Driesestig

Veearts dr. Ingrid de Wet praat oor rou kos vir troeteldiere.

Daar gaan amper nie ‘n maand verby nie dat daar nog ‘n nuwe voëlspesie in die Camdeboo Nasionale Park ontdek word. Dit laat ‘n mens wonder waarop gretige voëlkykers bedag moet wees om sulke ontdekkings te kan doen. Mariska Spoormaker het saam met Leonie Fouché, oud-stadsklerk van Nieu-Bethesda, na die Camdeboo-veld gegaan om meer te leer.

Martelize Brink gesels met Kate Vos, ‘n ouer wat betrokke is by die Laerskool Vorentoe op Groot Brakrivier. Sy word geloof vir haar kreatiwiteit, en vertel hoekom sy van Johannesburg na dié klein dorpie getrek het.

Rob Jonkers vertel vir Martelize Brink hoe ‘n vliegtuig vlieg, en verwys na die verskeie soorte vliegtuie.

Haidee Muller-Isaacs gesels met Leslie Morris van Kuilsrivier. Moet nooit dat ander vir jou vertel dat jy nie jou drome kan bewaarheid nie, sê Leslie. Hy het op 36 'n advokaat geword. Hy vertel vir Haidee van sy uiters uitdagende kronkelpad na bo, en sy drome om ander te help om hulle regskennis op te skerp.

Hannerie Visser vertel vir Martelize Brink van ‘n projek waar jy ‘n vol fles ingelegde kos inhandig, in ruil vir ‘n leë fles en jou storie. Die kos word geskenk aan Ladles of Love.

Mari Visser gesels oor haar grootwordjare in die Karoo en die kennis van vleis wat sy by haar pa gekry het. Hulle bewerk vleis vir jagters, wat nie die vaardighede het om dit te doen nie.

Volgens marknavorsing het die aankoop van snoepgoed die afgelope twee jaar tot die hoogste vlak ooit gestyg. Roomys is bo-aan die lys, met ‘n toename van bykans 6%.

Dr. Dries Potgieter praat oor infertiliteit en die sielkundige impak wat die Covid-19-pandemie op fertiliteit het.

Este Rabé gesels met Johan Rademan en Martelize Brink oor Bottomless Coffee Band, haar gesondheidsreis, selfbeeld en ‘n nuwe kunsrigting.

Haidee Muller-Isaacs gesels met Elize van der Westhuizen. Sy het 21 jaar lank as bestuurder by Chrismar Villas-aftreeoord in Bellville gewerk. Chrismar Villas en Bellville Senior Sentrum is 'n program van Badisa. Badisa is die Tswana woord vir herder of versorger. Elize vertel vir Haidee van haar liefde vir bejaardes, en hoekom sy gekies het om te doen wat sy doen.

Mark Beyl en Piet Nel vertel vir Johan Rademan en Martelize Brink van die Protea Diepseehengelaars se suksesse die afgelope tyd. Hulle was deel van die Protea Snawelvisspan wat koning gekraai het in Kuba. Hy vertel ook van die Protea Bodemvisspan wat brons behaal het in Ysland.

Andriette de la Harp vertel vir Johan Rademan en Martelize Brink hoe sy met deursettingsvermoë van werkloos tot die tweede plek in Masterchef gegaan het.

Kariega se rolstoelatleet, Max Kulati, met wie ons al vroeër gepraat het, het aan die IBFF se wêreld liggaamsbou-kompetisie in Slowenië deelgeneem, en met goud in sy afdeling teruggekeer. Mariska Spoormaker het tussen Max se ondersteuners by die Dawid Stuurman-lughawe in Gqeberha gaan wag.

Dr. Etienne van der Walt praat oor die rol van slaap, en die optimale hoeveelheid slaap.

Dr. Ida Wilson vertel vir Martelize Brink van die potensiaal van plantekstrak vir dieregesondheid.

Hoewel die Vallei van Verlatenheid buite Graaff-Reinet wêreldwyd gewild is as geologiese wonder, kon dit nog nooit die gesogte Lilizela-toekenning op nasionale vlak as die plek met die mooiste uitsig inpalm nie. Mariska Spoormaker het soontoe gegaan en gehoor van praktiese planne wat gemaak word sodat die Vallei van Verlatenheid ook dié gesogte toekenning kan losslaan.

Chrischene Julius vertel vir Martelize Brink van SALON AFRIQUE - A HOMECOMING REIMAGINED by die Distrik Ses Museum. Dit is ‘n kunsversameling met die doel om ‘n plek van dialoog te skep in ‘n tyd waar Suid-Afrika sukkel om Afrikane hier te laat tuisvoel.

Sebastine Pepler vertel vir Johan Rademan van haar natuurlike skoonheidsprodukte.

Toe sy rugwerwels ses jaar gelede verbrokkel en hy in 'n rolstoel beland het, het Max Kulati van Kariega besluit sak en as is nie vir hom nie. Hy begin toe met kragoptel. Na vele seges in dié sport, het hy besluit om oor te slaan na liggaamsbou, en toe ryg hy weer die titels in. Nou gaan hy Suid-Afrika verteenwoordig in die Internasionale Liggaamsboufederasie se Wêreldkampioenskap in Slowenië. Voo...

De Wet van Rooyen en Linsen Loots vertel vir Johan Rademan van hulle kortfilm, Dissonant, wat beïndruk het by die Cannes-filmfees.

Raino Bolz vertel vir Johan Rademan van fietsryroetes wat ontwikkel word om toerisme 'n hupstoot te gee.

Die handwerkgroepie by Suzie se koffiewinkel in Kuilsrivier maak die mooiste goed. Daar is iets van alles - mussies, kersboomversierings, komberse en truie. Daar is ook altyd iets lekker by hierdie byeenkomste, soos die heerlike koesisters op die dag toe Haidee Muller-Isaacs daar gaan kuier het. Die groep vroue vertel vir haar hoe hulle mekaar se stories van lief en leed leer ken, en sodoende meka...

Marunzo Thomas vertel vir Johan Rademan van sy akteursloopbaan en die toneelstuk, Vloeibare Moed, waarin hy te sien is. Die produksie is geïnspireer deur die gebeure ná die grusame dood van Uyinene Mrwetyana.

Sanger, liedjieskrywer en sielkundige Hanru Niemand kuier by Johan Rademan en Martelize Brink met sy stories en musiek.