Driesestig

Martelize Brink vind uit hoe ons kleur waarneem en hoekom sekere mense kleurblind is.

Vanessa Kroutz, moeder van die gestrande Lauren in Peru, het aan Mariska Spoormaker gesê dit is 'n wonderwerk dat die Uitenhage-gemeenskap en ander mense genoeg geld kon insamel sodat haar dogter kan huis toe kom.

Radio het oor die jare baie verander. Van die ou buis-stelsels en analoog-uitsendings tot moderne digitale-gebruik. In die proses word baie platvorms geïntegreer soos SMS-lyne, Whatsapp-stemnotas en telefooninteraksie waarvan RSG ook mildelik gebruik maak. Soms voel van die prosesse vir die jong moderne radioluisteraar nog 'n bietjie omslagtig, en dit het die Europese Unie 'n ondersoek na hibriede...

Die Uitenhage-gemeenskap staan saam om een van hulle dogters huis toe te bring. Lauren Kroutz is al maande lank in Lima in Peru vasgevang weens die Covid-pandemie. Sedert die uitbreek van die pandemie is sy werkloos en leef op ander se genadebrood. Op 15 Junie is daar die moontlikheid van 'n vlug terug huis toe, maar dit kos derduisende rande. Dit is geld wat Lauren nie het nie. Gevolglik het die...

Marie-Tinka Uys gesels met Sue Pyler oor die Kruger to Canyons-biosfeer en die UNESCO biosfeerkonsep.

Martelize Brink gesels met Hannele Steyn oor haar opleiding in verskillende velde, waaoronder 'n BSC-graad in mikrobiologie en genetika, 'n diploma in voeding, bemarking en driekamp-afrigting. Sy verduidelik hoe hierdie rigtings by mekaar inpas om haar passie vir sport en voeding te ondersteun.

Brian Adams gesels met Sue Pyler oor sake-etiek in die nuwe werksomgewing ná Covid-19.

Prof. L.J. Grobler vertel vir Sue Pyler van die eerste pap-OTM op Potchefstroom.

Ronald Reeves vertel vir Sue Pyler hoe mense 'n GPS-toepassing gebruik om patrone te hardloop en sodoende prente te vorm wat op kaarte verskyn, en dan met sosiale media versprei word.

Etiekkenner Brian Adams praat oor sake-etiek in die grendeltyd.

Christine du Plessis gesels met Sue Pyler oor jeuginteraksie met die Augrabies Waterval Nasionale Park.

Haidee Muller het onthoustoies gaan kry by die inwoners van Huis Aristea, 'n aftreeoord in Durbanville in die Kaap.

Martelize Brink praat met dr. Danie Botha, kliniese hoof van die FEMBRYO Fertiliteits- en Ginekologie-kliniek in Port Elizabeth, oor die belang van die dokter-pasiënt-verhouding, en wat hom opgewonde maak oor die vooruitgang van tegnologie in die stryd teen infertiliteit.

Om te swem is om te leef, sê die 79 jarige Thomas Jordaan van Parkside in die Baai se noordelike gebiede. Só ernstig het hy nog altyd daaroor gevoel, dat hy 25 jaar gelede 'n swembad by sy huis laat biou het sodat enige mens van enige ouderdom kan leer swem. Mariska Spoormaker het met hom oor sy 62 jare van swem gepraat.

Het jy geweet jy het diskresionêre kilojoules in jou eetbegroting elke dag? Martelize Brink gesels met Irene Labuschagne van NICUS, die voedingsinligtingsentrum aan die Universiteit Stellenbosch, oor hoe om dit te spandeer en hoe om die ekstra gewig wat in die tydperk by die huis opgetel is, af te skud.

Dr. Martin Muller vertel wat ondernemings te doen staan wanneer 'n werknemer positief toets vir Covid-19.

Andre Botha vertel vir Sue Pyler van die vergiftiging van aasvoëls in Afrika en die verreikende gevolge daarvan.

Martelize Brink gesels met Armand Hough, 'n dokumentêre fotograaf, oor sy ervaring van oorloggeteisterde gebiede, natuurrampe, sy dekking van die Covid-19-krisis, en sy veldtog op Instragram, The Humans Narrative.

Dr. Linda Meyer vertel vir Sue Pyler hoe jy nuwe goeie gewoontes vorm.

Dieetkundige Maretha Vermaak vertel vir Sue Pyler van Wêreld Melkdag en die voedingswaarde van melk.

Wêreld Meervoudige Sklerose-dag was op 30 Mei. Marese du Preez, 'n ma van twee jong kinders, is verlede jaar met MS gediagnoseer. Martelize Brink gesels met haar oor die skok, 'n akute aanval wat haar beweging geweldig ingeperk het, en 'n nuwe hulpmiddel wat haar in staat stel om steeds met haar kinders te kan speel.

Abduraghman Adams gesels vertel vir Sue Pyler van sy rol as Eric in die SABC 2 drama, Melody.

Leillani Geduld gesels met Sue Pyler oor die Tekkie Taks datum wat geskuif het, en hoe CANSA beplan om vanjaar se inkomste uit die geleentheid aan te wend.

Veearts dr. Ingrid de Wet vertel vir Sue Pyler hoe jy troedeldiere se na-grendeltyd probleme aanspreek.

Martelize Brink gesels met Lize Strydom van The Au Pair oor die bedryf, en hoe Suid-Afrikaanse au pairs die Covid-19-krisis hanteer. Sy loer in by drie au pairs wat in Holland gebasseer is.