Ligwalagwala FM Current Affairs

Lesifundza seMpumalanga satiwa njengalesihanjelwa kakhulu tivakashi nganasi sikhatsi semnyaka. Inhlangano lebukele tekuvaklasha kulesifundza iMpumalanga Tourism and Parks Agency (MTPA) iitsi bantfu abatseleke ngetinkhani kulesifundza ngoba tonkhe tindzawo tekuvakashelwa tibalindzile. Lokhulumela iMTPA Simphiwe Shungube kuyajabulisa kubona tivakashi letinyenti kulesifundza.

Emaphoyisa akulesifundza se-Mpumalanga akucinisekisile kutsi kutfolakele sidvumbu samunye kulamasotja lamabili lemuke nemfula Inkomazi e-Komatipoti. Lokhulumela emaphoyisa esifundza Brigadier Donald Mdhluli utsi bayachubeka nekufuna umtimba walelisotja lesibili.

Esigabeni setfu sekucubungula emabhuku namuhla sikhuluma ngelibhuku lelibhalwe ngu-Sipholesihle Lukhele lelinesihloko lesitsi "Pretty Suits and Poisoned Mugs."

Bodokodela bemehlo bacwayisa bantfu kutsi banakele emehlo abo njengobe imisebe yelilanga ivame kuba nemandla ngalesikhatsi semnyaka. Sikhulumisana nadokotela wemehlo, Xolisile Zungu.

Bosolwati ngetetimali bacwayisa bantfu kutsi bacaphele bangasebentisi imali kakhulu kulamaholide kuze bagweme tinkinga nga-Bhimbhidvwane. Njalo ngenyanga ye-Ngongoni bantfu basebentisa imali lenyenti kutsenga tintfo letingetulu kwemandla abo. Sicocisane na Saubrey Tshabalala lovela ka The Big R Solutions

Bachubekile bantfu labasebentisa lomncele weLebombo bakhala ngesiminyeminye. Motsebi Monareng

Liya ngekwehla lizinga lekuhlangana kwemindeni ibungate emaholide akhisimusi, ngenca yekukholelwa etintfweni letinyenti letahlukahlukene. Sicocisana nemfundisi Jerry Khoza.

Umphatsiswa wetempilo kulesifundza seMpumalanga Sasekani Manzini utawuvakashela sibhedlela saseWitbank ahambisana naNdvunankhulu wesifundza , kuphatsela bantfwana lebabelekwa ngalelilanga lamuhla tipho.

Sikhungo lesibuke kusebenta kwemincele yakulelive iBorder Management Authority sitsi solo kunesiminyeminye eminceleni leminyentana yakulelive, ikakhulukati i-Lebombo. Michael Mdluli uyasibikela.

I Mpumalanga Tourism and Parks Agency (MTPA) ibita bantfu kutsi bete batewuvakashela lesifundza njengoba tindzawo tabo tivuliwe tilindze kubemukela. Lokhulumela iMTPA Simphiwe Shungube utsi senyukile sibalo setivakashi letite kulesifundza kulomnyaka nakucatsaniswa naseminyakeni leyengcile. 

Njingalwati Thuli Madonsela sewuvakalise kukhatsateka ngekuphepha kwakhe kulandzela kusuka kwembango ngelifa lemlingani wakhe longasekho emhlabeni, Richard Foxton. Kubuka kutsi etimweni letifana nalesi umlaleli angasitakala njani, elucingweni sichumana nemmeli wetemafa nekwabiwa kwemphahla, Thembi Mawelela.

Umpjhatsi wetinhlelo tekusebenta ku-Border Management Authority (BMA), David Chilembe ucwayisa labo lebahambhela lamanye mave kutsi baphatse konke lokufanele kugwema kubambeleleka eminceleni.

Inhlangano lelawula imincele yakulelive, iBorder Management Authority (BMA) itsi bangetulu kwetinkulungwane letingema-25 bantfu lebawele umncele waseLebvombo bangena eMozambiki kulamalanga lamabili lengcile.  Mthobisi Mkhaliphi uyasibikela...

Bashayeli betimoti kulesifundza seMpumalanga bayacwayisa kutsi bacinisekise kutsi timoti tabo tisesimeni lesifanele ngembi kwekutsi batsatse luhambho lwabo kuze bangatikhandzi babukene nelulaka lwemtsetfo. Lesecwayiso sifika ngesikhatsi lapho kuhlanyelwe emaphoyisa lamanyenti kuyo yonkhe imigwaco lemikhulu yakulesifundza. Michael Mdluli uyasibikela...

Kubonakala kwangatsi kutawuba nguKhisimusi wemvula lonyaka ngekusho kwelihhovisi letangoma telitulu. Simeme sangoma selitulu Bongani Jola Chibi kutosibukela kutsi sitawube sinjani simo selitulu kuleliviki lakhisimusi.

Ibhodi lelawula kutsengisa kwetjwala eMpumalanga itsi batawutsatselwa tinyatselo lebangawulamndzeli umtsetfo. Gcina Mashaba lovela kuyo i-Mpumalanga Liquor Board ukhutsata bantfu kutsi bachumane nabo nangabe banetikhalo.

Lesi sikhatsi senjabulu sekuhlangana kwemindeni kantsi nebantfu bayashada futsi bayalobolo nganasi sikhatsi semnyaka. Kepha kubo lobukhatikhati nebunandzi, tintfo atisenteke njengakadzeni lapho bekuvele kutseleke noma ngubani. Kulamalanga bantfu sebekhipha timemo, kune nelidlantana lebantfu lotojabula nabo kulomcimbi lowentile. Kukhuluma kabanti ngaloludzaba simeme Make Khosi Siboza.

Ucala namuhla umchudzelwano welibhola letinyawo kulelivekati le Africa,  i-Africa Cup of Nations, lodlalelwa e Morrocco. Sicocisana nemetfuli wetemidlalo emsakatweni Ligwalagwala Fm, Sibusiso "SD" Mashabane.

Lucwaningo lolwentiwe yinhlangano lekutsiwa i-Age Well luveta kubaluleka kwekutsi umuntfu nasekakhulile abe nebantfu latawuphilisana kuze angatitfoli sekayinhlwa ahlushwa situnge. Simeme  Zandile Shabangu longudokodela loluleka ngokwengcondvo kutobuka nasi simo.

Esigabeni setfu sekucubungula emabhuku namuhla sikhuluma  ngelibhuku lelibhalwe nguConstance Mkomi lelinesihloko lesitsi "Inkokhelo Yesono." 

Likomishana lelibukene netindzaba tebatsengi kuleli i National Consumer Commisison  licwayisa bantfu kutsi bacaphele nabatsenga On Line. Simeme lokhulumela lelikhomishana Phetho Ntaba.

Minyenti imikhuba leseyivame kwenteka kulamalanga nangabe nangabe kunenkonzo yemngcwabo emiphakatsini lesiphila kuyo. Kusigameko sakamuva kuboshwe emadvodza lamabili kumasipala waseNkomazi ngekudubula tibhamu emngcwabeni. Kantsi kuleminye imingcwaco kuvame kubonakala timoti ti-spina emgwacweni njengendlela yekuvalelisa loyi losashonile. Kepha kubuka kutsi ingabe umngcwabo sewulahlekelwa sitfunti,...

 Lihhovisi letangoma telitulu litsi bantfu kufanele batihloniphe tecwayiso letikhishwa ngulelihhovisi. Lelihhovisi littsi yinyenti imvula lelindzelekile kulamaholide kepha lesimo singagucuka ngenca yalokugucugucuka kwesimo selitulu. Simeme sangoma selitulu Bongane Chibi.

Umbiko wesikhashane welikomishana laMadlanga sewetfuliwe kumengameli Cyril Ramaphosa kaphe angeke wendluliselwe esiveni. Kucubungula umsebenti walelikhomishana sikhulumisana nesati setindzaba tebugebengu, Dr Mxolisi Mathebula.

Siciwi setinyamatane iKruger National Park, sesibita bantfu labafuna kuvakashela lesiciwi kutsi bafake ticelo kusenesikhatsi kuze bangadvumateki nabafika emahhekeni ekungena kulesiciwi. Lokhulumela lesiciwi iKNP, Ray Thakhuli utsi batawulawula linani lebantfu lebangena kulesiciwi ngelilanga kulesikhatsi semaholide kuze kungagcini sekugcwele ngalokwecile.