Ligwalagwala FM Current Affairs

Emaphoyisa esifundza seMpumalanga aphenya emacala lamabili ekubulala kulandzela kutfolakala kwetindvumbu talabasikati lababili Kamagugu, ngaseMbombela. Lokhulumela emaphoyisa esifundza Khenela Jabu Ndubane.

Indvuna yetekuchumana Solly Malatsi uyale i-ICASA kutsi icubungule noma icekise imitsetfo lemayelana nemgomo we B-BBEE nakuta etinkapanini tangangaphandle letifuna kusebenta kulelive. Kutfolisisa kutsi kwentakani sichumana neNjingalwati Bheki Mngomezulu.

Umtamo we-MK Party wekufuna kukhipha Ndvunankhulu waKwaZulu Natal, Thami Ntuli, wehlulekile kuphumelela kusishayamtsetfo sakulesasifundza. Kuyibuka ngeliso lemhlatiyi, sikhulumisana Thobani Zikalala.

Simeme umeluleki ngekwengcondvo, i-Psychologist, Mosese Mkhabela kutewubuka kutsi kumatima kangakanani kubuyisana nekucolelana nemuntfu lokulimatile.

Njengoba namuhla kubungatwa lilanga lekubuyisana, i-Reconciliation Day,  simeme litiko letekuvuselelwa kwesimilo kutobuka kusebenta kweluhlelo lebanalo lekubuyisana nekucolelana emkhatsini  kwesisulu sebugebengu kanye nelowente lobugebengu lodvonsa sigwebo. Simeme lokhulumela litiko, Singabakho Nxumalo.

Njengoba sekumaholide ekutijabulisa, bantfu labanyenti bavwube baphumile bayovakasha kantsi kubalulekile kucinisekisa kutsi emakhaya abo bawashiya aphephile.  Simeme Khenela Jabu Ndubane kutosipjha emasu ekuphepha ngalamaholide.

Lelive litawube libungata lilanga lekucolelana nekubuyisana kusasa, i-Reconciliation Day.  Inhloso yalelilanga kuletsa kuvana emiphakatsini, kutfoba emanceba, lubumbano kanye nekwakha sive lesicinile. Sikhulumisana neMfundisi David Gatjeni lophuma ku-Moral Regeneration Movement.

Inhlangano ye EFF itsi itasisekela lesishukumiso sekungametsembi Ndvunankulu wesifundza sa-KwaZulu Natal, Thami Ntuli  lesetfulwa yiMK Party.  Ntuli lolilunga lenhlangano ye-IFP wangena kulesukhundla ngemva kwekuvumela kwe ANC, DA, IFP ne NFP njengoba babusa ngekuhlanganyela kulesishayamtsetfo sesifundza. Sicocisana nemhlatiyi wetepolitiki Sandile Swana. 

Kunetinkholelo letihlukahlukene nangabe kushona singani ikakhulukati uma bebangakalobolani nobe bebakipitile. Kepha kuyikhuluma lendzaba simeme sati setindzaba temasiko, Khaya Ndwandwe.

Sikhwama lesincesitela labatsintseka etingotini temgwaco, i-Road Accident Fund (RAF) sigcugcutela bantfu kutsi bacaphelisise emigwacweni kunasi sikhatsi semnyaka njengoba kuvame kwenyuka  sibalo sebantfu labafaka ticelo tekuncesitelwa etingotini temigwaco. Kutfola kabanti ngalendzaba, sikhulumisana nesikhulu saka-RAF, Siphamandla Gumbi 

Namuhla esigabeni setfu semabhuku sicubungula libhuku lelinisihloko lesitsi "Under Smuts's Rule" lelibhalwe ngu Prof Bongani Ngqulunga.  

I Mpumalanga Tourism and Parks Agency seyimemetele ngekukhuphula tindleko tekungena kuletinye tindzawo lertiheha tivakashi kulesifundza. Simeme siphatsimandla lesiphuma kaMTPA Phinda Qutjwa kutositjela ngalendzaba.

Inhlangano lebukele tindzaba tetitokfela, i-National Stokvel Association of South Africa (NSASA), itsi emalunga etinhlangano te-stokfela kufanele ayekele umkhuba wekukhuluma ngaphandle tindzaba noma tincumo letikhulunywa malunga. Umholi weNSASA Andrew Lukhele utsi kubalulekile kutsi emalunga asebentise emabhange nasekumele kwabelwane timali.

Inhlangano lelwa netifo temdlavuta kuleli i-Cancer Association of South Africa (CANSA), icwayisa bantfu kutsi bangahlali kakhulu elangeni kuze babalekele umdlavuta wesikhumba. Lenhlangano itsi bantfu labaningi abanalwati ngebungoti bekutosa ngelilanga. Itsi labanye bantfu bakholelwa ekutseni nabageza emifuleni kumbe kuma-swimming pool bayakhona kutivikela elangeni lelishisako. Kukhuluma ngalo lolu...

Mengameli wemajaji kulesifundza seMpumalanga wetfula ngalokusemtsetfweni emagumbi ekubhacisa tisulu letihlukunyetwe ngetemancanei nakufanele tiyowetfula bufakazi etinkantolo. Lokhuluma egameni lemengameli wemajaji aseMpumalanga, Jaji Lindiwe Vukeya ubita sive kutsi sikhombise kuvelana netisului kunekutsi tihlalele kubukana netinkhulumo letinetinshanshu.

Indvuna yetekutfutsa kulelive Barbara Creecy kulindzeleke avakashele lesifundza seMpumalanga kusasa njengencenye yemkhankaso wekucinisa tekuphepha emgwacweni kulamaholide ekuphela kwemnyaka. Lokhulumela litiko letekuphepha kwemphakatsi, kuvikeleka nekuchumana eMpumalanga, Moeti Mmusi utsi sewucalile kwenyuka umtsamo wetimoti emigwacweni lemikhulu yakulesifundza.

Imindeni lebalelwa ema-400 isele ingenalutfo kulandzela timvula letine ngemandla kumasipala waseNkomazi. Inhlangano yebaphalali i-Gift of the Givers ivakashele leyandzawo kuyosita lemindeni letsintsekile. Michael Mdluli uyasibikela

Umbiko lokhululwe lihhovisi letibalo i-Stats SA uveta kutsi sibalo sebantfu labababukene nendlala lematima sehle ngebantfu labantfu 5.1 million. Lombiko lokhululwe itolo i-SA Poverty Trends Report, utsi umuntfu lodla imbuya ngelutsi nguloyo losebentisa imali lengaphasi kwa R777 ngenyanga kutsenga kudla. Sicocasana nemhlatiyi wetindzaba temnotfo, Lunga Mahlaba.

Mengameli we ANC, Cyril Ramaphosa utsi emalunga alenhlangano lakhetsa kwehla etikhundleni kumele ashayelwe lihlombe. Beketfula inkulumo yekuvala umhlangano we National General Council ye ANC eBoksburg. Kulomhlangano kubukwe tindzaba letinyenti, lekubalwa kuto neludzaba lwebudlelwano ne SAPC letsetse sincumo sekutsi itawungenela lukhetfo ngekutimela. Sicocisana nemhleli wetindzaba tepolitiki khona...

Bashayeli bemaloli bavakalise kukhatsateka ngekuphepha kwabo kulendzawo labapaka emaloli eKomatipoort, kulesifundza seMpumalanga. Michael Mdluli uyasibikela.

Live lase-Botswana limemetele kutsi angeke lisavumela kungeniswe imikhicito yetibhidvo lechamuka kuleli leNingizimu Africa. Lemikhicito ifaka ekhatsi ematamatisi, emazambane, anyanisi, beetroot, carrots kubala nje lembalwa. Kukhuluma kabanti ngalendzaba simeme somnotfo wetekulima Umnumzane Thabile Nkunjana

Balahlwe ngemacala ekutfumba, kwetama kubulala kanye nelekubulala bo Werner Potgieter, indvodzana yakhe langayetali Cornelius Greyling kanye netisebenti lesitfupha, enkantolo lenkhulu eMIddelburg kulesifundza seMpumalanga. Mthobisi Mkhaliphi reports

Njengoba iANC ibambe ingcungcutsela yayo yeNational General Copuncil (NGC), simeme umhlatiyi wetembangave Umnumzane Sandile Swana kutewubuka kutsi yini tintfo letigcamile letivele kulomhlangano.

Inhlangano yabothishela i National Professional Teachers Organisation of South Africa (NAPTOSA) itsi ikholelwa ekutseni tibalo tabothishela labalahlwa ngemacala ekunukubeta bafundzi ngetemancansi, sisetulu kakhulu kunaleto letibikwako. Umkhandlu lobuke temfundvo i Education Labour Relations Council, uvete kutsi bangu 176 bothishela labalahlwe ngemacala ekunukubeta bafundzi ngetemacasi emkhatsini w...

Litiko letsekhaya selimemetele ngekwelulwa kwesikhatsi sekusebenta kudzimate kube ngumhlaka 19 December 2025. Kuyiva kahle lendzaba simeme umphatsi welihhovisi letasekhaya eMpumalanga, Ndalisa Jele