Spektrum

Ons kry reaksie op die besluit om die voormalige premier van Noordwes, Supra Mahumapelo, se skorsing terug te trek. Die konsepbelastingwet maak vergunning vir mense wat van die huis af werk. Ons kry reaksie op die uitslae van die opname oor die elektrisiteit-, gas- en waterbedryf van 2019.

Hewige reaksie oor die tydelike terugtrek van die groenskrif oor die pensioenplan. Kommer oor die groot aantal amptenare wat onwettig met die staat sake doen. Nog medaljes vir Suid-Afrika by die Paralimpiese Spele.

Moet skool- en tersiêre opleiding verleng word? Ons praat met 'n kenner. 'n Bekende fluitspeler vermom haarself om haar gesteelde instrument terug te kry. Gemengde brandstofprysnuus vir motoriste. 'n Vrou skenk haar oorlede man se trekklavier ná Lukas du Preez se storie van hoop.

Vrae oor inkonsekwente optrede teen regeringslui. Ons praat met 'n politieke ontleder. Oproepe dat elke maand Vrouemaand moet wees. Ons praat met Lukas du Preez, die trekklavierman wat ná sy vrou se dood, ander Covid-pasiënte bemoedig met sy musiek.

Nadat hy mintens twaalf hospitale in die Wes-Kaap besoek het met sy boodskap van hoop, gaan die trekklavier-man, Lukas du Preez, nou tyd maak vir sy eie helingsproses. Du Preez se vrou, Marinda, is twee weke gelede dood aan Covid-19. Hy het gereeld voor haar hospitaalvenster op sy trekklavier musiek gemaak om haar aan te moedig, en het na haar dood besluit dis die beste manier om hulde te bring aa...

Sewe verdagtes word vasgetrek in verband met die sluipmoordaanval op Babita Deokaran. Motoriste word weer uitstel gegee om hulle bestuurderslisensies te hernu. Die ANC en UDM wend hulle na die Kieshof oor registrasieprobleme vir kandidate in die komende plaaslike verkiesing. NERSA het 'n voorstel oor kernkragopwekking goedgekeur - ons kry duidelikheid oor wat dit vir die land beteken.

Kringtelevisiekameras was glo afgeskakel tydens 'n sluipmoordaanval vandeesweek op 'n fluitjieblaser. Inwoners is bekommerd oor die impak van nog 'n chemiese brand in Durban. Jongmense moedig mekaar aan om die Covid-19-inenting te kry.

Een van die deelnemers wat by vanjaar se paralimpiese spele uitgeblink het, is Irmgard Bensusan. Sy is in Suid-Afrika gebore en getoeë, maar sy het Duitsland verteenwoordig in die vroue 100 meter en 200 meter. Sy het haar leuse, "ek sal hulle wys," met Marlinée Fouché gedeel na die openingseremonie. Hierna het sy twee silwer medaljes losgehardloop. Foto: Verskaf

Skerp vrae word gevra oor die polisie se agterstand met DNS-toetse. Soldate in KwaZulu-Natal ly honger. Daar is 'n beduidende toename in vals begrafniseise.

Sowat 48,000 kandidate en meer as 110 politieke partye registreer vir die munisipale verkiesings. Nog 'n geval van dieremishandeling - die keer op 'n leeuplaas in die Vrystaat. Die Paralimpiese Spele begin in Tokio.

Vandag is die laaste dag vir politieke partye om kandidaatlyste by die Verkiesingskommissie in te dien. Die polisie is op 'n hoë gereedheidsgrondslag om enige beplande onluste te kan hanteer. Vragmotorbestuurders sê intussen hulle wil nie 'n herhaling van Julie se onluste sien nie. 'n Infeksiekenner meen 'n vierde golf van Covid-19 is onafwendbaar, al word mense ingeënt.

Eskom sê hy moet na ander kragopwekkingsmetodes as steenkool begin kyk, maar wie sal uiteindelik daarvoor moet betaal? Die Verkiesingskommissie sê dit is nie moontlik om teen 1 November vanjaar 'n vry, regverdig en veilige verkiesing te hou nie. Ons skyn die kollig op 'n kwessie wat min mense van weet - die stropery van reuse rogvisse.

Hewige reaksie volg op 'n voorstel dat Suid-Afrikaners nóg geld aan 'n regeringsfonds moet betaal. Ons kyk na die voor- en nadele hiervan. Die kongste statistiek oor jong meisies in Gauteng wat geboorte skenk, skok. Agtien gebiede in Kwazulu-Natal is onder kwarantyn geplaas weens die uitbreek van bek-en-klouseer. Die Parlement is tans besig met die proses om die Nasionale Vergadering se nuwe Speak...

Die jaar-op-jaar verbruikersinflasiekoers daal tot 4,6%. Gautengse motoriste met agterstallige rybewyse sukkel om afsprake te kry om hulle lisensies teen einde Augustus te hernu. Die departement van gesondheid sê hy was nie bewus daarvan dat Suid-Afrika en die VSA meer vir entstof betaal as die Europese Unie nie.

Nuwe parlementere reëls word bespreek om ministers vas te vat wat nie hulle werk doen nie. Die Aspen farmaseutiese maatskappy beantwoord vrae oor Covid-entstowwe wat hier vervaardig word, maar na Europa gestuur word. Die ontplooiing van soldate in die binneland word verleng. Ons ondersoek berigte dat mense weens die Covid-19-entstof gesterf het.

Die negende herdenking van die Marikana-tragedie vind vandag plaas. Vakbonde sê geregtigheid vir die slagoffers sal nooit geskied nie. Ons kyk na hoe die gebeure ons nege jaar later op verskeie vlakke steeds raak. Eskom sê hy beplan geen beurtkrag ná die ontploffing by Medupi. Die Afrikaanse Taalraad sê Maties se tweede konsep op sy hersiene taalbeleid het steeds leemtes.

Nege miljoen dosisse Covid-19-entstof is al in Suid-Afrika toegedien. Ons kry reaksie op die bewerings dat Jacob Zuma se sogenaamde private weermag betrokke was by die onrus 'n maand gelede. Die Staatskapingskommissie het byna sy werk voltooi - wat kry ons vir die R1-miljard wat daarop spandeer is?

President Cyril Ramaphosa sê die Guptas het sedert 2011 toegang tot die staat geniet. 'n Ontleder gee insig oor die president se getuienis voor die Zondo-kommissie. Waarom is nog geen baasbrein agter tralies ná die onrus in die land 'n maand gelede nie? Die WWF sê die verslag oor klimaatsverandering se boodskap is duidelik: tree nou op!

President Ramaphosa getuig voor die Zondo-kommissie. Hoekom is opposisiepartye so ontevrede met die ANC se keuse vir Speaker? 'n Intensiewe koue front word môre verwag in die Oos- en Wes-Kaap, wat teen Vrydag uitbrei na KwaZulu-Natal.

Die jongste oor die veldbrande in die Noord-Kaap, Vrystaat en Noordwes. Ligflitse word vir die eerste keer vanaf 'n gravitasiekolk waargeneem. 'n Groot prys vir 'n appelbier van Ceres.

Amnestie Internasionaal sê swak dienslewering benadeel veral vroue en kinders. Die jongste verslag oor klimaatsverandering word bekendgemaak. Mediese kenners weerlê mites oor Covid. Behalwe vir 2 vroue, het Suid-Afrika se 185 atlete maar flou gevaar by die Olimpiese Spele in Tokio.

Dit gons nog oor die veranderings wat aan die kabinet gemaak is - ons plaas die fokus op die nuwe ministers van finansies en verdediging. Kommers heers oor die staatsveiligheidsportefeulje wat in die presidentskantoor gesetel is. Die regering gee duidelikheid oor hoeveel die ontplooiing van Suid-Afrikaanse troepe na Mosambiek gaan kos. As jy styf is nadat jy geoefen het, kan rooibostee jou spiere...

Aanwysings van kandidate vir die plaaslike verkiesing gaan voort - wie mag hulself as 'n kandidaat beskikbaar stel? Ons ondersoek die besluitnemingsproses binne die ANC voor 'n kabinetsverandering plaasvind. Die onderwysersvakbond NAPTOSA is ongelukkig met oorvol klasse by skole. Watter struikelblokke kan die Zuma-regspan nog inspan om sy verhoor te vertraag?

Die minister van Polisie, Bheki Cele, beantwoord vrae oor die polisie se traagheid, grondwetlike verantwoordelikheid en die gebeure in Phoenix in Durban. Daar word al hoe meer oor 'n kabinetskommeling bespiegel - die jongste naam in die hoed is dié van die Olimpiese swemmer, Roland Schoeman. Sowat 14,000 wetenskaplikes vra opnuut dat dringende stappe gedoen word om klimaatsverandering die stryd aa...

'n Hoëvlak-afvaardiging van die DA het gebiede in KwaZulu-Natal besoek wat deur die onlangse onluste geraak is. Die Suid-Afrikaanse swemsensasie Tatjana Schoenmaker keer terug na 'n heldeontvangs. Ons praat met haar pa René oor haar prestasies. Ons kyk na die SAUK se plan om werknemers se kommunikasie te monitor: is dit wettig of nie?