Driesestig

Een genade van die huidige staat van inperking, is dat minder Karoo-skilpaaie doodgery of opgetel en weggery word, sê Pepi van der Merwe, eienaar van die gasteplaas Keurfontein naby die Karoodorpie Willowmore. Pepi het aan Mariska Spoormaker gesê die amper tjoepstil N9 maak dat hy nie meer so verskriklik asem moet inhou vir die skillies se veiligheid nie.

Dr. Linda Meyer gesels met Sue Pyler oor die waarde van kragdrag (power dressing).

Veearts dr. Ingrid de Wet gesels met Sue Pyler oor wintersiektes by troeteldiere.

Coenie Middel praat met Sue Pyler oor die werk van 'n internasionale multi-dissiplinêre groep wat strategiese planne teen die Covid-19 pandemie ontwikkel.

Corrie Muller vertel vir Sue Pyler van die was waarmee sitrusvrugte behandel word.

Hoe kan kreatiwiteit toegepas word om ons “nuwe” wereld te benader en die VN se volhoubaarheidsdoelwitte te bereik. Hoe kan jy deel word van Wêreld Kreatiwiteit- en Innovasiedag op 21 April?

Verskeie projekte landwyd fokus op burgerlike opheffing in verskillende gemeenskappe. Martelize Brink kyk na die Stellenbosch Civil Advocacy Netwerk se rol in die gemeenskap, en die gesinne wat deur 'n kospakkieverspreidingsprogram gehelp word.

Huiskok Errieda du Toit gesels met Sue Pyler oor bak as gesinsaktiwiteit, en deel 'n resep of twee wat veilig is om saam met die kinders aan te pak.

Arlene Mulder gesels met Sue Pyler oor Ubuntu Beds wat die gasvryheidsbedryf se leë beddens werf om vir oorwerkte mediese personeel aan te bied.

Kort na die Tweede Wêreldoorlog in 1949, voor televisie en selfone, het Pieter de Waal met sy koffiehuiskonserte, wat op die radio uitgesaai is, baie gedoen om die moreel van die mense te lig. In hierdie isolasietydperk in Suid-Afrika speel humor weer 'n groot rol, en is daar aansienlik meer kanale en middele tot ons beskikking om ons self besig te hou en te vermaak, maar RSG bly een van die staat...

Marlene le Roux vertel vir Sue Pyler van gestremde persone se stryd tydens die grendeltyd.

Multidisiplinêre kunstenaar Veronika Olivier vertel vir Sue Pyler van haar kunsvlyt wat internasionale erkenning kry.

Martelize Brink gesels af en toe met die TV-persoonlikheid Mari-Louis Guy om meer te leer van die kultuur en leefstyl in Montenegro, waar sy woon. Martelize wou nou by haar weet hoe hulle die inperking daar ervaar.

Sedrico Husselman het hier in die kunste gewerk. Toe besluit hy dat sy lewe 'n nuwe rigting moet inslaan, en toe gaan hou hy skool in China. Sedert Januarie sit hy vasgekeer in sy blyplek. Hy vertel van wat hy in China geleer het, en vertel vir Haidee Muller van die wonder van tegnologie.

Dieetkundige Retha Harmse gesels met Sue Pyler oor gebalanseerd eet en hoe om kos te koop en voor te berei.

Helmut Meijer vertel vir Sue Pyler hoe 8D-tegnologie werk wat deesdae in klankopnames gebruik word.

Advokaat John Welch praat met Sue Pyler van die amnestie om ongelisensiëerde vuurwapens in te handig.

Alan Fourie vertel vir Sue Pyler waar cheddarkaas vandaan kom.

Dieetkundige Irene Labuschagne verduidelik vir Sue Pyler wat probiotika se rol in immuniteit is.

Kevin van Niekerk vertel vir Sue Pyler hoe hy koffievlekkuns beoefen.

Elzaan Smith vertel vir Sue Pyler hoe sy haar linnefabriek in 'n gesigmaskerfabriek omskep het.

As daar nou een gemeenskapsprojek is wat nie deur die Covid19-inperking gesneuwel sal word nie, dan is dit Uitenhage se Mulla-projek waar nagenoeg 290 weerlose kinders herwinbare rommel kan ruil vir onder meer kos en klere. Quinette Goosen, afgetrede onderwyser en voorsitter van die projek, het aan Mariska Spoormaker gesê hulle is nou baie bekommerd oor die kinders.

Ná twee jaar waarin Die Kwik Styg op klimaatsverandering gefokus het, is dit tyd om te groet. Lizma van Zyl gesels in die laaste program met dr. Ilse Trautmann van die Wes-Kaapse Department van Landbou, wie se breinkind die reeks was. Hulle bespreek die uitdagings wat deur die uiteenlopende groep kundiges oor die afgelope twee jaar uitgelig is, asook die pad vorentoe.

Michelle Holtzhausen vertel vir Sue Pyler van die waarde van kreatiwiteit, en die Creative Hobbies Hub wat daagliks 'n gratis aanlyn kunsvlytwerkswinkel aanbied.

Dr. Jan Botha praat met Martelize Brink oor die uitdaging om midde in die Coronaviruskrisis hoop te skep. Hulle kyk na drie fokusareas - leer, afleer en spesiaal herleer.