RSG Kuns

Anmané Eckard van RSG het ‘n kursus by The Market Theatre Laboratory bygewoon. Sy vertel van dié deeltydse dramakursus.

Die Umuzi Kunstefees in Secunda vind van 18 – 27 September plaas. Die organiseerder en bestuurder, Alma Swart, vertel meer.

Cindy Swanepoel gesels oor die vertaalde toneelstuk, Vlindervry.

Zonkie en die Laaste Boomhuis is ‘n eenvrouvertoning deur Cindy Swanepoel. Sy vertel meer oor die stuk vir groot en klein.

Christelle Webb-Joubert gesels met Daniel Ellis van die Du Monye Kunsgalery in Bloemfontein. Hy vertel van die uitstalling, KLEURKIND, wat tans daar te sien is.

Bertolt Brecht se toneelstuk, Baal, word deur die Universiteit Stellenbosch se dramastudente opgevoer. Die regisseur Schalk van der Merwe vertel meer.

Die kunstenaar Theo Paul Vorster vier 20 jaar as linosnee-kunstenaar. Hy vertel van sy tegniek en die uitstalling, The Shape of Passage.

Die Kaapstad Filharmoniese Orkes se lenteseisoen begin op 27 Augustus in Kaapstad se stadsaal. Adriaan Fuchs, bestuurshoof van die orkes, vertel vir Terrance April wat alles verwag kan word.

Die verhoogproduksie van Agatha Christie se speurverhaal, THE MURDER OF ROGER ACKROYD, is op die op die planke by Theatre on the Bay in Kampsbaai. Dit sal binnekort na die Pieter Toerien Teater in Johannesburg verskuif. Terrance April gesels met die akteur Alan Committee.

Christelle Webb-Joubert gesels met Peter Roux, die koorleier van die Stadskoor Tygerberg.

Die kunstenaar en animeerder, Diek Grobler, gesels oor sy uitstalling, Agter die spykergordyn. Hy stal werke uit wat gemaak is met sy speldeskerm.

Dr. Arisa Voges, hoof van die Hugo Lambrechts Musieksentrum, vertel van hulle Concertofees.

Die kunstenaar en kurator, Alex Hamilton, vertel van die nuwe galery, Overberg Contemporary Art, wat op Napier geopen het.

Christelle Webb-Joubert gesels met die 12-jarige akteur, Gideon van Biljon, oor sy rol as Peter Pan.

Saartjie Botha, die feesdirekteur van die Stellenbosch Woordfees, gesels oor 2026 se feesprogram.

Die vroeë lente konsertseisoen van die Johannesburg Filharmoniese Orkes begin op Donderdag 13 Augustus 2026 in die Linder Ouditorium. Terrance April gesels met Magdalena de Vries, voorste perkussiespeler oor die onderskeie konserte.

Die kunstenaar en animeerder, Diek Grobler, vertel van sy uitstalling, Take a leaf from my Book / ‘n Blaadjie uit my Boek.

Cape Ballet Africa bied in Augustus hulle weergawe van SWANEMEER in Johannesburg aan. Terrance April gesels met Debbie Turner, stigter en artistieke direkteur van die geselskap.

La Motte Ateljee se uitstalling, Among The Trees, is te sien tot 18 Oktober 2026. Die kurator, Nina Kruger, en sewe van die kunstenaars vertel wat dit behels.

Die Grenshotel is ‘n nuwe Afrikaanse musiekspel wat op ‘n heel ander manier vervaardig word. Christelle Webb-Joubert gesels met die vervaardiger, Lize Jacobs.

Die toneelstuk, Prima Facie, is te sien in die Kaap, en later vanjaar in Johannesburg. Christelle Webb-Joubert gesels met die klankontwerper, Charl-Johan Lingenfelder.

Aardklop se feesbestuurder, Alexa Strachan, vertel wat op 2026 se program is.

Saartjie Botha, feesdirekteur van die Woordfees, vertel van ‘n nuwe inisiatief, The Perfect Pitch.

Die verhoogstuk, SARAJEVO deur Aimèe Mica Komorowsky, het in 2025 vier Naleditoekennings ontvang. Dit is in Augustus 2026 te sien by Theatre on the Sqaure in Sandton, Johannesburg. Terrance April gesels met die akteur Andre Lötter.

Christelle Webb-Joubert gesels met orrelis Herman Jordaan oor sy konsert einde Julie 2026 by die Odeion. Op die program is werke van Suid-Afrikaanse komponiste wat nie gereeld gehoor word nie.