RSG Kuns

KOFFIEKAN, is ’n produksie by die Woordfees waarin Bach se Koffiekantate gehoor kan word, asook ’n klomp Afrikaanse liedjies waarin koffie voorkom. Vervaardiger en violis Johanna Roos vertel meer.

Lynthia Julies het in 2024 die tragiese gebeure van KINDERLÊ, 'n dorpie in die Noord-Kaap, in haar roman uitgebeeld. Lee-Ann van Rooi het die boek verwerk vir die verhoog. Sy gesels met Terrance April oor die verhaal, asook die uitdagings wat sy as regisseur aangedurf het.

Terrance April gesels met Willem Vogel van Salon Musiek oor die produksie, GABRIEL’S OBOE, wat te sien is by die Woordfees.

Breyten Breytenbach se BOKLIED het jare gelede groot opspraak verwek. Dit is vanjaar weer te sien by die Woordfees. Christelle Webb-Joubert gesels met die regisseur, Marthinus Basson, wat destyds ook die regisseur was.

Christelle Webb-Joubert gesels met Herschelle Benjamin, skrywer van die toneelstuk, JOSHLIN: MEER AS ‘N NAAM, wat te sien is by die Woordfees.

Die tweede RSG Radiodrama-seisoen van 2025 begin 2 Oktober 2025. Estel de Beer, senior vervaardiger en regisseur: mandaat, drama en opvoedkunde, gesels oor die seisoen se hoogtepunte.

Je-ani Swiegelaar vertel van haar eenvrouvertoning, Vier seisoene kind, wat by Aardklop debuteer.

Christelle Webb-Joubert besoek die Pretoria Kunsmuseum. Sy stap saam met kunstenaar Minè Kleynhans deur haar solo-uitstalling. Sy is 2024 se wenner van die Sasol Nuwe Handtekeninge Kunskompetisie.

Terrance April besoek Joburg Ballet. Danè Hurst, artistieke direkteur, en die bestuurshoof, Elroy Fillis-Bell, vertel van hulle lenteseisoen van dans.

Die wenners van die tweejaarlikse Portrait Awards is op 29 Augustus aangekondig. Christelle Webb-Joubert gesels met die wenner, Malik Mani, en met dr. Dineke Orton, een van die beoordelaars.

Christelle Webb-Joubert het die toekenningsgeleentheid van die jaarlikse Sasol Nuwe Handtekeninge-kompetisie by die Pretoria Kunsmuseum bygewoon, waar sy met die onderskeie wenners gesels het.

Marie Vogts van Figure of 8 Dance Theatre vertel van al die produksies waarby hulle betrokke is by vanjaar se Aardklop-kunstefees en die Woordfees. Een van die produksies is WINGS OF LIGHT: DANCE OF AN ANGEL, met musiek gekomponeer deur Mauritz Lotz.

Christelle Webb-Joubert maak ‘n draai by Pierneefskraal in Pretoria. Mede-eienaar Chris de Beer gesels oor die plek waar Pierneef eens gewoon en werk het.

Sanger en kunstenaar Lize Beekman vertel hoe sy per ongeluk ingeskryf het vir die International Wildlife Artist of the Year-kompetisie. Sy is gekies as een van die finaliste. Sy gesels ook oor Melkbos Ateljee 2025.

Terrance April gesels met regisseur Christo Davids oor Athol Fugard se bekende, Boesman en Lena. Dit is te sien by vanjaar se Aardklop-kunstefees en die Woordfees in Stellenbosch.

Die kurator vir visuele kuns by Aardklop 2025, MC Roodt, gesels oor vanjaar se tema, feeskunstenaar en uitstallings.

By Aardklop 2025 word daar hulde gebring aan die ontslape Breyten Breytenbach. Artistieke regisseur Anna Davel vertel van die produksie, BELOFTE VAN VERE.

Terrance April gesels met Francois Combrinck oor Mzansi Chamber Music Collective se opkomende konserte.

Larissa Crafford-Lazarus is ‘n Suid-Afrikaanse aktrise wat tans in Londen woon. Sy vertel vir Christelle Webb-Joubert van die eenvroustuk, A GIRL CALLED OWL, waarin sy binnekort te sien is in Suid-afrika.

Nina Kruger, kurator by La Motte Ateljee, vertel van die uitstalling, WAAR TEKSTURE PRAAT, en verduidelik wat hulle ateljee anders maak as ander galerye.

Christelle Webb-Joubert gesels met die skrywer en vervaardiger, Polyda van Niekerk, oor ‘n nuwe musiekspel, RUTH: THE MUSICAL.

Mozart se DIE TOWERFLUIT word aangebied vir laer- en hoërskoolleerders. Regisseur Elizma Badenhorst vertel meer.

PROOI/PREY is ’n ontstellende toneelstuk oor mensehandel. Christelle Webb-Joubert gesels met die vervaardigers, Johan van der Merwe en Ignatius van Heerden.

Die meeste plaaslike universiteite se musiekdepartemente het toegang tot 'n uitstekende lokaal waar hulle musiek voor 'n gehoor uitgevoer kan word. Dit is ook die geval met die Universiteit Stellenbosch. Terrance April gesels met Vicky Davis, artistieke direkteur van die Endlersaal. oor al hulle bedrywighede.

Die uitstalling, TOOR/BOS, bring visuele kuns en skynrealiteit bymekaar, en neem die kyker op ‘n wonderlike reis. Kurator dr. Dineke Orton verduidelik hoe dit werk.