത് പ്രക്ഷേപണം ചെയ്യാൻ സാധിച്ചത് ഒരു മഹാഭാഗ്യവും ആഹ്ലാദപ്രദമായ ദാർശനികാനുഭവവുമായി കരുതുന്നു. ഗുരുവിന്റെ കവിതയോ ദർശനാഗാധതയോ  മാത്രമല്ല നമ്മെ അത്ഭുതപ്പെടുത്തുന്നത് , കുമാരനാശാൻ സ്വന്തമ...

പ്രീയപ്പെട്ട സുഹൃത്തുക്കളേ , ദില്ലി -ദാലിയുടെ ഓരോ ശ്രോതാവിനും തിരുവോണാശംസകൾ . ഇന്ന് ഈ പോഡ്‌കാസ്റ്റിൽ ഒരു ചരിത്രവായനയാണ് . കഴിഞ്ഞ നൂറ്റാണ്ടിൽ കേരളത്തിലെ ഓണം എങ്ങനെയായിരുന്നു ? പി . ഭാസ്കരനുണ്ണി എഴുതിയ 'പത്തൊൻപതാം നൂറ്റാണ്ടിലെ കേരളം' എന്ന പുസ്തകത്തിൽ ഓണത്തെക്കുറിച്ച് വിശദവിവരങ്ങൾ ഇല്ല. കൊച്ചീരാജ്യത്തെ അത്തച്ചമയാഘോഷത്തെ കുറിച്ച് പറയുന്നുണ്ട് . ആ ഭാഗമാണ് ഇന്ന് ഈ പോഡ്‌കാസ്റ്റിൽ ഉൾപ്പെടുത്തിയിരിക്കുന്നത...

പ്രീയപ്പെട്ട സുഹൃത്തേ , സത്യജിത്ത് റായ് ജന്മശതാബ്ദി പോഡ്കാസ്റ്റ് പരമ്പരയിലെ നാലാമത്തെ ലക്കമാണിത്. റായ് എന്ന എഴുത്തുകാരനെ കുറിച്ച് ആഴത്തിലുള്ള അവലോകനമാണ് രാഹുൽ രാധാകൃഷ്ണൻ നടത്തുന്നത് . ഏകാന്തരായ മനുഷ്യരെ മനസ്സിലാക്കിയ എഴുത്തുകാരൻ. ശാസ്ത്രവും ഗണിതവും ചരിത്രവും നന്നായറിയാവുന്ന കഥാപാത്രങ്ങൾ , അതിൽ അധ്യാപകരും , കള്ളന്മാരും , അഭിനേതാക്കളും , അപകർഷതാബോധമുള്ളവരും അന്തർമുഖരും ഉണ്ട് . റായ് യുടെ എഴുത്തിന്റെ...

മലകയറ്റം നമ്മുടെ മനസ്സിലോ നടക്കുന്നത് ? എവറസ്റ്റ് ബേസ് ക്യാമ്പ് , കിളിമഞ്ചാരോ , മർദ്ദി ഹിമാൽ എന്നീ പർവ്വതാരോഹണാനുഭവങ്ങൾ  പങ്കുവെയ്ക്കാനാണ് പ്രസന്ന കെ . വർമ്മയോട് അഭ്യർത്ഥിച്ചത്.  മറുപടികൾ മനോഹരമായി മാറി. മനസ്സാണ് എല്ലാ മലകയറ്റങ്ങളും നടത്തുന്നത് എന്ന് പറയുന്ന മറുപടികൾ . 'എന്റെ ലോകത്തിനു ചുറ്റും ഞാൻ തീർത്ത സുരക്ഷിതത്വങ്ങളിൽ നിന്നുമുള്ള പിടഞ്ഞോട്ടം' ജാഗ്രതയും സ്വക്ഷേത്രബലവും സ്നേഹവും നിറഞ്ഞ...

.ഇന്ന് ആഗസ്ത് 23 : അയ്യപ്പപ്പണിക്കർ ചരമദിനം  'നിറവേറിയ വാഗ്ദാനം' എന്ന പുസ്തകത്തിലെ ഒന്നാം അദ്ധ്യായത്തിലെ കുറച്ചു ഭാഗങ്ങൾ ഇന്ന് 'ദില്ലി -ദാലി' അവതരിപ്പിക്കുന്നു . മലയാളിയുടെ സംവേദനക്ഷമതയെ മാറ്റത്തീർത്ത പ്രതിഭാശാലിയുടെ ജനനത്തേയും മരണത്തേയും ഓർക്കുകയാണ് ഇളയ സഹോദരി എം . ലക്ഷ്മിക്കുട്ടിയമ്മ ഈ ജീവചരിത്രക്കുറിപ്പിൽ . തിരുവനന്തപുരത്തു കിംസ് ആശുപത്രിയിൽ കിടക്കുന്ന കൊച്ചേട്ടന് മൃത്യുഞ്ജയ ഹോമം കഴിച്ച പ്...

1948 ജൂൺ ഏഴാം തീയതി മാതൃഭൂമി പത്രത്തിൽ മട്ടാഞ്ചേരിയിൽ നിന്നും റിപ്പോർട് ചെയ്ത വാർത്ത : " 685 വയസ്സായ യതിവര്യൻ പോലീസ് കസ്റ്റഡിയിൽ . കണ്ടാൽ മുപ്പതുവയസ്സുതോന്നും . ലോക്കപ്പിലുണ്ട് . വയസ്സുചോദിച്ചപ്പോൾ  685എന്നു പറഞ്ഞു . കഴിഞ്ഞ പതിനൊന്നു കൊല്ലങ്ങളായി കടലിനടിയിലായിരുന്നു താമസമെന്നും പോലീസിനോട് പറഞ്ഞു." ചെറിയ ചെറിയ വാചകങ്ങളിൽ സാധാരണ മനുഷ്യരുടെ നമ്മുടെ ജീവിതത്തിന്റെ താളം തെറ്റിക്കുന്ന ആളുകളിൽ ഒരാൾ ....