Ligwalagwala FM Current Affairs

Inhlangano yetempnhilo emhlabeni i-World Health Organisation (WHO) seyente lubito lekutsi isale itfolakala malula lemijovo yekwehlisa kukhuluphala kuze kuliwe netinkinga letihambisana nekukhuluphjala ngalokwecile. Simeme Dkt Sifiso Nxumalo kutewukhuluma ngalolubito lweWHO.

Licembu lemaKomanisi i-SACP ltsi kunalabatsite ngekhatsi ku-ANC lebachubeka nekuhlasela emalunga ayo kulokungaboni ngeliso linye kulelidlalandzawonye. Kukhuluma kabanti ngalendzaba sicocisana nalokhulumela i-SACP Mbulelo Mandlana.

Sikhwama se Legal Practitioners Fidelity Fund (LPFF) sitsi angetulu kwema-400 emacala ebameli lebasolwa ngekudla timali temakhasimende abo kulomnyaka lofile. Kutfola kabanti ngalesikhwama nekutsi sibalekelela njani bantfu lababukana netinkinga nebameli babo, sichumana nalomunye webaphatsi beLPF, Simthandile Myemane.

Umhlaba wonke ubungata lilanga lekucushisa ngesandvulelangculazi nengculazi, World Aids Day. Kulemibutsano lembalwa lebanjwe kulelive leNingizimu Africa kukhalwe kakhulu ngalabalabo labatsi bangatfokalala kutsi banaleligciwane, banatse imishwanguzo bese bayayiyekela ngekuhamba kwesikhatsi. Sikhulumisene nadokotela lonelwati ngaleligciwane lesandvulelangculazi nengculazi edolobheni iMbombela Dkt Er...

Umphatsiswa welitiko letemphilo kulesifundza seMpumalanga Sasekani Manzini kanye naletinye tisebenti takulelitiko, babungate lelilanga lekucushisa sive ngesandvulelangculazi nengculazi esibhedlela i-Rob Ferreira lesilapha edolobheni i-Mbombela, Intsatseli yeSABC Palesa Sotomela uyabika.

Namuhla umhlaba wonkhe ubungata lilanga lesandvulela ngculazi i World AIDS Day. Sikhulumisana neMnumzane Elphas Nkosi lophuma emkhandlwini lobuke tindzaba teHIV/AIDS kulesifundza iMPAC,

Namuhla umhlaba wonkhe ubungata lilanga lesandvulela ngculazi i World AIDS Day. Sikhulumisana nemphatsiswa wetemphilo eMphumalanga Kap Ntandokazi Capa.

Lelinye lemacembu emculo lelitsandvwako kuleli Stimela, simenyiwe kutonandzisa emcimbini we-Mpumalanga Cultural Music Experience lotawube use-Botanical Gardens khona lapha e Mbombela namuhla. Stimela sisandza kukhipha i-album yaso lensha lenetsi "Through the Storm." Kubuka umsebenti weStimela nekutsi balandzeli bangalindzelani, asemukele Sam Ndlovu, locula phambili kulelicembu.

Tibonakala tandza tehlakalo temabandla lahlephuka phakatsi ngenca yetizatfu letahlukahlukene letifaka ekhatsi tinsolo tekubanga tikhundla, kungatiphatsi kahle kwebafundisi kanye nalokunye. Kulabanye kuyamangalisa kutsi yini leyenta lomkhuba ubonakale wandza ikakhulukati ngoba lapha kukhulunywa ngebantfu lebalandzela livi leNkhosi futsi lekufanele bahambe embili ngekucolelana. Kuyibuka lendzaba sik...

Kulenyanga  yeLweti kugcugcutelwa bantfu labadvuna kutsi banake simo sabo setempilo ikakhulukati umdlavuta wabobabe i-Prostate Cancer. Simeme Dkt Gcina Mavuso kutokhuluma ngalesifo.

Kushone bantfu labatsatfu kulomgwaco lomkhulu i N4 kulesifundza se Mpumalanga itolo. Lokulumela litiko letekuphepha kwemphakatsi, kuvikeleka nekuchumana eMpumalanga,  Moeti Musi...

Lomelele inhlangano lekhoselisa bomake labahlukunyetiwe iNational Shelter Movement of South Africa, Sindisiwe Msimango ucwayisa bomake labahlukunyetwako kutsi bente taba tekuphuma kuleto timo lebaphila ngaphansi kwato.

Ucale kulo leliviki lomcimbi lobanjwa minyaka yonkhe ngenhloso yekuchakambisa kwehlukahlukana kwemihambo nemasiko ebantfu bakulesifundza lobitwa nge-Mpumalanga Cultural Experience. Sikhulumisana nemphatsiswa welitiko letemasiko, temidlalo netekukhibika Leah Mabuza.

Nnamuhla sicubungula libhuku lelibhalwe nguTimmy Ndlovu lelitsi Fractured Lives,Unspoken Truths. 

Sikhulumisana nesitjudeni lesenta tifundvo tePhd kuPhysics eNyunivesi yaseNorth West, Andile Nkosi nge-Red Planet.

I National Shelter Movement South Africa (NSMSA) itsi ngetulu kwekubalulwa kwelutfutfuva lolweyamene netebulili iGBV, njengenhlekelele lekhungetse lelive, kubalulekile kutsi kutfolakale tindlela letiphatsekako tekulwa nalesihlava. Lomelele iNSMSA kulesifundza seMpumalanga, Sindisiwe Msimango utsi wonkhe umuntfu kufanele afake sandla emitamweni yekulwa kanye nekucedza lesihlava.

Batsengi bakulelive bacwayiswa kutsi bacaphele kakhulu nabatsenga tintfo kuletipeshali teBlack Friday. Lokhulumela likomomishana letebatsengi kulelive, i-National Consumer Commission, Phetho Ntaba uyenaba.

Sishayamtsetfo sesifundza sakulesifundza se-Mpumalanga besisingatse liphalamende leBafana neMadvodza ngenhloso yekwakha emadvodza lancono akusasa. Simeme umsunguli walenye yetinhlangano betihambele lomhlangano iMenUp, Umnumzane Lucky Masango...

 Hulumende uyachubeka neluhlelo lekucashisa umhlaba wembuso kulabo lebafuna kuwusebentisela tekulima ngenhloso yekulwa nekuswelakala kwekudla eveni. Loku kulandzela umbiko wanga-2017 welucwaningo ngekwabiwa kwemhlaba lowaveta kutsi umhlaba lomnyenti wetekulima kulelive usasetandleni talabamhlophe. Kepha lotasitjela kabanti ngaloluhlelo lwekucashisa umhlaba ngumcondzisi weligumbi letekutsengis...

Likomishana letekulingana ngekwebulile kulesifundza seMpumalanga, litsi liyawube linetinhlelo letitsite tekucushisa ngekuhlukunyetwa kwabomake nebantfwana kulamalanga lali-16 ekulwa nebudlova lobucondziswe kubo. Sikhulumisene namake Molta Mavuso lophuma kulelikomishana.

Umgcinimafa wenhlangano yebammeli labasikati iSAWLA, Charlotte Tsotetsi, itsi isukumise umkhankaso lohlose kusita ngeteluleko temtsetfo labasikati lebahlukunyetiwe.

Sekucalile kubalwa kwemavoti eveni le Guinea-Bissau, kulandzela kubanjwa kwelukhetfo ngelisontfo. Mengameli Umaro Sissoco Ambalo ubuke kubuyela kulesikhundla, futsi uma kungenteka loko, utawuba ngumholi wekucala kuphumelela kubamba lesikhundla emandla lamabili alandzela, lekuyintfo leyagcina kubonwa eminyakeni lengema-30 leyengcile, Simeme umhlatiyi wetindzaba tepolitiki, Umnumzane Sandile Swana.

Imindeni yalamdvodza lali-19 nemfica lavalekeke emphini lechubeka esigodzini i-Donbas e-Ukraine, itsi bonkhe labo lebakhohlisa labantfu babatjela ngemadlelo lalaluhlata kantsi bayabalutsa kumele babukane nesandla semtsetfo.  Kuyiva kahle lendzaba sicocisana ne-Mnumzane Sandile Ndhlovu longumnakabolomunye walabo lebavalelekile.

Sihlalo wekomidi yetekutfutfukiswa kwetenhlalakahle ephalamende, Bridget Masango, usemukele simemetelo lesentiwe Mengameli Cyril Ramaphosa sekutsi budlova lobeyamene nebulilini kanye nekubulawa kwalabasikati  (GBVF) bubalulwe njengenhlekelele yavelonkhe kuleli. 

Umphatsiswa welitiko letimali kulesifundza seMpumalanga Bonakele Majuba umemetele kutsi ungete imali yeluphakelotimali kulamanye ematiko akulesifundza nga two-point-45-billion rand. Michael Mdluli usihlanganisele lombiko.