Driesestig

Prof. Lindy Heinecken gesels met Martelize Brink oor genderintegrasie in militêre- en vredesbewaringsinstansies.

Antoinette Joubert vertel vir Martelize Brink van PinkDrive se werk, veral op die gebied van vrouegesondheid.

Sanger Vaughan Gardiner en sy vrou Nerine woon deesdae in Dubai met hulle twee jong dogtertjies. Nerine is die broodwinner en Vaughan sien tuis om na die kinders, al is hy steeds bedrywig met musiek. Nerine het intussen joga begin beoefen, en Haidee Muller het met haar gesels oor haar loopbaan en gesinslewe, asook daai ingewikkelde joga-posisies.

Melanie Basson vertel vir Martelize Brink van die skrumtegniek wat gebruik word tydens die ontwikkeling van sagteware.

Maryke Musson vertel vir Martelize Brink van olierampe aan die Suid-Afrikaanse kus en elders in die wêreld.

Johan Rademan gesels vir oulaas in 'n reeks van drie praatjies met die 94-jarige kreatiewe en aktiewe Suid-Afrikaanse kunstenaar, Pierre Volschenk. Miskien hang daar 'n olieverf op jou muur, maar hy is ook bekend vir sy massiewe bronsbeelde en borsbeelde. Elkeen wat hy maak verg baie geduld. Mense is al deur hom verewig soos pres. Nelson Mandela, dr. Danie Craven en die Chris Barnards – dis nou di...

Annelise de Vries gesels met Martelize Brink oor Afrikaans in die sake- en werksomgewing.

Francois de Wet vertel vir Martelize Brink van Parrie, die bekende pylstert in Struisbaai se hawe. Hy het sy eie Facebookblad, en nooi jou om te kom kuier.

Bun Booyens gesels met Martelize Brink oor die internasionale dag vir linkshandiges. Booyens is self 'n hotklou. Hy vertel van die uitdagings vir linkshandiges, maar ook die voordele soos die wat jy in die sportwêreld kry.

Augustus is NP van Wyk Louw-maand op RSG. Voor die tyd van e-posse, SMS'e, Twitter, Instagram en Facebook het skrywers anders geleef. Trouens daar was gesonde wedywering. Johan Rademan gesels met Daniel Hugo oor twee karperde en 'n besondere vrou wat gesonde kompetisie vir mekaar gebied het.

Die 94-jarige Pierre Volschenk is nog voluit besig met sy kunsloopbaan waar hy in Gordonsbaai oor Valsbaai uitkyk. Sy wortels lê wyd in Suid-Afrika. Hy vertel aan Johan Rademan van die moeisame pad wat hyself moes loop om 'n suksesvolle kunstenaarsloopbaan te hê. Dit het by hom 'n sagte plekkie gelaat om jong gemarginaliseerde kunstenaars aan te moedig en te ondersteun. Gister het ons gehoor dat h...

Die 94-jarige Pierre Volschenk is nog voluit besig met sy kunsloopbaan waar hy in Gordonsbaai oor Valsbaai uitkyk. Sy wortels lê wyd in Suid-Afrika. Hy vertel aan Johan Rademan hoe die geskiedenis in sy tyd gewerk het wat die kunste betref, en hoe hy eerste Suid-Afrikaner geword het om 'n doktorsgraad in beeldende kunste in Suid-Afrika te ontvang.

Imago kliniese terapeut Pieter le Roux gesels met Martelize Brink oor die voordele van 'n realistiese aanslag tot ons huidige omstandighede.

Keneilwe Mokalane en Tsietsi Shuping gesels met Martelize Brink van die Kommissie vir Geslagsgelykheid oor geslagsgebaseerde geweld tydens die grendeltyd.

Uitenhage se wêreldberoemde spoorwegbobbejaan, Jack, se storie is nou in 'n Amerikaanse kinderboek vasgevang, en is 'n topverkoper op Amazon. Mariska Spoormaker het met Heilie Combrinck van die plaaslike UD Express gepraat om meer van hieroor te hoor.

Jacqui January gesels met Wim Castleman van Decade Store in Johannesburg oor sy benadering tot die aanskaf en restourasie van ou stoele, veral uit die jare vyftig.

Lindi Opperman vertel vir Martelize Brink wat die opleiding van mediese hulphonde behels.

Iain Erasmus vertel vir Martelize Brink van kursusse wat op skoliere en studente gemik is om die probleem van geslaggebaseerde geweld aan te pak.

Rod Keyser vertel vir Martelize Brink van veiligheidsaspekte van wapen- en plofstofvervaardiging in Suid-Afrika.

Met grendeltyd se laaie en kaste opruim, het Mariska Spoormaker op 'n foto van haar as jong joernalis afgekom waar Mike Schutte haar in 'n stoeigreep beet het. Sy het die foto, geneem in die vroeë tagtigs, op haar Facebookblad gedeel en was só verstom oor die oorweldigende positiewe reaksie daaroor dat sy gepraat het met Dalene Schutte Louw, groot ou Mike se dogter.

Erica Louw was vyf jaar lank betrokke by die Nasionale Jeugorkes. Dit het vir haar deure oopgemaak, en aan die begin van die jaar het Washington D.C. vir haar gewink...

Melanie Basson vertel vir Martelize Brink van haar ervaring met haar mediesesorghond, Hazel. Melanie is 'n Tipe 1-diabeet. Hazel help haar om haar suikervlakke te monitor.

Lesley Thomas vertel vir Martelize Brink van Famsa se projek met oortreders in gesinsgeweld.

Odessa Swarts, ma van Olimpiese ster Wayde van Niekerk, het self uitgeblink in atletiek in haar jonger dae, maar dit was nie altyd maklik nie. Odessa was die oudste van drie. Haar ma was 'n enkelouer en daarom is sy erg geboelie op skool. Sy was nog 'n tiener toe sy Wayde gehad het. Haidee Muller het met Odessa oor haar lewensreis gesels.

Daar word elke jaar baie nuwe soorte plante benaam. Af en toe is daar nuwe plantgeslagte, maar nuwe plantfamilies word selde ontdek en benaam. Wessel Swanepoel was betrokke by die onlangse benaming van die Braaipan Karoobos-familie. Dit kom slegs voorby drie panne in die Karasbergdistrik in die suide van Namibië.