RSG Kuns

Die dramaturg en regisseur, Nicola Hanekom, vertel van haar nuwe plekspesifieke stuk by die KKNK, Die gebed van ‘n halfmens.

Cobus du Toit is een van Suid-Afrika se voorste fluitspelers, wat hoofsaaklik in Amerika werk en woon. Hy is tans in die land te sien in 'n reeks konserte. Terrance April het met hom gesels.

Margit Meyer-Rodenbeck is te sien in OUMA EN DIE OU KOEIE en RONDOMTALIE by vanjaar se KKNK.

Christelle Webb-Joubert het vir Ilana Maree gevra om oor Christiaan Diedericks se kunsnalatenskap en sy druktegniek te gesels. Ilana is ‘n visuele kunsopvoeder by die kunssentrum, PJ Olivier, in Stellenbosch. Sy bied die praktiese vak, drukkuns, daar aan.

Marnè Jooste, bemarking- en kommunikasiebeampte van die Afriforumteater, vertel wat alles in Maart te sien is by die teater.

Cailyb Prinsloo van Spark in the Dark verduidelik wat Play Things is, en wat gehore kan verwag.

Christiaan Diedericks, wat in 2025 oorlede is, se lewe en werk word gevier by die Breytenbach-galery op Wellington. Christelle Webb-Joubert het met sy vriendin, Aretha du Rand, gesels.

Dit is weer tyd vir die Johannesburgse Filharmoniese Orkes se eerste konsertseisoen van die jaar. Terrance April gesels met Magdalena de Vries, perkussiespesialis oor die verskillende werke wat uitgevoer sal word.

Die Dramadepartement van die Universiteit Stellenbosch se volgende produksie, Fok jou in my Spaceship, open einde Februarie. Christelle Webb-Joubert gesels met die regisseur, André Gerber.

Die toneelstuk, Die ander dogter, sou by 2025 se Woordfees debuteer, maar weens onvoorsiene omstandighede kon dit nie open nie. Die produksie debuteer wel by vanjaar se KKNK in Oudtshoorn. Christelle Webb-Joubert gesels met prof. Naomi Morgan oor die boek waarop die stuk geskoei is, en wat sy uit Frans uit vertaal het.

Liewe Heksie Word Gescam is te sien by die KKNK. Margit Meyer-Rodenbeck wat die stuk geskryf het en die regie behartig, vertel meer.

THE FIREBIRD/DIE VUURVOËL is 'n klassieke ballet wat in 1911 geskep is, op musiek van Igor Stravinski. 'n Splinternuwe kontemporêre weergawe van die werk word in Kaapstad opgevoer. Een van die uitstaande kenmerke van die werk is die poppe wat gebruiik word. Terrance April gesels met Janni Younge oor die produksie.

Die veelbekroonde ANNIE+HELEN is te sien in Pretoria. Christelle Webb-Joubert gesels met die dramaturg en regisseur, Hennie van Greunen, asook met Judi Hattingh, wat die rol van Helen vertolk.

Die artistieke direkteur van die Franschhoek Kamermusiekfees, Peter Martens, vertel van die tien konserte by vanjaar se fees, wat plaasvind van 12 tot 15 Februarie.

Mzansi Chamber Music Collective is 'n organisasie wat kamermusiek bevorder, met die aanbied van talle konserte waar plaaslike kunstenaars kan optree. Terrance April gesels met Francois Combrinck oor die verskillende konserte in die eerste helfte van die jaar.

Die aktrise Mandri Sutherland vertel van haar eenvrouvertoning, Vrou ens. 1.2

Die musiekspel, CATS, is tans te sien by Montecasino in Johannesburg. Christelle Webb-Joubert praat met musiekregisseur Louis Zurnamer oor sy werk en lewe.

Die artistieke direkteur van Kaapstad Opera, Magdalene Minnaar, vertel wat hulle vir 2026 beplan.

Christelle Webb-Joubert kuier vir die laaste keer saam met die kunsjoernalis en resensent, Diane de Beer. Diane vertel wat haar ontstel, en wat sy nog sou wou doen.

Die Suid-Afrikaanse Internasionale Balletkompetisie word vanjaar vir die 17de keer aangebied. Terrance April gesels met Dirk Badenhorst, bestuurshoof van Mzansi Ballet, wat ook die organiseerder is van dié ballethoogtepunt vir talle jong dansers.

Skrywer en regisseur Kristen Fichard vertel vir Christelle Webb-Joubert van die tragi-komedie, Akrasia.

In die derde deel van die gesprek met kunsjoernalis en resensent Diane de Beer, ptaat sy oor haar blog en haar man Dries de Beer.

NOBODY TOLD ME, 'n nuwe drama deur Luc Albinski, open 28 Januarie 2026 by Theatre on the Square in Sandton. Terrance April het met Liezl de Kock gesels, wat die hoofrol in die verhoogwerk vertolk.

Die tenoor en organiseerder Coert Grobbelaar vertel van ‘n konsert ter ere van die komponis, S. le Roux Marais.

Die Oppiwater Kunstefees vind plaas van 9 tot 14 April 2026. Daar is meer as 40 Afrikaanse teaterproduksies waaruit gaste kan kies, soos Dana Snyman se memoire, SEUN, wat verwerk is vir die verhoog. Christelle Webb-Joubert gesels met die regisseur Nico Scheepers.