Spektrum

Dit gaan moeilik vir die EFF en die DA wees om níe president Jacob Zuma se skikkingsvoorstel oor die Nkandla-besteding te aanvaar nie. Dit is die mening van die direkteur van die Instituut vir Verantwoordbaarheid in Suider-Afrika, adv. Paul Hoffman.

'n Suid-Afrikaanse sjef in Frankryk het 'n gesogte Michelin-ster ontvang. Jan Hendrik van der Westhuizen vertel hoe hy van Middelburg tot Nice in die suide van Frankryk in sy kosverhaal gereis het. Hy het vanuit Nice met Melissa Tighy oor sy restaurant, Jan - wat melkterk en bobotie aan Franse klante bedien, gepraat. Die restaurant het in 2013 geopen.

Daar is uiteenlopende reaksie op president Jacob Zuma se skikkingsvoorstel oor Nkandla. In politieke kringe gons dit behoorlik. Hanri Wondergem het by 'n paar politieke ontleders gaan aanklop vir kommentaar oor die jongste wending in die sage.

President Jacob Zuma se ommekeer oor sy Nkandla-huis is die jongste in 'n skandaalketting wat die Suid-Afrikaanse parlement al sedert 2014 telkemale ontwrig het. Dit het alles begin toe die EFF op 21 Augustus 2014 aangedring het op 'n antwoord oor wanneer die president geld gaan opdok vir Nkandla.

Die DA hou voet by stuk dat hy nie sal instem tot 'n skikking wat die gesag van die Obenbare Beskermer ondermyn nie. Die EFF en ander politieke partye het ook gereageer op president Jacob Zuma se skikkingsvoorstel dat hy van die miljoene wat aan sy Nkandla-woning bestee is, sal terugbetaal. Hanri Wondergem doen verslag.

'n Man het besluit om sy eie, persoonlike webwerf op die been te bring met een doel voor oë: om sy trouvrou te ontmoet. Hanri Wondergem het met Rudi Pieters gepraat oor sy webtuiste www.planmaak.co.za.

Inwoners van Rouxville in die Suid-Vrystaat het vanoggend by die hof bymekaargekom in protes teen die moord op dr Bennie Cilliers. Die verdagtes, Thabang Jordan en Ngalekile Zamayo, verskyn vandag weer in die hof op aanklagte van moord, poging tot moord en voertuigdiefstal nadat die saak gister uitgestel is vir verdere ondersoek. Die familie het in 'n onderhoud met Spektrum gesê hulle is dankbaar...

Brittanje het gister die eerste land geword wat deur sy regulatoriese proses goedkeuring gekry het dat menslike embrio's in navorsing geneties verander mag word. Hanri Wondergem het met ons wetenskapkorrespondent, George Claasen, oor hierdie reuse tree vir mediese navorsing gepraat.

Faksievorming op verskeie vlakke is besig om die ANC al hoe meer te verdeel. Die Nene-debakel asook die leierskapkrisis in die Wes-Kaap en talle ander provinsies is die simptome hiervan, sê Theo Venter van die Potchefstroomse Sakeskool. Venter het aan Izak du Plessis gesê dit is 'n verskynsel wat die ANC al hoe meer teister namate die party wegbeweeg van sy struggle-identiteit.

Die DA het 'n beroep op die ANC gedoen om die burgemeester van Beaufort-Wes onmiddellik te skors. Dit volg ná 'n klag van aanranding teen Truman Prince deur 'n vroueverkeersbeampte gelê is. Izak du Plessis berig dat dit die jongste in 'n reeks skandale is wat Prince tref.

Die ANC het aangedui dat hy 'n klag by die Menseregtekomissie sal bring teen die DA se burgemeesterskandidaat vir die Nelson Mandela Baai Metro, Athol Trollip se familie. Dit ná bewering omdat Trollip se familie plaaswerkers op hulle plaas in die Oos-Kaap uitgebuit het. Trollip sê hy sal op 'n latere stadium hieroor kommentaar lewer.

Ras sal al hoe meer die fokus raak van verkiesingveldtogte in die oploop tot die plaaslike verkiesings. So reken 'n assosiaatprofessor in politieke studies aan die Nelson Mandela Metropolitaanse Universiteit, Joleen Steyn-Kotze.

Vandag is die gedenkdiens van die kunstenaar Randall Wicomb. Wicomb is in die ouderdom van 66 jaar op 27 Desember verlede jaar in Stellenbosch oorlede. Spektrum het die voorreg gehad om by die Aardklop Kunstefees in Oktober verlede jaar vir oulaas met hom te praat oor sy boek. Hy het ook gepraat oor sy stryd teen kanker. Ons luister weer na die onderhoud.

Sekere gebiede in die land het goeie reënval gehad, maar groot gedeeltes ervaar steeds 'n erge droogte wat die landbousektor ernstig raak. Verskeie inisiatiewe is al in plek gestel om gebiede, in onder andere die Vrystaat, Noordwes en die Noord-Kaap by te staan, maar volgens verskeie kenners sal die droogte verreikende implikasies inhou. Joan-Marie Verhoef doen verslag.

Die Suid-Afrikaanse Weerdiens sê 2015 was die droogste jaar sedert 1904. Hoewel reënval voor 1904 reeds plek-plek gemeet is, is daar nie genoeg inligting uit alle provinsies ingesamel nie. Marlinee Fouche het met Elsa de Jager, 'n bestuurder van klimaatsinligting by die Suid-Afrikaanse Weerdiens, gepraat. Sy sê daar is verskeie metodes om die jaarlikse gemiddelde reënval te meet.

Joghurt en probiotika kan dalk kankerbehandeling verbeter, luidens die jongste navorsing van die Universiteit van Chicago. 'n Navorsingsgenoot by die Universiteit Stellenbosch, dr. Carl Albrecht, vertel dat navorsing oor die waarde van joghurt geensins nuut is nie, maar dat die nuwe bevindige selfs die navorsers verstom het.

'n Waansinnige interpretasie van eskatologiese tekste in die Koran is ISIS se dryfveer. Dis die mening van die Moslemteoloog en akademikus Farid Esack. Hy het aan Izak du Plessis gesê dit is 'n ideologie wat nie deur die meerderheid Moslems ondersteun word nie.

Talle predikante in die NG kerk is gay, in weerwil van hulle kerkrade se teenkanting. Dis die mening van 'n pastorale berader van Pretoria. Marietjie van Loggerenberg wat in die pastorale berading van gays spesialiseer, het gereageer op die jongste nuus dat die NG Kerk 'n radikale ommekeer kan maak oor sy besluit om gays ten volle in die kerk te aanvaar. Van Loggerenberg het aan Izak du Plessis ge...

Weens die droeër as normale winter en swak reënval, sal daar na verwagting 'n kleiner wyndruif-oes in 2016 wees. Francois Viljoen, verbonde aan die wynprodusente-organisasie VINPRO, sê die oes kan nog verbeter, indien daar nou goeie reënval is.

Die Britse wiskundige, George Boole, word vandag vereer deur Google se Doodle. Dit sou vandag Boole se 200ste verjaarsdag gewees het. Maar wie is George Boole? Melissa Tighy het met prof. Johan Engelbrecht van die Universiteit van Pretoria en uitvoerende direkteur van die Suid-Afrikaanse Wiskundestigting gepraat.

Joey Rasdien oor mense se verwysingsraamwerke

Swartruggens 'n raskookpot oor water -2

Swartruggens 'n raskookpot oor water -1

Geteisterde advokaat wend haar tot media

40 nuwe voëlspesies nou kritiek bedreig