Monitor

Is die Fase 6-beurtkrag van vandag dieselfde Fase 6 van twee of drie jaar gelede? Boere vra dat kragvermindering op hulle plase toegepas word. Hoe maak ons seker dat kunsmatige intelligensie nie buite beheer raak nie.

Die beweerde meesterbrein agter ’n kinderhandel-en-molesteringsnetwerk, Gerhard Ackerman, hou vol hy is onskuldig. Die Thabo Bester-sage neem die een wending na die ander. Ons vra ’n SAUK-navorser om die nuwe stukkies van die legkaart bymekaar te sit. Die Tshwane-metro wil sy ongebruikte munisipale grond verkoop om die stad se geldsake te help herstel.

Verskeie politieke partye verwelkom die aanstelling van 'n nuwe SAUK-raad. Die president bekragtig veranderinge aan die Wysigingswetsontwerp op Gesinsgeweld. Die Departement van Basiese Onderwys sê daar is 'n afname in die getal leerlinge wat skool voortydig verlaat.

Onafhanklike kandidate sal voortaan aan provinsiale en nasionale verkiesings mag deelneem. Die vrou van die paramedikus wat al ses jaar deur Al Kaïda aangehou word, praat. Aantygings van nepotisme teen die Matie-rektor sal deur 'n komitee ondersoek word.

Die Tshwane-metro kan moontlik onder administrasie geplaas word. Kommer oor die sielkundige impak wat die droogte op boere in die Noord-Kaap het. Die voorsitter van die Afrika Unie Kommissie gaan na Soedan reis om 'n skietstilstand te onderhandel.

Verskeie organisasies wil hof toe gaan ná die bekragtiging van die Wet op Diensbillikheid. Die president wil in die volgende vyf jaar beleggings van R2 000-miljard na Suid-Afrika lok. Die Munisipale Afbakeningsraad oorweeg 'n aansoek om Rustenburg in 'n metropolitaanse munisipaliteit te verander.

Die jongste nuus oor die terugkeur na Suid Afrika van Thabo Bester en Nandipha Magudumana. 'n Vrou wat jare gelede deur Bester geteiken is, vertel van haar noue ontkoming met hom. Hooggeplaastes, sakelui en staatsamptenare van regoor die wêreld is in Sandton, Johannesburgm vir die 5de Suid-Afrikaanse Beleggingskonferensie.

Woede oor die Facebook-verkragter, Thabo Bester, se ontsnapping meer as 'n jaar gelede, is aan die toeneem onder Suid-Afrikaners. Ons berig oor twee beskuldigdes wat intussen in die hof verskyn het in verband met Bester se ontsnapping, en nog arrestasies word in die saak verwag. Planne om die ou duikboot, SAS Assegaai, na sy laaste rusplek te verskuif, is in 'n gevorderde stadium.

Gevalle van Afrika-perdesiekte is aan die toeneem in Gauteng. Onderwysersvakbonde is bekommerd oor die toename in rooftogte by openbare skole. Die Wêreld Gesondheidsorganisasie monitor 'n nuwe subvariant van Covid-19.

'n Misdaadaktivis beweer Thabo Bester het die tronk verskeie kere verlaat voor sy finale ontsnapping in Mei verlede jaar. Ons praat oor verskeie van die vrae oor dié storie, asook die mislukte uitlewering van die Guptas ontstaan. 'n jong Suid-Afrikaner kry die geleentheid om dalk eendag aan die Formule 1-kampioenskap deel te neem.

Die bloeddiens het 'n tekort aan bloedvoorraad vir die O-groep. Hoër fases van beurtkrag kan dalk hierdie winter ingestel word. Frankryk plaas sy hoop op China om Rusland te oorreed om vredesamesprekings met Oekraïne te begin.

Eskom sal wel verantwoording moet doen oor wanbesteding, nadat die regering die kragvoorsiener se vrystelling van sekere bepalings van die Wet op Openbare Finansiële Bestuur voorlopig terugtrek. Die ramptoestand oor die kragkrisis word na minder as twee maande beëindig. Verkeersowerhede regoor die land is slaggereed vir wanneer Paasverkeer toeneem.

'n Spesiale gesamentlike sitting van verskeie parlementêre komitees sal vandag plaasvind oor die vrystel van Eskom om onreëlmatige en verwistende uitgawes te rapporteer. Die voormalige Amerikaanse president, Donald Trump, sê sy vervolging weens die beweerde betaling van omkoopgeld is polities gemotiveer. Australië word die sewende land om Tiktok weens spioenasieoorwegings op regeringsfone te verba...

'n Bykomende R37,4 miljard gaan bestee word aan salarisse vir staatsdiensamptenare. Kommer oor die swak bestuur van Transnet. Finland word vandag amptelik 'n lidland van die Noord-Atlantiese Verdragsorganisasie.

John Steenhuisen word as leier van die DA herverkies, en kom met 'n ambisieuse plan vorendag. Die veteraanjoernalis, Jeremy Gordin, word dood by sy huis in Joahnnesburg aangetref. Die luukse passasierskip, Queen Mary 2, kom vandag in Durban se hawe aan.

'n Skokrentekoersverhoging laat Suid-Afrikaners na hulle asem snak. 'n Nuwe politieke party wil die meer gevestigde partye die stryd aansê in aanstaande jaar se verkiesing. Ons vra hoeveel waarde sal die minister van elektrisiteit se besoeke aan kragstasies ons werklik bied?

Amerikaanse veghonde verskeur 'n bejaarde vrou in Bonteheuwel in die Wes-Kaap. Rentekoerse word moontlik vandag met 25 basispunte verhoog. China Airlines hervat vlugte na Suid-Afrika.

Die Tshwane-metro het uiteindelik 'n burgemeester. Die Vereniging van Staatsdiensamptenare aanvaar 'n loonverhoging van 7,5%. Humza Yousaf is die nuwe premier van Skotland.

Drie mense word vir ondervraging aangehou in verband met die moord op die kletsrymer, AKA. Die paroolraad sit Vrydag oor die voormalige lemnaelloper, Oscar Pistorius. Vertroue in die kleinhandelsektor daal weens faktore soos inflasie, rentekoerse en beurtkrag.

'n Ugandese joernalis praat oor nuwe, drakoniese wetgewing in haar land. Die Slag van Cuito Cuanavale word herdenk - 'n draaipunt in Suidelike Afrika se geskiedenis. Wat is president Poetin se plan met Russiese kernwapens in Belarus?

BP onttrek sy dienste aan Suid-Afrikaanse lughawens. Die Wes-Kaap stel 'n 15 jaar waterplan bekend om toekomstige droogtes te oorleef. 'n Groep spesiale ateljeegaste vertel hoe hulle skolesport gaan gebruik om kinders in nood te help. Op Wêreld TB-dag ondersoek ons die voorkoms van dié siekte onder diere.

Beurtkrag se impak op selfoonopvangs kos landbou reeds R400 miljoen. 'n Nooddienswerker vertel van die verwoesting wat Sikloon Freddy in Malawi gesaai het. Die inflasiekoers styg tot 7%.

Die Nasionale Vergadering hou vandag 'n debat oor 'n mosie van wantroue in die Speaker. Die DA gaan regstappe teen die regering doen om puttoilette by openbare skole te verwyder. Die jongste navorsing wys dat maatskaplike werkers bedank weens groot werksladings en stres.

Reaksie op die EFF se protesaksie. Hoeveel is daar te vier vandag op Menseregtedag? Oudpresident Donald Trump moontlik vandeesweek in hegtenis geneem.

Die polisie is gereed om moontlike geweld tydens die EFF se betogings te stuit. Openbare sittings word oor die omstrede Bela-wetgewing gehou. Suid-Afrika wil gasheer wees vir vredesamesprekings tussen Rusland en Oekraïne.