Spektrum

Die ANC beoog om teen die hofuitspraak te appeleer, wat die party dwing om besonderhede van sy kaderontlooiingsprogram bekend te maak. Europese leiers vergader oor die kwessie van Oekraïne se lidmaatskap van die Europese Unie. Die Eskom-raad verduidelik sy planne om beurtkrag af te skaal.

Heelwat ontevredenheid oor Suid-Afrika se voorgestelde borgskap van die internasionale sokkerklub, Tottenham Hotspur. Ekhuruleni-metro se hoofsweep bedank kort voor 'n verwagte mosie van wantroue.

Die minister van water en sanitasie sê sy departement hou samesprekings met Randwater ná watertekorte in Gauteng, Vandag, twee jaar gelede, is die demokratiese bewind in Mianmar omvêr gewerp. Die verskyning van 'n beweerde pedofiel in die hof, plaas die klem opnuut op kinders se kwesbaarheid op die internet.

Die ANC maak 'n magdom beloftes na afloop van die naweek se lekgotla, maar hoe haalbaar is dit? Die regerende party vra boonop vir 'n ramptoestand wat die kragkrisis betref. Die waarskuwingsligte flikker vir die land se waterinfrastruktuur.

Regter Pieter Koen onttrek hom aan oudpresident Jacob Zuma se korrupsieverhoor. Johannesburg se nuwe uitvoerende burgemeester, Thapelo Amad, word ingehuldig. Nóg 'n tier wat uit aanhouding ontsnap in Gauteng, laat die wenkbroue lig.

Die Johannesburg Metro sal spoedig weet wie die stad se nuwe burgemeester is. Die ouditeurgeneraal vra vir streng stappe teen beamptes wat vir finansiële wanpraktyke by die Tshwane Metro verantwoordelik is. Kommuniksievakbonde eis dat die SAUK se raad so gou moontlik aangestel word.

Nóg 'n mosie van wantroue wag op Johannesburg se burgemeester, Mhpo Phalatse. Die Appèlhof sê die SAUK se voormalige bedryfshoof, Hlaudi Motsoeneng, moet steeds 'n bonus van R11,5 miljoen aan die korporasie terugbetaal. Duitsland en Amerika stuur tenks Oekraïne toe.

Die DA se optogte na die ANC se kantore in Johannesburg en Kaapstad is onder die soeklig. Suid-Afrikaners word gewaarsku teen swak sonkragstelsels. 'n Skaars RAU kwagga-vul is onlangs op die Vergelengen Wynplaas in Somersetwes gebore.

Die parlement kry nog tyd om die Kieswet te wysig nadat die hof die sperdatum weer eens uitstel. Professors by die Universiteit van Kaapstad wil strate toe oor salarisverhogings. Die Suid-Afrikaanse wynbedryf maak gereed vir 'n moeilike jaar.

Die Russiese minister van buitelandse is in Suid-Afrika. Die president breek sy stilte oor die kragkrisis by ANC byeenkomste in die Vrystaat en Kwazulu-Natal. Ons hoor wat die kragkenner Ted Blom dink van die jongste woelinge in die energiesektor.

Sewe mense in die Noord-Kaap sterf weens hitte-uitputting. Die matrieks van 2022 word geloof vir hulle uitslae, maar is dit die einde van die wêreld as jy nie vandag die uitslag ontvang het waarvoor jy gehoop het nie? Boere in die Noord-Kaap hou 'n trekkeroptog.

Oudpresident Jacob Zuma is in die hooggeregshof in Johannesburg in ‘n poging om president Cyril Ramaphosa privaat te vervolg. Burgerlike organisasies begin regstappe teen die president en die minister van energie vir die kragkrisis. Die Wes-Kaapse premier, Alan Winde, dreig met ’n inter-regeringsdispuut indien die president nie oop kaarte speel wat Eskom betref nie.

Die Onafhanklike Eksamenraad is in sy noppies met die klas van 2022 se matriekuitslae. Die minister van finansies sê by die WEF in Switserland dat die kragkrisis so gou as 2024 onder beheer kan wees, maar kenners is skepties.

AfriForum sleep Eskom hof toe oor die kragvoorsiener se versuim om inligting oor kontrakte bekend te maak. 'n Afskeidsgeskenk van R900,000 aan 'n bevelvoerder in die weermag, laat die wenkbroue lig. 'n Seeskilpad wat een van haar pote verloor, laat haar nie onderkry nie.

Die Hooggeregshof in Johannesburg verhoed oudpresident Jacob Zuma om president Cyril Ramaphosa privaat te vervolg. Daar word toenemend gevra dat Suid-Afrikaners mobiliseer teen die kragkrisis, maar daar is sommiges wat dit bevraagteken. Te midde van dit alles, kanselleer die president sy deelname aan die Wêreld Ekonomiese Forum in Davos.

Suid-Afrikaners is keelvol vir die kragkrisis - ons plaas die kwessie behoorlik onder die soeklig. Die bokswêreld groet ’n legende.

Die departement van onderwys wil 'n taakspan stig om aanvalle op tersiêre instellings te bekamp, maar sal dit help? Facebook-plasings van jou kind se eerste skooldag kan ontaard in jou grootste nagmerrie. Indringer-visspesies help hongersnood verlig.

Ons vra of Suid-Afrikaners werklik weet hoe diep georganiseerde misdaad in die land gewortel is. Die skaduminister van verdediging praat oor SADEK-weermaglede se onseremoniële verbranding van lyke op 'n brandstapel in Mosambiek. Ons kyk hoe die eerste skooldag van 2023 verloop. Die Wêreld Ekonomiese Forum stel sy risikoverslag bekend in aanloop tot volgende week se beraad in Davos, Switserland. Di...

Die DA sê Eskom se André de Ruyter is by die ANC se faksiegevegte betrek, en betaal nou die prys. Die moord op die lyfwag van die visekansellier van die Fort Hare Universiteit dui op 'n nasionale probleem. Misdaad het in die feestyd toegeneem.

Beloftes maak skuld, en daar is baie beloftes gemaak by die ANC se 111-de verjaarsdagvieringe. Veiligheidsmaatreëls in Lichtenburg word opgeskerp in aanloop tot die eerste raadsitting van die Ditsobola Plaaslike Munisipaliteit. Daar is 'n nuwe Covid-variant in die land - moet ons bekommerd wees?

Die familie van die anti-apartheidsaktivis, Imam Abdullah Haron, kry hulle spreekwoordelike dag in die hof. Die Verenigde Nasies se sekretaris-generaal, Antonio Guterres, glo dat 'n vredesverdrag tussen Rusland en Oekraïne binne ’n jaar gesluit kan word. Kinders deel hulle wense met Kersvader.

Cosatu reageer op sy afwesigheid in die ANC se nasionale uitvoerende komitee. Twee mense sterf toe misdadigers 'n bus in Limpopo teiken. Die uitgerekte regsgeding om oudpresident Jacob Zuma uit die tronk te hou, is nog nie verby nie.

Die ANC sê binnekort wie op sy Nasionale Uitvoerende Komitee sal dien. 'n Russiese vragskip het moontlik AK-47-aanvalsgewere na Suid-Afrika vervoer. Die soektog na 'n nuwe Twitter-baas begin.

Cyril Ramaphosa se herverkiesing as president van die ANC ontlok uiteenlopende reaksie. Nederland vra om verskoning vir koloniale wandade, spesifiek die slawehandel.

Cyril Ramaphosa is herverkies as ANC-president. Kritiek teen die ontplooiing van die weermag by kragstasies. Landbou-organisasies maan boere om paraat te bly teen misdadigers tydens feesseisoen.