The Diwaxan Podcast

لە ئەڵقەی ئەمجارەیان لەگەڵ کاک چێنەر عەبدولقادر شیکەرەوە و ڕۆژنامەنووسی دیاری تۆپی پێ لە دیدی خۆمان و کاک چێنەرەوە باس لە کۆمەڵێک بابەتی گەرموگوڕ و پڕ لە مشتومڕ دەکەین لەسەر یاری تۆپی پێ و یادگاریە چێژبەخش و ساتە خۆش و ناخۆشەکانی یاری باس دەکەین. هەروەها چیرۆکی سەرنجڕاکێشی کاک چێنەر دەخەینەڕوو. بینەربن شێرەکان

لە ئەڵقەی ئەمجارەیان لەگەڵ مامۆستا ئیبراهیم شەریف هونەرمەند و شانۆکاری بەناوبانگ و کۆنی شاری هەولێر گفتوگۆ دەکەین دەربارەی چیرۆکی ژیانی بەڕێزیان کە چۆن لە سەرەتاوە چوونە ناو بواری هونەر و شانۆوە و دواتر پەیوەندی کردووە بە شاخ و شۆڕشەوە و وێنەگری ڕاپەڕین بووە. حیکمەت و قسە خۆش و شیرینەکانی مام ئیبراهیم ئەڵقەکەی سەد ئەوەندە زۆر خۆشتر کردووە

لە ئەڵقەی ئەمجارەیان بە دوو قوڵی باس لە چیرۆکی دامەزراندنی دیوەخان دەکەین و بە تێر و تەسەلی ئەزموونی بەڕێوەبردنی پۆدکاست و لایەنە تەکنیکی و هونەریەکان و تەواوی پڕۆسەکە دەخەینەڕوو و چەند خاڵێکی زۆر گرنگ باس دەکەین کە لە ئەزموونی ئەم چەند ساڵەوە فێری بووین.

لە ئەڵقەی ئەمجارەیان لەگەڵ دکتۆر فەرهەنگ مەغدید هەڵگری بڕوانامەی دکتۆرا لە ئەندازیاری سۆفتوێر و پسپۆڕ و توێژەر لە بواری کریپتۆ و فۆڕێکس و دراوە ئەلیکترۆنیەکان گفتوگۆیەکی تێر و تەسەل و تەواو دەکەین سەبارەت بە بابەتی دراوە ئەلیکترۆنیەکان و فۆڕێکس. هەروەها ببیرۆکەی سیستەمی ئابووری بڵۆک چەین ڕووندەکەینەوە. لەم ئەڵقەیە تەواوی زانیاریەکانت دەستدەکەوێت کە پێویستە بیانزانیت پێش ئەوەی وەبەرهێنان بکەیت لە ب...

لە ئەڵقەی ئەمجارەیان لەگەڵ کاک محەمەد بالیسانی پسپۆڕی بواری ئابووری و خاوەنی بڕوانامەی ماستەر لە بەشی بزنسی زانکۆی ئۆکسفوڕد لە وڵاتی بەریتانیا گفتوگۆ دەکەین دەربارەی چیرۆکی ژیانی بەڕێزیان هەر لە خوێندنی ئابووریەوە بۆ ئۆکسفۆڕد و دواتر دامەزراندنی کۆمپانیای وەبەرهێنان لە دووبەی، هەروەها باس لە پڕۆسەی وەبەرهێنان دەکەین بە گشتی و لە کوردستان بە تایبەتی و ئاڵۆزیەکان و ئالەنگارییەکانی پڕۆسەکە و تێگەیشتن...

لە ئەڵقەی ئەمجارەیان لەگەڵ گەورە بازرگان و کارساز کاک سەردار بیبانی خاوەنی تۆیۆتا عێڕاق و ساس گرووپ گفتوگۆ دەکەین دەربارەی ئەزموونی دەوڵەمەندی ژیانی بەڕێزیان کە چۆن گەیشتووە بەو پێگەیەی ئەمڕۆی کە دابەشکاری سەرەکی و فەرمی تۆیۆتایە لە سەرانسەری عێڕاق. هەروەها فەلسەفەی کارکردن و ئامانجی پڕۆژەکانی جەنابیان تاوتوێ دەکەین. چەندین زانیاری گرنگ و سەرنجڕاکێش دەربارەی تۆیۆتا و جیهانی ئۆتۆمبێل دەخەینەڕوو

لە ئەڵقەی ئەمجارەیان لەگەڵ کاک دەیڤد لۆتس مامۆستا و ڕاهێنەر لە بواری سەرکردایەتی کە خاوەن چەندین کتێب و کۆرس و بڕوانامەی جیهانیە لە بوارەکەدا و لە زیاتر لە ٤٠ وڵات سیمیناری پێشکەش کردووە و ڕاهێنانی کردووە بە زیاتر لە ٨٥ هەزار سەرکردە لە سەرتاسەری جیهان و ڕۆڵی هەبووە لە گەشەپێدان و دووبارە بنیاتنانەوەی وڵاتاندا. هەروەها خاوەنی چیرۆکێکی زۆر سەرنجڕاکێشە کە لە کەسێکی زۆر ئاساییەوە توانیوەتی بگات بەو پ...

لە ئەڵقەی ئەمجارەیان لەگەڵ مفتی و مامۆستا و دکتۆر احمد شافیعی گفتوگۆ دەکەین دەربارەی کاروانی ژیانی پڕ ئەزموونی جەنابیان کە هەر لە منداڵییەوە بە حوجرە و فەقێیەتیەوە دەستیان پێ کردووە هەتا گەیشتنی بە لێژنەی باڵای فەتوا، هەروەها باسێکی دڵخۆشی ڕاستەقینە و دونیانەویستی و چەند بابەتێکی تر دەکەین لە دیدی دکتۆرەوە، ئەڵقەیەکەی ڕۆحی و ئاینی گرنگە بۆ هەمووان

لە ئەڵقەی ئەمجارەیان لەگەڵ مامۆستا قانع خورشید گفتوگۆ دەکەین دەربارەی دیاردەی جنۆکە چوونە ناو لەش و سیحر و چاوپیسی کە بابەتگەلێکی زۆر هەستیار و جێی مشتومڕی بەردەوامن لە ناو کۆمەڵگەدا و کاریگەریان لەسەر ژیانی بەشێکی زۆر لە خەڵک هەیە، تەواوی بابەتەکان لە ژێر ڕۆشنایی بەڵگە شەرعییەکان و بەڵگە عەقڵی و زانستییەکان ڕوونکراونەتەوە.

لە ئەڵقەی ئەمجارەیان لەگەڵ دکتۆر ڕێبوار سیوەیلی پسپۆڕ لە بواری فەلسەفە گفتوگۆ دەکەین لەسەر بابەتی شوناس و خودناسی و چۆن هەمیشە دوای کۆمەڵ نەکەوین و خاوەن کەسایەتی و پرنسیپی خۆمان بین، هەر لەم سۆنگەیەوە تیشک دەخەینە سەر دیاردەی چاولێکەری و لاساییکردنەوەی کوێرانەی کلتووری ڕۆژئاوا و پشتگوێخستنی کلتوری ڕەسەنی خۆمان

لە ئەڵقەی ئەمجارەیان لەگەڵ مامۆستا محەمەد مەسعود گفتوگۆ دەکەین لەسەر کەسایەتی سەدام حوسێن هەر لە سەرەتای لاوێتیەوە هەتا گەیشتنی بە پۆستی سەرۆکایەتی، چی بوون ئەو تاوانانەی ئەنجامیانی دا و چۆن بە دیکتاتۆرانە حوکمڕانی بردەسەر و خەڵکی چەواشەکرد. ئەم ئەڵقەیە بەتایبەت گرنگە بۆ گەنجی ئێستا و ئەوانەی ئەو سەردەمەیان ئەزموون نەکردووە

لە ئەڵقەی ئەمجارەیان لەگەڵ دکتۆر محەمەد شەم هاوڕێ ئازیز و خۆشەویستی چەند ساڵە گفتوگۆیەک دەکەین دەربارەی بابەتێکی زۆر گرنگ و هەستیار کە ئەویش بابەتی هاوڕێیەتیە, چییە و چۆنە و کێ بکەین بە هاوڕێی خۆمان و کۆمەڵێک بابەتگەلی دیکە دەخەینە بەرباس. و هەروەها کۆمەڵێک ئەزموونی خۆمان باس دەکەین چۆن یەکمان ناسیوە و هاوڕێیەتی یەکترمان هەڵبژاردووە

لە ئەڵقەی ئەمجارەیان لەگەڵ کاک محەمەد نووری کە یەکێک لە سەرکەوتووترین فۆتۆگرافەر و ڤیدیۆگرافەرەکانی کوردستان کە خاوەن چیرۆک و گەشتێکی زۆر سەرنجڕاکێشە. چەندین پیشە و بواری جیاوازی ئەزموون کردووە هەتا خۆی دۆزیوەتەوە لە بوارێکدا و پەرەی داوا بە تواناکانی.

لە ئەڵقەی ئەمجارەیان لەگەڵ دکتۆر بەختیار کەمال تاڵەبانی گفتوگۆ دەکەین دەربارەی بابەتێکی زۆر گرنگی ژیانی هەر یەک لە ئێمە ئەویش بابەتی هونەری مامەڵەکردنە لەگەڵ خەڵک و نهێنی پەیوەندی سەرکەوتوو و کۆمەڵایەتیبوون و چۆن هاوسەنگی پەیوەندییەکانمان ڕابگرین

لەم ڤیدیۆ تایبەتەدا بە دوو قۆڵی باس لە تەاوی ئەو کتێب و فلیم و کەسایەتییە کاریگەرانە دەکەین کە هۆشیاریان کردووینە سەبارەت بە چەندین بابەت و کاریگەریان هەبووە لە سەر ژیانمان و ڕۆڵیان هەبووە لە بنیاتنانی کەسایەتی و بیروبۆچوونمان وەک دیوەخان

لە ئەڵقەی ئەمجارەیان لەگەڵ کاک گۆران جەودەت کە ئەندازیاری پڕۆگرامسازییە لە کۆمپانیای مایکڕۆسۆفت. گفتوگۆ دەکەین دەربارەی ئەوەی کە چۆن وەک گەنجێک کە لە کوردستان خوێندنی تەواو کردووە و توانیویەتی ببێت بە ئەندازیار لە یەکێک لە گەورەترین کۆمپانیاکانی جیهان

‎لە ئەڵقەی ئەمجارەیان لەگەڵ دکتۆر فاتح سەنگاوی، پسپۆڕ و شارەزا لە بواری ئەنفال و خاوەن چەندین کتێب و توێژینەوە لەسەر ئەو بوارە، گفتوگۆیەکی تێروتەسەل دەکەین لەسەر پڕۆسەی ئەنفال و جینۆسایدی گەلەکەمان هەروەها کۆمەڵێک چیرۆک و بەسەرهاتی زۆر کاریگەر و ناخهەژێن دەگێڕێتەوە کە زۆر پێویستە ئەم نەوەیەی ئێستا گوێبیستی بن و ئەو مێژووە بزانن. هەروەها باسێکی دۆخی براینمان دەکەین لە کوردستانی ڕۆژئاوا و ئەگەرەکانی...

لە ئەڵقەی ئەمجارەیان لەگەڵ دکتۆر مەدیبا کوڕەزاکەی نێڵسۆن ماندێلا، شارەزا لە بواری سیاسەت و هەڵگری بڕوانامەی دکتۆرا لە بواری پەیوەندییە نێودەوڵەتیەکان و چارەسەرکردنی قەیران. گفتوگۆ دەکەین دەربارەی سیاسەت و کێشەکانی وڵاتی ئەفریقای باشوور و چۆن دەتوانین ئێمەی کورد سوودمەند بین لەو مێژوو و خەباتەی ئەوان و ئەزموونێکی سەرکەوتوو تۆمار بکەن. هەروەها باس لە جیاوازی و لێکچوونەکانی کلتووری هەردوولا دەکەین

لە ئەڵقەی ئەمجارەیان لەگەڵ کاک عەلی غازی مامۆستا و ڕاهێنەر لە لەشجوانی، گفتوگۆ دەکەین لەسەر تەواوی لایەنەکانی بواری لەشجوانی. بە یارمەتی ئەزموون و زانیاری بەڕێزیان دەیخەینەڕوو کە بۆچی دەبێت هەموو کەسێک دەست پێ بکات و چۆن بە شێوازێکی درووست ئەنجام بدرێت. هەروەها باسی ستایڵی ژیان و بەکارهێنانی پڕۆتین هۆڕمۆن و سەپڵیمێنت دەکات

لە ئەڵقەی ئەمجارەیان لەگەڵ دکتۆر تەحسین حەمە غەریب گفتوگۆیەکی قوڵ و تێر و تەسەل دەکەین دەربارەی بابەتی ئەخلاق و دادپەروەری و لە ڕووی ئاین و فەلسەفەوە. بە یارمەتی فکری دەوڵەمەندی مامۆستا بیروبۆچوونی زۆر بەهادار دەخرێنەڕوو کە دەکرێتە ببنە بەرنامە و بنەمای ژیانمان. هەروەها چیرۆک و وانەی مانادار لەسەر بابەتەکە باس دەکات.

لە ئەڵقەی ئەمجارەیان لەگەڵ دکتۆر دانا کە خاوەنی بڕوانامەی دکتۆرایە لە بواری کۆمەڵناسی و شارەزا لە بواری هاوسەرگیری، باسی بابەتێکی زۆر گرنگ و دڵخواز دەکەین کە ئەويش بابەتی هاوسەرگیریە چەندین بیر و بۆچوونی بەسوود و بەهادار لەسەر پڕۆسەکە و ژیانی هاوسەرگیری دەخرێنەڕوو، کۆمەڵێک ئامۆژگاری پراکتیکی باس دەکرێت، تەواوی زانیاریەکانیش زانستین و بە داتا پشتڕاسکراونەتەوە. بە گشتی باسوخواسێکی گشتگیرە لەسەر هەمو...

لە ئەڵقەی ئەمجارەیان لەگەڵ کاک سامان ئاکۆ، گفتوگۆیەکی زۆر تایبەت دەکەین سەبارەت بە کۆمەڵە بابەتێکی هەستیار و جدی کە زۆر جێی مشتومڕن. کە ئەوانیش بابەتی ئازادی ڕادەربڕین و دۆخی ڕۆژئاوا، گۆڕانی ژینگە و ئاو و هەوا و گەڕانەوە بۆ سرووشت و دەرمانە گیاییەکان. هەروەها میوانەکەمان کۆمەڵێک سەرنج و بیروڕا لەسەر بابەتی قورئانی پیرۆز و فەرموودە دەخاتەڕوو

لەم ئەڵقەیە لەگەڵ مامۆستا هامنۆ هەورامی گفتوگۆ دەکەین دەربارەی ئێزدیەکان کە پێکهاتەیەکی گرنگن لە کوردستان و ڕۆژهەڵاتی ناوەڕاست و بابەتێکی زۆر هەستیارە. دوور لە ڕەخنە و ستایش و بە شێوازێکی بابەتیانە لە ژێر ڕۆشنایی بەڵگەنامە مێژووییەکان و دەقەکان بیروباوەڕ و بنەما و مێژووی ئەم ئاینە دەخەینەڕوو

لە ئەڵقەی ئەمجارەیان بە یادی جاران بە دوو قوڵی گفتووگۆ دەکەین سەبارەت بە بابەتی ئینفلوەنسەری و ناوبانگ و ڕۆڵی لە گەیاندنی خزمەت بە کۆمەڵگا، هەروەها تیشک دەخەینە سەر بابەتی ژیان و ئامانجداری و کاریگەری باوەڕبوون بە خودا لەسەر بەهاکانی ژیانمان و داڕشتنەوەی باڵاترین مانا بۆ ژیانمان بینەربن شێرەکان!

لە ئەڵقەی ئەمجارەیان لەگەڵ دکتۆر و پڕۆفیسۆر فەرهاد پیرباڵ، بە یارمەتی ئەزموونی دەوڵەمەند و خوێندنەوەی زۆری جەنابی گفتوگۆ لەسەر کۆمەڵە بابەتێکی زۆر دەکەین وەک؛ پەروەردە و ڕۆشنبیری، ئەکادیمیا و زانکۆ، بارودۆخی سیاسی و ئابووری. هەروەها باسێکی ئەزموونی ژیانی خۆی دەکات لەگەڵ کارەکانی و ئەو خەون و ئاواتانەی کە هەیەتی بۆ چاکسازی ڕیشەیی لەم وڵاتە