Driesestig

As jy vir iemand hoop wil gee, moet jy hulle bedien. Dís die leuse van Penny de Klerk van Paarl Doenit. Ander praat, sy dóén. Penny is gedurig aan't pennies omdraai om behoeftiges in haar gemeenskap se swaarkry te verlig. Sy vertel vir Haidee Muller-Isaacs hoe haar ouma Nellie Steyn, desjare die vroedvrou op Riversdal, haar dit al in die jare sestig op haar kinderhart gelê het.

Annalize Kotze van Iziko Musuems praat oor die lot van menslike oorskot in museums en universiteite se besit. Sy deel wat Iziko Museums doen om die oorskot hulle besit by hulle nageslagte te kry om begrawe te word.

Sydney in Australië het ‘n totale verbod op oop vure ingestel. Jy mag nie braai, ‘n kampvuur maak of selfs swys nie. Dit is gedoen om brande in hulle droë en winderige weersomstandighede te voorkom.

Dawie Botha gesels in SO IS DIE LAND GEBOU oor bergpasse, skanskorwe, rotsankers en vangnette.

In watter metropool in die land kan jy teen sterk skemer tussen struik en boom loop, en die gloeiende liggies van vuurvliegies sien? In Nelson Mandelabaai, sal Mariska Spoormaker jou vertel nadat sy met haar honde in sterk skemer in ‘n gedeelte van die Baakensriviervallei naby die woonbuurt Millpark gaan loop het. Dié stukkie natuurhemel bestaan omdat die omliggende inwoners in 2017 die Mill Park...

Ebbe Rabie vertel praat oor parametriese versekering, wat nog nie in Suid-Afrika beskikbaar is nie, maar wyd internasionaal gebruik word. Die versekering word aan klimaatuitkomste gekoppel, eerder as verliesse.

‘n Kunstenaar is sowat R1,36 miljoen betaal om kuns te skep met die tema, Vat die geld en hardloop. Hy het 2 skoon doeke verskaf as die werk. Ná hofsake moet hy die meeste van die geld teruggee aan die museum.

Suzanne Janeke en Justin Terblanche vertel vir Martelize Brink van die dokumentêr, Guardian of the Clash, wat op Wêreld Renosterdag vrygestel word. Dit handel oor Justin se verhouding met drie renosters, vir wie hy ‘n oppasser was.

Op Humansdorp in die Oos-Kaap vind 'n mens twee Chevrolet Firenza CanAms in die garages by die plaaslike insleepdiens. Dié Can-Ams is van die mees gesogte klassieke motors in die wêreld, en daar is nog net 'n handjievol oorspronklikes oor. Rudolph de Vos, eienaar van die insleepdiens, is baie trots op sy twee CanAms, veral omdat een nog oorspronklik is, en die ander 'n gemodifiseerde wedrenmotor i...

Genevieve Lentz vertel vir Martelize Brink van haar loopbaan as internasionale tafeltennisskeidsregter. Dié baanbreker van Bonteheuwel kom uit ‘n familie van tafeltennispresteerders.

Eers was daar Crocs. Nou is daar Shrek Crocs - ‘n groen skoen met ‘n paar sproete, ogre-ore en ‘n neus.

Jackie Loubser vertel vir Martelize Brink van die onlangse SA Olive-toekennings, en hulle proe plaaslike olyfolie.

Hoe is sout en peper duisende jare gelede gebruik? Watter kultuur het gefermenteerde vissous in hulle resepte gebruik? Ons sit ons speseryroete voort met kultuur- en koshistorikus Hetta van Deventer-Terblance, wat meer vertel van die geskiedenis van speserye.

Tertius Louw vertel vir Haidee Muller-Isaacs hoe hy as sesjarige begin plate versamel het. Hy is nou in sy sewentigs, en versamel steeds. Hy is ook 'n kranige musieknavorser, en sy versameling is een van die grootstes in die land.

‘n Derde van musiekfeesgangers in Brittanje los hulle tente ná die feeste net daar. Nou is daar kartontente, wat herwin word ná die fees.

Emile Joubert vertel vir Martelize Brink van sy internasionale ervarings as kind, wat hom help vorm het as gerekende joernalis en skrywer.

Hy was eers ’n prokureur. Nou is hy 'n sosiale entrepreneur. Dít, in kort, som Jean-Pierre du Plessis, ‘n boorling van Humansdorp, se lewe op. Hy glo ons kan Suid Afrika laat werk, en dat die land die potensiaal het om 'n lig vir die wêreld te wees. Jean-Pierre se benadering is om sakemodelle te ontwikkel om volhoubaarheid te verseker, waar gemeenskapslede reeds begin het om verbetering in hulle l...

Prof. Gert-Jan van Rooyen vertel vir Martelize Brink hoe die apparaat werk waarmee die polisie telefoonkommunikasie onderskep.

In New York gaan mense deesdae op rotbesigtigingstoere. Op TikTok is mense gaande oor die rotte, en dit het tot die rottoerisme gelei.

Beer Adriaanse vertel vir Martelize Brink hoe hy van tromspeler van Zinkplaat gegaan het tot akteur, regisseur en draaiboekskrywer.

Alta Maré is die stigter en direkteur van Choral Celebration Network Foundation, ‘n nie-winsgewende organisasie wat die platform skep vir kore van alle agtergronde om te kan deelneem. Johan Rademan het met haar gesels.

Giselle Courtney gee vir Martelize Brink ’n fynbos-proe-ervaring. Sy ontdek die smaak en geur van verskeie plaaslike kruie, en hoe dit in jou kos sal werk.

Die polisie in Noord-Wallis waarsku inwoners dat skurke kersfeesdwergies in hulle voortuine sit. As dit nie geskuif word nie, sien hulle dit as ‘n teken dat die mense nie tuis is nie.

Dawie Botha vertel vir Martelize Brink wat groen ingenieurswese behels.

In Nelson Mandelabaai is daar twee linksgesindes wat saam ‘n gedugte span maak. Die een is die perd Misty en die ander die ruiter Monique Maritz. Misty, eens 'n renperd, se linkervoorpoot is hoër as haar regterpoot weens ‘n ou besering net bo die hoef. Monique se linker onderbeen is ná 'n motorfietsongeluk geamputeer. Nou gee sy en Misty mekaar goeie hoop vir 'n goeie toekoms. Mariska Spoormaker h...