Rand en sent

5 Julie 2026: Met die regering se onderwysbegroting wat jaarliks besnoei word, en duisende openbare skole wat finansieel sukkel, het addisionele fondsinsameling ‘n belangrike deel van skole se volhoubaarheidsmodel geword. Tog is daar duisende skole wat geen fondsinsamelings doen nie. Jody Hendricks praat hieroor met Riaan van der Berg van FEDSAS.

28 Junie 2026: Dr. Roelof Botha, ’n ekonoom, praat oor die uitdagings vir Suid-Afrika se ekonomie, en oor sy seun, Roelof Botha jnr, wat op 16 Junie vanjaar op die SpaceX-raad aangestel is.

21 Junie 2026: Aftrede is die einde van jou aktiewe werkslewe. Jody Hendricks praat met ‘n kenner oor die faktore wat jy moet oorweeg voordat jy besluit of aftrede die regte keuse vir jou is.

14 Junie 2026: President Cyril Ramaphosa sê daar sal 10 000 nuwe arbeidsinspekteurs aangestel word om werkgewers te ondersoek, en te verseker dat slegs gedokumenteerde werknemers in hulle diens is. Jody Hendricks praat hieroo met ‘n arbeidskenner.

7 Junie 2026: Swaar reën het weer groot gedeeltes van die Wes- en Oos-Kaap getref, terwyl baie gebiede nog herstel van die stormsterk reën en wind wat van die gebiede in Mei getref het. Jody Hendricks praat met finansiële raadgewer Yolanda Botha oor hoe jy jouself finansieel kan beskerm indien ‘n natuurramp jou huishouding sou tref.

31 Mei 2026: Jody Hendricks praat met Duane Nienaber oor die gebruik van kunsmatige inteligensie deur finansiële adviseurs, en hoe dit jou geldsake kan beinvloed.

24 Mei 2026: Jody Hendricks praat met ekonoom Hassan Essop oor die impak van stygende brandstofprys op die ekonomie.

Jody Hendricks praat met Steven Peterson oor die Wysingswet op Vergoeding vir Beroepsbeserings en Siektes. Wat staan werkgewers te doen indien ‘n werknemer aan diens beseer word?

Jody Hendricks kyk na die finansiële aspekte waarmee ma’s sukkel in die tawwe ekonomiese tye.

Baie Suid-Afrikaners sukkel om met die stygende lewenskoste by te bly. ‘n Salaris is eenvoudig nie meer genoeg nie. Jody Hendricks praat met ‘n finansiële adviseur oor hoe om jou inkomste te diversifiseer.

Die Reserwebank sê hy het nog inligting nodig om te bepaal hoe die oorlog in die Midde-Ooste die land se ekonomiese groeivooruitsigte sal raak. Die Suid-Afrikanse ekonomie sukkel sedert die konflik begin het, en dit is veral landsburgers wat sukkel om kop bo water te hou. Jody Hendricks hoor hoe jy jou finanies beter kan bestuur in tawwe ekonomiese tye.

Die Wes-Kaap se minister van finansies, Deidre Baartman, sê hulle teiken is om die provinsie se ekonomie tot R1 triljoen te groei teen 2035. Sy verduidelik hoe sy die provinsie se finansies bestuur.

Daar is baie faktore wat entrepreneurs in gedagte moet hou, soos die saamstel van ’n sakeplan, marknavorsing, die registrasie van die onderneming en wat die belastingimplikasies is. Jody Hendricks praat met dr. Willie Cilliers, voorsitter van die AHI Weskaap, oor die slaggate waarvoor nuwe entrepreneurs op die uitkyk moet wees.

Weet jy hoe die waarde van jou eiendom bepaal word, en hoe dit die vlak van jou erfbelasting beïnvloed? Jody Hendricks praat oor waardasies van eiendom en die belasting wat jy daarop betaal.

Die skerp styging in die olieprys sal deurwerk na die Suid-Afrikaanse ekonomie, hoofsaaklik deur die negatiewe impak van ’n skerp styging in die brandstofprys. Jody Hendricks praat met ekonoom Christie Viljoen oor die ekonomiese gevolge vir Suid-Afrika as die brandstof se prysstyging meer as inflasie is.

Die konflik in die Midde-Ooste het nie net ‘n direkte invloed op die lande in daardie streek nie, maar het ook grootskaalse implikasies vir wêreldwye voedselveiligheid. Die voortdurende konflik en geopolitieke spanning beïnvloed verskeie aspekte van landbou, ook hier aan die suidpunt van Afrika. Jody Hendricks praat met Jannie Strydom, bestuurshoof van AGRI Wes-Kaap, oor die ekonomiese gevolge vir...

Die skerp styging in die olieprys ná die afgelope tyd se aanvalle deur die VSA en Israel op Iran, en Iran se daaropvolgende aanvalle op teikens in verskeie lande in die Midde-Ooste, sal deurwerk na die Suid-Afrikaanse ekonomie. Jody Hendricks praat met ekonoom Johan Els oor die ekonomiese gevolge vir Suid-Afrika as gevolg van die konflik.

Die 2026-nasionale begroting word beskou as positief vir die ekonomie, met verwagtinge van verdere rentekoersverlagings en belastingverligting, wat kleinsakeondernemings (KSO's) kan ondersteun. KSO's met 'n omset van tot R20 miljoen kan kwalifiseer vir verminderde inkomstebelastingkoerse, terwyl mikro-ondernemings met 'n omset van R1 miljoen of minder van omsetbelasting gebruik kan maak. Jody Hend...

Die tweepot-aftreestelsel is ‘n hervorming wat lede toelaat om gedeeltelike onttrekkings uit hulle aftreefondse te maak voor aftrede, terwyl ‘n gedeelte behou word wat slegs by aftrede beskikbaar is. Omelia Hartzenberg van die Staatsdienspensioenfonds verduidelik hoe dit hulle lede raak.

Die Staatsdienspensioenfonds (GEPF) het ‘n selfdiens-webstelsel en toep bekendgestel om sy lede toegang gee tot en opdatering van hulle inligting, asook om pensioen- of ander verwante voordele en eise op te spoor. Omelia Hartzenberg vertel van die nuwe selfdiensportaal.

Die jaarlikse verhoging in pensioene by die Staatsdienspensioenfonds (GEPF) bestaan uit vier elemente, soos uiteengesit in die GEPF se verhogingsbeleid. Omelia Hartzenberg van die GEPF verduidelik hoe pensioenverhogings bepaal word.

Thelma Bestbier van die Staatsdienspensioenfonds (GEPF) verduidelik wanneer iemand kwalifiseer vir ’n gadepensioen.

Thelma Bestbier van die Staatsdienspensioenfonds praat oor die verandering van die egskeidingsreël vir GEPF-lede.

Thelma Bestbier van die Staatsdienspensioenfonds praat oor die opdatering van persoonlike inligting en nominasievorms.

Thelma Bestbier van die Staatsdienspensioenfonds praat oor kinder-pensioenuitbetalings en die geskiktheid en voordeeltydperk hiervan.