ARGIA

Astero lurrari lotutako gai bat jorratzen gabiltza, eta iritsi da elikaduraz hitz egiteko unea. Hala ez uste arren, guztiz planifikatuta dagoelako gure elikadura sistema eta antolaketa hori gure eta lurraren beharretara egokitzea beharrezkoa da Asunek Behatokiko Goiuri Alberdi eta Aintzira Oñederrak esan digutenez. Esperientziaren atalean, berriz, baretzegintzan buru belarri ari den Ane Zeberioko...

 Autoak eta gizonak historikoki egon al dira horren lotuta? Nolakoa litzateke emakumeen asmakizunik gabeko auto bat? Automobilgintzaz zerbait interesgarria jakin nahi baduzu, hau da zure saioa. 

Ez dakigula nola, hasi gara jolas librearen (ejem) eta izaera eskizoideen arteko loturaz hizketan, terapiak gora terapiak behera, obsesioak eta beste, eta bukatu dugu polimaitasunaz hizketan, poli kiroldegiez eta poli bizilagunez. Baina inportanteena ez da hori, baizik eta EHZrako bi sarreren irabazleak jakinarazi ditugula. Bergarako gaupaseroak eta irrien lagunak jaso dute saria. Zorionak!

Hogei urte betetzen diren honetan Monique Wittig pentsalari feminista hil zela, bizirik dirau oraindik bere teoriak eta sekulako gaurkotasuna dute bere ideiek. Jenofa Berhokoirigoinek maiatzeko Larrun aldizkaria eskaini dio Wittig-i eta Larrun podcastean kontatu dizkigu erreportajean bildu dituenak.

Aste honetako saioan erleen mundu txundigarrira hurbiltzeko aukera izan dugu Egoitz Galartza 'Erbel' Erle Beltz Hazleen Elkarteko kidearen eskutik. Euskal Herrian erlezaintzan lanean ari diren proiektuei, profesionalizazioari, erleen hobekuntza genetikoari eta beste hari mutur askori tira die Galartzak. Esperientziaren atalean, berriz, Biosasun Olio Ekologikoa proiektuko Eusebio Gainzak...

Kleopatraren inguruko serie batek eta honen azal kolorearen inguruko eztabaidak sortutako polemikak eman digu aitzakia mendebaldeko historian zuritu ditugun pertsonaiez hitz egiteko. Beti bezala, markagailua zurion alde.

Egonarriaren zortzigarren saioan ekoizpen ekologikoari heldu diogu eta horretarako Biolur Nekazaritza Ekologikoaren Aldeko Elkartera jo dugu. Aurten bete ditu 30 urte Biolurrek eta ibilbide honen parte izan diren Miriam Arrizabalaga eta Pello Rubio izan dira gurean. Esperientziaren atalean, berriz, Oiartzungo Urmendi Haur Eskola ezagutu dugu; zehatzago, bertako jantoki proiektua, nekazaritza ekolo...

 Historian aztarna utzi duten emakumeei ez zaie leku askorik egin ohi; are gutxiago, LGTBIQ+ eta arrazakeriaren aurkako mugimenduko kide izan badira. Baina gure oroimen histerikoan badute txoko bat eta horregatik ekarri dugu gurera Sylvia Riveraren bizitza. 

 Hauteskunde osteko Beranduegin Euskal Herriko panorama politikoaren analisi sakona egin dute; batzuk euforiatik eta besteek deserosotasunetik, baina inor ez da isilik geratu. Zenbaiten etxeko trapu zaharrak eta iragan jeltzaleak ere atera dira. 

Oñatin egin da hirugarren Señora Sariketaren finala eta Maider Arregik jantzi du pamela. Arregirekin batera, oholtzara igo ziren Eli Pagola, Maddi Ane Txoperena, Janire Agirrezabalaga, Iruri Altzerreka eta Eli Zaldua. Behin finala igarota, ARGIAko platoan bildu dira Aner Peritz, Leire Vargas, Oihana Arana eta Haizea Arana eta saioa goitik behera aztertu eta beste zenbait meloi irekitzeko baliatu d...

Egonarriaren zazpigarren saioan abeltzaintzari heldu diogu eta Xabier Sabalza Errigoitiko Bizkaigane Elkarteko kidea izan da gurean. Hamar pertsonako lan taldeak darama 40 urte dituen proiektu hau: behiak, ardiak, baratza, esnea, gazta... proiektu integrala izatea da euren indargunea. Esperientziaren atalean, berriz, ogia izan da protagonista Errezilgo Irure Txiki Baserriko Edurne Agirreren eskuti...

 Maskulinitate hauskorraz aritu da Nagore Irazustabarrena saio honetan. Hiru objektu hartu eta bidaia historiko bat egitera gonbidatu gaitu: burusoiltasuna, gurpildun maletak eta takoiak. Ez saiatu zentzurik topatzen, entzun eta ulertuko duzue. 

Garbiñe Larrea naturopata eta 'Sendabelarrek Dakitena' liburuaren egilea izan da aste honetako Egonarria saioan; eta osaunaz, sendabelarrez, medikuntza moten arteko integrazioaz, dibulgazio lanaz eta beste hainbat kontuz aritu da. Esperientziaren atalean, berriz, Azkoitiako Arrumarrate baserriko Joey Albert eta Koldo Ormazak Baserriloreak proiektua ekarri digute. Egonarria bideo-podcasta...

 Irati filma amaitzen den une historikoan hasten da gaurko gure istorioa, eta Euskal Herriko leku esanguratsu batean: Leireko monasterioan. Palomitak janez entzuteko moduko saioa dakar Nagore Irazustabarrenak. 

Ipar izarrik gabeko saioan, gizonak eta futbola, ezin gehiago eskatu. Aste honetan Axi izan da landa lana egin duena, non eta Reale Arenan, lagunentzat, Anoetan. Gizonezkoen futbol partida bateko gora beherak kontatu eta hauek katuekin lotu ditu Kevinek; hori nola egiten den? Entzun eta jakingo duzue. 

 Haur eta gazteen egoera emozional eta psikologiko txarra dela-eta, irakasleak gaindituta daudela eta ikastetxe bakoitzean psikologo bat ezarri beharko litzatekeela aldarrikatzen du mugimendu batek. Hari horri tiraka osatu du maiatzeko Larrun aldizkaria Mikel Garcia kazetariak. Irakaskuntzaz, psikopedagogiaz eta psikologiaz asko dakiten hiru emakume bildu ditugu mahaiaren bueltan, eta pista ugari...

Señora Sariketaren bigarren kanporaketa egin berritan ARGIAren platoan saioko bertsoaldiak eta gorabeherak aletu dituzte Aner Peritz, leire vargas, oihana Arana eta Haizea Aranak.  Aroa Arrizubieta, Maddi Sarasua, Idoia Granizo, Janire Arrizabalaga, Eli Pagola eta Iruri Altzerreka bertsolariak aritu ziren kantuan Errantzun, Ane Ezenarro gai jartzaile zutela. Finala maiatzaren 27an jokatuko da oñat...

Egonarria podcastaren bosgarren saioan artzantzaz izan dugu mintzagai eta horretarako Pikunieta baserriko Josebe Blanco artzaina gonbidatu dugu. Abeltzaintza ereduaz, lurrarekiko eta animaliekiko harremanaz zein diru languntzez hitz egin du Eli Pgola eta Mattin Jauregirekin. Esperientziaren atalean, berriz, Perrapa baserriko Uxue eta Ander Amonarriz etorri dira eta eurek hazitako txekor haragia ek...

Atzerakoi asko daude munduan, baina ez genekien horietako bat merkurio planeta zenik; eta are gutxiago, horrek gure bizitzan halako eragina zuenik. Begirada historikotik eman digu zer esana atzeraka doala dirudien planeta txiki honek. Nagore Irazustabarrena historialariaren podcasta da 'Oroimen Histerikoa'. Asteartero izango duzue entzungai ARGIAn eta audio plataformetan.

 Bilbon hasi da hirugarren Señora Sariketa eta sakon aztertu dute lehen saioa Aner Peritz, Leire Vargas, Oihana Arana eta Haizea Aranak BTN podcastean: epai irizpideez, diskurtsoaz, umorearen erabileraz, zein bertsolarien estilismoaz aritu dira.     Bilboko Bira tabernan egin zen saiotik Maider Arregi, Maddi Ane Txoperena eta Eli Zaldua sailkatu dira Oñatiko finalera. Hurrengo kanporaketa maiatzar...

Aste honetan Jakoba Errekondo izan da gurean eta baratzegintzaz harago, dibulgazio lanaz, mendiaz, hezkuntzaz eta beste hainbat kontuz aritu dira berarekin Eli Pagola eta Mattin Jauregi. Esperientziaren atalean, berriz, Uxue Artolak Aralar.eko Moxal Haragia proiektuaren berri eman digu, baita dastatzeko okela ekarri ere. Egonarria bideo-podcasta argia.eus eta bizibaratzea.eus webguneetan duzue iku...

 Aste honetan egingo da Eurovision abesti lehiaketa Erresuma Batuan eta Euskal Herrian ere izango da horri begira denik; Nagore Irazustabarrena da horietako bat, lehiaketa honen pisu historikoa nabarmendu eta zenbait trapu zikin ere atera dizkigu mahai gainera.  

Beranduegin gardenak gara, eta hauteskunde atarian, gure historiala zein boto intentzioa plazaratzeko ariketa egin dugu. Baina emaitza ez genuen espero: jeltzale bat agertu da gure artean. Nor ote da? Gogoratu, Telegram kanala ere badugula. Apurka-apurka podcastaren ildo editorialarekin bat datorren edukia zabalduko dugu bertan, nahi duen ororentzat aho-gozagarri. Egin zure ekarpena Proposamenen b...

 Aste honetako Egonarrian Basogintzaz aritu gara Errez Kooperatibako Markel Arriolabengoa eta Iñaki Etxebesterekin, eta ohi bezala, gaian kokatzeko datu interesgarriak ekarri dizkigu aurrez Estitxu Eizagirre kazetariak. Esperientziaren ataean, Igeldoko Esnea proiektua ezagutzeko aukera izan dugu Eneritz Otamendiren ahotik. 

Lo bifasikoa eta hibernazioa aldarrikatzera dator oraingoan Nagore Irazustabarrena. Eta nola ez, argudio historikoak ditu. Entzun eta ea konbentzitzen zaituen.