Spektrum

Die F.W. de Klerk Stigting sê die uitlating van die bruin stem in die DA se top leierskapstruktuur, het 'n strategiese vakuum geskep. Die nuwe party, Unite For Change, sal nie deelneem aan vanjaar se plaaslike regeringsverkiesing nie. 'n Peiling van die Instituut vir Rasseverhoudings wys die meeste Suid-Afrikaners gee nie om watter ras die president is nie, solank die persoon die werk kan doen.

Die Madlanga Kommissie van Ondersoek hoor getuienis oor korrupsie in die Tshwane-metropolisie. Die debat oor 'n nuwe geskiedeniskurrikulum vir skole word heftig. Ouers en die Departement van Onderwys is gewikkel in 'n twis oor meer as 70 bykomende leerlinge by die Swartruggens Gekombineerde Skool in Noordwes.

Daar is meningsverskille en verwarring oor die twee weke lange wapenstilstandooreenkoms tussen die Verenigde State en Iran. Die Vryheidsfront Plus sê nee vir die MK-party se voorgestelde wysiging van artikel 235 van die Grondwet, wat selfbeskikking waarborg. Daar is 63 onopgeloste politieke moorde, dalk as gevolg van die afskaffing van die polisie se politieke moorde-taakspan.

Twee verdagtes in die hof in verband met die ontvoering van 'n 17- en 21-jarige in Randfontein aan Gauteng se Wesrand. Oliepryse daal ná die nuus oor 'n skietstilstand in die Midde-Ooste, maar dit kan die lugvaartbedryf maande vat om te herstel. Die nuwe Amerikaanse ambassadeur, Leo Brozell III, oorhandig saam met ander diplomate sy geloofsbriewe.

'n Nuwe getuie, die hoof van die Tshwane Metropolisie Yolande Faro, verskyn vandag voor die Madlanga-kommissie. Die polisievakbond, SAPU, sê hy sal nie toelaat dat daar 'n heksjag op sy lede uitgevoer word terwyl die ondersoeke na korrupsie in die polisiediens aan die gang is nie. Die DA sê voorbereidings vir sy Federale Kongres in Midrand hierdie naweek, is goed op dreef.

Die ANC se Veteraneliga het sy ontevredenheid uitgespreek met die premier van Gauteng, Panyaza Lesufi, se aanstelling van ’n EFF-lid in sy provinsiale kabinet. E-taxi-dienste maak beswaar teen nuwe regulasies wat passasiers beskerm. Die soektog na agt ontsnaptes in Maluti in die Oos-Kaap gaan voort. Die militêre leier van Burkina Faso, Ibrahim Traoré, sê demokrasie in nié vir hulle nie.

Wye reaksie op die skommeling van Gauteng se kabinet. Die Nasionale Instituut vir Oordraagbare Siektes moedig Suid-Afrikaners aan om hulle teen griep te laat inent. Wetstoepassers word in verskeie provinsies op hoofroetes ontplooi op die vooraand van die Paasnaweek.

Die Weermag word op die Kaapse Vlakte ontplooi. Byna die helfte van die land se munisipale afvalwaterstelsels is in 'n kritieke toestand. China wil 'n vredesooreenkoms tussen Amerika, Israel en Iran, bemiddel.

Die president stel 'n ambiseuse teiken om buitelandse beleggings na die land te lok. Die DA vra vir 'n dringende debat oor die dreigende brandstofkrisis. Agttienduisend nuwe werksgleenthede is in die laaste kwartaal van 2025 geskep.

Thabo Mbeki en Jacob Zuma loop 'n bloutjie in die hof. Statistieke Suid-Afrika se stelsel word deur kuberkrakers binnegedring. Die 30ste Klein Karoo Nasionale Kunstefees lok duisende mense na Oudtshoorn in die Wes-Kaap.

Frankryk ontken dat hy onder druk van Amerika was om Suid-Afrika se uitnodiging na die G7-beraad in Junie terug te trek. Die waarnemende minister van Polisie, Firoz Cachalia, het harde woorde oor die polisiediens. Die Suid-Afrikaanse Bloeddiens vra mense om voor die Paasnaweek bloed te skenk.

Die DA lê 'n strafregtelike klag oor SETA-wanbestuur van R637-miljoen. 'n Waterskeidinghofsaak oor sosiale media-verslawing. Ekonome verwag dat die repokoers onveranderd sal bly.

Twaalf senior polisiebeamptes in die hof oor 'n tender van R360-miljoen. Afriforum oorweeg die private vervolging van Fikile Mbalula. Sowat die helfte van stemgeregtigde Suid-Afrikaners is nie vir vanjaar se plaaslike regeringsverkiesing geregistreer nie.

Tenderonreëlmatighede in die Tshwane Metropolisie is onder die vergrootglas by die Madlanga-kommissie. Die Appèlhof las dat Eskom die inhoud van sy diesel- en steenkoolkontrakte aan Afriforum bekend maak. Dis 'n tweeman-stryd vir die posisie van DA-leier. Boere in die Tuinroete in die Wes-Kaap ontvang broodnodige droogtehulp.

Die DA wil die Madlanga-kommissie nader oor bewerings van korrupsie in die Tshwane-metro. Die oorskot van al vyf mynwerkers, wat by die Ekapa-myn ondergronds vasgekeer was, is na die oppervlak gebring. Gauteng se departement van gesondheid doen stappe om uitstaande pasiëntgelde te verhaal.

OUTA gaan met Sanral bemiddel oor motoriste se agterstallige e-tolskuld. Statistieke Suid-Afrika sê minder mense trou as tien jaar gelede. 'n WhatsApp-platform rus onderwysers toe met die vaardighede om gehoorverlies onder kinders vroeg te kan identifiseer.

Die parlementêre ad hoc-komitee beweeg na 'n volgende fase in sy werksaamhede. Intussen is die Madlanga-kommissie besig om opspraakwekkende getuienis aan te hoor. Eskom sê sy finansiële posisie is besig om te verbeter met die regering se skuldverligtingshulp.

Die verbruikersinflasiekoers verlangsaam. Die KwaZulu-Natalse polisiekommissaris, Nhlanhla Mkhwanazi, is die laaste getuie om voor die parlementere ad hoc-komitee te getuig. Die Universiteit van Wes-Kaapland bied 'n seminaar aan oor bendegeweld en sosiale disfunksie.

Sakereddingspraktisyns wil die Poskantoor likwideer - ons praat met Mark Barnes, 'n voormalige bestuurshoof. Dis geen grap nie - hengse prysverhogings wag by die pomp op 1 April. President Donald Trump wil Kuba oorneem.

Die ANC beveel aan dat Johannesburg se burgemeester, Dada Morerom herroep word. Kan die Weermag die probleem van onwettige mynbou help oplos? ** Vlugte word geleidelik in Dubai hervat ná ’n hommeltuig-aanval.

Talle vrae oor die Weermag se ontplooiing in woonbuurte. Defend Our Democracy kap die president oor die Sisi Khampepe-kommissie. News24 slaag in sy appèl teen 'n bevinding deur die Pers-ombud oor ‘n artikel oor onteiening.

Die Vryheidsfront Plus sê die Suid-Afrikaanse regering het dalk sy hand oorspeel deur Amerika se ambassadeur, te ontbied. Die lugredery, FlySafair, plaas 'n spesiale heffing op vliegtuigkaartjies. Die nuwe hoof van die NVG, Andy Mothibi, maak sy lys van prioriteite vir sy termyn bekend. Wildehond-toerisme begin posvat.

Brent ru-olie verhandel onder $90 per vat. Die Inligtingsreguleerder nader weer die hof om die publikasie van matriekuitslae in die media te betwis. Meer as 500 weermaglede sal in Gauteng ontplooi word, om onwettige mynboubedrywighede te bestry.

Die ANC in Kaapstad eis dat die polisie se politieke moorde-taakspan die dood van die wyksraadslid, Lazola Gungxe, ondersoek. Koeberg se noodplan is verouderd en werk nie behoorlik nie, sê 'n kenner. Iran en Amerika handhaaf albei steeds 'n ongenaakbare houding teenoor mekaar.

Die parlementêre sekretaris, Xolile George, se platinum-salarisverhoging van sowat R 2 000 000 laat steeds mense se oë rek. Groot brandstofskokke word verwag weens die Iran-oorlog. 'n Maand later het niemand skynbaar 'n idee presies waar en hoe die Weermag ontplooi sal word nie.