Ligwalagwala FM Current Affairs

Hulumende wesifundza seMpumalanga utsi usahamba kahle umkhankaso wakhe wekukhipha emgwacweni timoti letingakulungeli kuhamba emgwacweni. Lokhulumela litiko letekuphepha kwemphakatsi, tekuvikeleka nekuchumana Moeti Muusi uyasichazela.

Live lase-Australia lishaye umtsetfo lovimbela bantfwana kutsi basebentise tinkhundla tekuchumana letifana neTikTok, facebook naletinye.  Kantsi bodokotela bebantfwana bona batfole kutsi bantfwana labangu 10 000 labasebentisa bomakhalekhikhini (smartphones) kulelive bavame kuba nenkinga yekucindzeteleka emoyeni, bakhuluphala kakhulu futsi banekuba netinkinga tekuhluleka kulala. Simeme injulab...

Umgcinimafa wenhlangano yebammeli labasikati, iSouth Africaan Women Lawyers Association (SAWLA), Sharlot Tsotetsi  itawuchubeka nekusita tisulu teludlame lolweyamene netebulili. Tsotetsi utsi kubalulekile klutsi tinhlaka temstetfo tihlanganise tinhloko kuze kuliwe nalesihlava.

Inhlangano lebukelele babhali kulelive i-Academic and Non-Fiction Authors Association of South Africa (ANFASA) isemkhankasweni wekukhombisa kubaluleka kwemasiko ekuletseni intfutfuko ikakhulukati emkhakheni wetekubhala. Sicocisana nalomunye walabahlomulile kuloluhlelo lekungumbhali weSiswati  Marry Mkomi, lobhale libhuku lelinesihloko lesitsi "Inkhokhelo Yesono."

Tinhlangano temmango letilwa nekusuleleka kwesandvula ngculazi nesifo sesifuba iTB, kulindzeleke tibambe umcimbi wekucushisa ngeHIV/AIDS neTB lapha KaMashegho ePienaar namuhla. Sicocisane na-Thembi Nkomo loyi TB Ambassador kulesifundza seMpumalanga.

Likhomishana lelukhetfo i-IEC, ibambe imihlangano sikolo yekucobelana ngelwati eveni lonke njengencenye yemitamo yekufundzisa labo labatawubamba lichaza elukhetfweni lwabohulumende basemakhaya. Sicocisane neMnuzane Allan Mdaka longumphatsi ku Electoral Operations ka IEC kulesifundza se-Mpumalanga 

INTRO: Tinhlangano temphakatsi letilwela emalungelo ebantfu labaphila neligciwane lesandvulelangculazi, letifaka ekhatsi eSouth African National Aids Council kanye ne-Human Sciences Research Council betfula ngalokusemtsetfweni umbiko lomayelana nekucwaywa kwalabaphila ne-HIV. Lombiko lowatiwa nge-HIV Stigma Index 2.0, uvete imiphumela yelucwaningo lolwentiwe kubantfu labangetulu kweti-5000 kutoton...

Namuhla umhlaba wonkhe ubungata lilanga lekulwa nenkohlakalo i International Anti-Corruption Day. Simeme uMnumzane Mzwandile Bhanjatwa lovela ku-Corruption Watch kutokhuluma kabanti ngalelilanga.

Tibonakala tandza tehlakalo tekuminta kwebantfu emifuleni kulesifundza seMpumalanga kusukela kucale lamaholide ekuphela kwemnyaka. Ngemphelasontfo kwemuke bomake labatsatfu lebebayincenye yalabasitfupha, lebebaye kuyothandaza edamini laseMiddleburg. Namuhla emaphoyisa esifundza avete kutsi aphenya lesinye sehlakalo sekuminta kwemfana lomncane khona edamini laseMiddleburg. Simeme lokhulumela emapho...

Baphatsi besiciwi setinyamatane i-Kruger National Park (KNP) baitsi seticalile kuba nemtselela lomuhla tinhlelo tetekuphepha lebatetfula kulesiciwi. Intsatseli yetfu Mthobisi Mkhaliphi uyasibikela.

Mabhalane wenyonyane yetisebenti iSouth African Federation of Trade Unions (SAFTU) Zwelinzima Vavi, bekayincenye yemhlangano bewubonisana ngebungoti bemitsi lebulala tibulali tinambutane ebantfwini lebasebenta emapulazini kanye nemtselela wato ekudleni lesikudlako.

Umndeni walodokotela lowabulawa Dr. Nondumiso Nkosi ubita hulumende kutsi asukumise inkantolo lekhetsekile letawubukana kuphela nemacala ekuhlukumeta ngekwebulili. Intsatseli yetfu Palesa Sotomela uyasibikela... 

Mhlab'uhlangane utigcekile letigameko tekuboshwa kwebalandzeli betinhlangano letiphikisako tepolitikiki eveni le-Uganda, njengaloku kuyobanjwa lukhetfo lwavelonkhe kulomnyaka lotako, mhlaka 15 January. Kubikwa kutsi bangetulu kwema-500 bantfu lababoshiwe kusukela kucale lomnyaka, linyenti labo benhlangano ya Bobi Wine, i-National Unity Platform, loyibhangi lenkulu yamengameli Yoweri Museveni. Sico...

Sikhungo lesibuke kuphatfwa kwemincele yalelive i-Border Management Authority (BMA) imemetele kutsi teluliwe tikhatsi tekusebenta eminceleni letitsite yakulelive. Lokwelulwa kwetikhatsi kucala mhla ka-10 Decem,ber 2025 kudzimate kube ngumhlaka 15 January 2026. Simeme lisekela laNkomishana lobukete tekusebenta kuBMA, General David Chilembe. 

Inhlangano yemaKomanisi, iSACP,  itsi ifisela iANC kutsi ibambe inkomfa yeNationa General Council (NGC) ngemphumelelo. Lokhulumela iSACP, Mbulelo Mandlana utsi bayochubeka nekungenela lukhetfo lwabomasipala batimele. kulomnyaka lotako.

Mabhalane wenhlangano yeANC kulesifundza seMpumalanga Muzi Chirwa usichazela ngekubaluleka kweNational General Council ye ANC levulwe ngalokusemtsetfweni ngumengameli walenhlangano namuhla.

Mengameli Cyril Ramaphosa utsi kumele kuciniswe tinhlelo tekuvikela tinhlabamkhosi. Letiphimiselo talandzela kubulawa Kwafakazi D, Marius van der Merwe, losandza kwwetfula bufakazi ekhomishaneni laMadlanga. Simeme solwati ngetindzaba tebugebengu, Dr Mxolisi Mathebula kutobuka naye kubaluleka kwekuvikelwa kwetinhlabamkhosi.

Mengameli we ANC Cyril Ramaphosa utsi ubaluleke kakhulu lomhlangano we-National General Council (NGC), njengaloku utawunika lenhlangano litfuba lekutihlolisisa, ibuke tintfo letifaka ekhatsi indlela lesebenta ngayo, kucinisa emagatjha ayo kanye nekunoniphisa tinhlelo tekuvuselela buyona bayo. Lenkomfa ye-NGC  ye ANC, yelihlandla lesihlanu,  iyacala namuhla Ekurhulen. Kukhuluma ngekubalul...

Namuhla eluhlelweni letfu sihlele kukhuluma ngendzaba yekubaluleka kwekubeketela emphilweni ikakhulukati emshadweni.  Kubuka kutsi kubaluleke ngani kubeketela emshadweni kanye nekutsi bukhona yini bungoti lobungahle buhambisane nako lokubeketela, sikhulumisana nemeluleki ngetesemishado Magauta Zwane.

Ubanjwa namuhla ebusuku umcimbi wekuklomelisa bahlabeleli betenkholo bakulesifundza i-Mpumalanga Gospel Music Awards, lekungumcimbi loyincenye yalesibhimbi se-Mpumalanga Cultural Experience. Kukhuluma ngalomcimbi simeme umhleli weMpumalanga Gospel Awards (MGOMA 12) Sandile Ngobe.  

Sekacalile emaholide ebunandzi kantsi netikhungo temfundvo lephakeme setivalile, bantfu labasha bavalile etikhungweni temfundvo lephakeme bahleti emakhaya batsi bayaphumula. Bosolwati batsi kunyenti lokungentiwa lusha njendlela yekuticongelelela buchwabalalana njengoba kusikhatsi semaholide. Kubuka kutsi ngutiphi tintfo noma emabhizinisana labangawenta ngalesikhatsi semnyaka, sichumana Thapelo Mal...

Kulindzeleke wenyuke umtsamo wetimoto emigwaceni yakulesifundza se Mpumalanga njengobe bantfu labanyenti sebacalile kuphitsitela batilungiselela emaholide ekutijabulisa. Kukhuluma ngekutilungiselela kwalesifundza kumelana nalesimo sivakjashelwe nguMphatsiswa welitiko  letekuphepha kwemphakatsi, kuvikeleka kanye nekuchumana eMpumalanga Jackie Macie kutococisana naye ngaloludzaba

Esigabeni setfu sekucubungula emabhuku namuhla siyawube sikhuluma ngelibhuku lelibhalwe nguHope Mokoena lelitsi "Imbiliso."

Hulumende wesifundza seMpumalanga wetfule ngalokusemtsetfwnei umkhankaso wetekuvakasha kulesikhatsi semaholide ekutijabulisa. Motsebi Monareng uyasibikela...

Inhlangano yematekisi latfutsa bagibeli enkabeni yelidolobha le-Mbombela iTopStar seyimemetele kutsi itawenyusa imali yekugibela kuyo lenyanga lesetulu. Kutfola kutsi ikhuphuka njani lemali simeme sihlalo weTopStar, Umnumzane John Mavundla.