Ligwalagwala FM Current Affairs

Lendvodza leneminyaka lengema-48 Sipho Ngomane lobekwe licala lekubulala inkhosikati yakhe lebeyiliphoyisa eNtunda, kulesifundza seMpumalanga ibuyiselwe esitokisini kuze kutolalelwa sicelo sayo sebheyili.

Umphatsiswa welitiko letekutfutfukisa temnotfo nekuvakasha eMpumalanga, Jaster Sidell utsi kutawuciniswa tekuphepha kuze kucinisekiswe kuphepha kwetivakashi ngalamaholide ekutijabulisa.

Litiko letekutfutfukiswa kwetemnotfo ngekubambhisana nemaphoyisa batselekele titolo letahlukahlukene eWhite River kulesifundza seMpumalanga kuyohlola kutsi tiyawulandzela yini umtsetfo. Intsatseli yetfu Motsebi Monareng uyasibikela.

Inhlangano i-South African Youth Service sihlele umcimbi weklubungata lekusikhungo sangasese, siyauwbe sibungata kuvulwa kwematfuba emsebenti lapho kulindzeleke kucashwe bantfu labasha labangetulu kwa-200 000. Kukhuluma kabanti ngaesinyatselo nekutsi samukeleka njani ebantfwini labasha, simeme mengameli we-South Africa Youth Chamber of Commerce, Umnumzane Thapelo Maleka

Inhlangano lemele titjudeni i-South African Student Congress Organisation (SASCO) icala inkomfa yayo yavelonkhe lecubungula imigomo yalenhlangano. Simeme lokhulumela iSASCO, Thuto Mashile kutosichazela.

Inhlangano yebalimi iAfrican Farmers Association of South Africa (AFASA) ivakalise kukhatsateka ngalemvula yalamalanga lengakhombisi kuhhamuka. Umholi weAFASA Mbongeni Sikhakhane utsi lemvula seyicala kumosha titjalo tabo. 

Uyacala namuhla umcimbi webabhali i-Moscow International Book Fair lobanjelwe e Russia. Litiko letemidlalo nebuciko litfumele babhali labali-12 kuyomelela lelive kulomcimbi. Sikhulumisana nalomunye walababhali lebatfunyelwe kulomcimbi, Siphesihle Shabalala, wakhona lapha kulesifundza se Mpumalanga.

Bantfu sebacalile bayaphuma bayangena etitolo batsengela Khisimusi njengoba sekacalile kulabanyenti emaholi ekuphela ekutijabulisa. Kuleliviki kumenyetelwe ngekwenyuka kwentsengo yemafutsa etimoti lekutsatfwa njengesinyatselo lesitawuholela ekukhuphukeni kwaletinye tintfo letitsengiswako. Ingabe loku kusho kutsi bantfu kufanele batilungiselele Khisimusi lotawuba matima ngasetimalini? Simeme umelul...

 I COSATU seyivakalise kukhatsateka ngekwenyuka kwesibalo sebacashi labangabhadali imali yempesheli yetisebenti nanobe bayidvonsa emiholweni njalo ngenyanga. Lenyonyana itsi lesibalo sesiphindszeke kabili sisuka ku 7 700 lomnyaka lophelile, satawufika ku 15 500 lonyaka. Kukhuluma kabanti ngalendzaba sicocisana nalokhuloumela iCOSATU, Zanele Sabela.

Inhlangano lelwela emalungelo ebantfu labanesandvulelangculazi iHIV kulelive, iTreatment Action Campaign (TAC) icinisa umkhankaso wayo wekucinisekisa kutsi bonkhe labo lebadla kahle imishwanguto yabo basale baniketwa lomjovo lowujova klabili ngemnyaka. Sikhulumisana nasihlalo weTAC kuvelonkhe, Sibongile Tshabalala

Umndeni waliphoyisa lelineminyaka lengemashumi lamane nakutsatfu laseNtunda kumasipala weNkomazi uvakalise kushaceka ngekubulawa ngesihluku kwemntfwana wabo.

Inhlloko yelitiko letekutfutfukiswa kwetemnotfo kulesifundza seMpumalanga, Immy Serakalala, utsi bantfu kumele batisebentise tinkantolo tebatsengi nangabe banganetiseki ngendlela lebaphatfwa ngayo batsengisi.

Umphatsiswa welitiko letemphilo kulesifundza seMpumalanga Sasekani Manzini utsi bane bomasipala bakulesifundza lebakhombise tibalo letisetulu tebantfu lebangenwe sifo samalaleveva.

Tigebengu setichamuka netindlela tekusebentisa bomakhalekhikhini kuntjontjela bantfu iminingwane lefihlakele kanye nemali. Letinye taletindlela letisetjentiswako tekukhohlisa nekulutsa bantfu tifaka ekhatsi i-Wangari Missed Call, Pishing kanye ne- Subscription. Kutfola kabanti galoluhlobo lwebugebengu sikhulumisana nentsatseli ye SABC Sandile Hlangani.

Tangoma telitulu tecwayisa kutsi isaseyinyenti imvula lelindzeleke etincenyeni letitsite tesifundza saKZN, eMpumalanga, eGauteng kanye nase- Limpopo. Kuva kabanti kutsi lemvula ilindzeleke kutsi ibe khona sikhatsi lenginganani kulesikhatsi semnyaka, simeme solwati ngekugucugucuka kwesimo selitulu  Dr. Nomhle Ngwenya

Indvuna yetemfundvo lesisekelo Siviwe Gwarube utsi bangetulu kwetinkhulungwane letingemashumi lamatsatfu bothishela lebashiye phansi etikolweni tembuso kuleminyaka lesihlanu leyengcile. Kepha inyonyana yabothishela iSADTU itsi litiko lihudvula tinyawo ekuvaleni leikhala ngabothishela lebahleti emakhaya bafuna umsebenti., Lokhulumela iSADTU Nomusa Cembi uyachaza...

Inhlangano yetempnhilo emhlabeni i-World Health Organisation (WHO) seyente lubito lekutsi isale itfolakala malula lemijovo yekwehlisa kukhuluphala kuze kuliwe netinkinga letihambisana nekukhuluphjala ngalokwecile. Simeme Dkt Sifiso Nxumalo kutewukhuluma ngalolubito lweWHO.

Licembu lemaKomanisi i-SACP ltsi kunalabatsite ngekhatsi ku-ANC lebachubeka nekuhlasela emalunga ayo kulokungaboni ngeliso linye kulelidlalandzawonye. Kukhuluma kabanti ngalendzaba sicocisana nalokhulumela i-SACP Mbulelo Mandlana.

Sikhwama se Legal Practitioners Fidelity Fund (LPFF) sitsi angetulu kwema-400 emacala ebameli lebasolwa ngekudla timali temakhasimende abo kulomnyaka lofile. Kutfola kabanti ngalesikhwama nekutsi sibalekelela njani bantfu lababukana netinkinga nebameli babo, sichumana nalomunye webaphatsi beLPF, Simthandile Myemane.

Umhlaba wonke ubungata lilanga lekucushisa ngesandvulelangculazi nengculazi, World Aids Day. Kulemibutsano lembalwa lebanjwe kulelive leNingizimu Africa kukhalwe kakhulu ngalabalabo labatsi bangatfokalala kutsi banaleligciwane, banatse imishwanguzo bese bayayiyekela ngekuhamba kwesikhatsi. Sikhulumisene nadokotela lonelwati ngaleligciwane lesandvulelangculazi nengculazi edolobheni iMbombela Dkt Er...

Umphatsiswa welitiko letemphilo kulesifundza seMpumalanga Sasekani Manzini kanye naletinye tisebenti takulelitiko, babungate lelilanga lekucushisa sive ngesandvulelangculazi nengculazi esibhedlela i-Rob Ferreira lesilapha edolobheni i-Mbombela, Intsatseli yeSABC Palesa Sotomela uyabika.

Namuhla umhlaba wonkhe ubungata lilanga lesandvulela ngculazi i World AIDS Day. Sikhulumisana neMnumzane Elphas Nkosi lophuma emkhandlwini lobuke tindzaba teHIV/AIDS kulesifundza iMPAC,

Namuhla umhlaba wonkhe ubungata lilanga lesandvulela ngculazi i World AIDS Day. Sikhulumisana nemphatsiswa wetemphilo eMphumalanga Kap Ntandokazi Capa.

Lelinye lemacembu emculo lelitsandvwako kuleli Stimela, simenyiwe kutonandzisa emcimbini we-Mpumalanga Cultural Music Experience lotawube use-Botanical Gardens khona lapha e Mbombela namuhla. Stimela sisandza kukhipha i-album yaso lensha lenetsi "Through the Storm." Kubuka umsebenti weStimela nekutsi balandzeli bangalindzelani, asemukele Sam Ndlovu, locula phambili kulelicembu.

Tibonakala tandza tehlakalo temabandla lahlephuka phakatsi ngenca yetizatfu letahlukahlukene letifaka ekhatsi tinsolo tekubanga tikhundla, kungatiphatsi kahle kwebafundisi kanye nalokunye. Kulabanye kuyamangalisa kutsi yini leyenta lomkhuba ubonakale wandza ikakhulukati ngoba lapha kukhulunywa ngebantfu lebalandzela livi leNkhosi futsi lekufanele bahambe embili ngekucolelana. Kuyibuka lendzaba sik...