Monitor

Die Parlement gee die Nasionale Finansiële Hulpskema vir studente twee weke om uitdagings in sy huidige finansieringsmodel op te los. Navorsing wys 'n toename in Suid-Afrikaners se lewenstevredenheid, ondanks 'n vertrouensbreuk tussen landsburgers en die regering. Owerhede in Johannesburg slaan toe op gekaapte geboue in die middestad.

Eskom bestee miljarde aan diesel vir turbines om noodkrag op te wek. 'n Studie wys gelduitleners gebruik slenters om skuld van leners se salarisse te verhaal. Sakevertroue styg effens in die derde kwartaal. Vroue in Mexiko het nou die reg op aborsie.

'n Rekordverhoging in brandstofpryse. Noord-Korea beplan om wapens aan Moskou te verskaf. Ons skakel oor na Pretoria, waar die span by TLU-SA se jaarkongres uitsaai.

Die Appèlhof beslis die ANC moet sy kaderontplooiingsrekords aan die DA oorhandig. Die Gautengse onderwysdepartement begin met die plasing van leerlinge vir die 2024 skooljaar. Politieke partye reageer op die verslag oor die Russiese vragskip, Lady R. 'n Studie bevind dat die bedryfsprobleme by Transnet die land se ekonomie daagliks R1 miljard kos.

'n Onafhanklike paneel bevind dat geen wapens op die Russiese skip Lady R gelaai is nie. Brande woed in die Vrystaat. Die Kill the Boer-saak sal vandag in die Appèlhof aangehoor word.

Die Wes-Kaapse owerheid sluit 'n ooreenkoms met die taxibedryf. Julle het jullle plig versuim, sê oudburgemeester Herman Mashaba oor gister se brand in Johannesburg se middestad. 'n Nuwe algoritme is suksesvol om asteroïedes op te spoor wat die aarde bedreig.

Die omstrede Ace Magashule stig 'n nuwe party. Die Tshwane-metro beplan streng optrede teen stakers. 'n Egpaar wat lewens wil red, reis met 'n omgeboude trok om die aarde met olie van vis-en-skyfie winkels.

Kholeka Gcaleka is benoem om die nuwe Openbare Beskermer te wees, maar nie almal stem daarmee saam nie. Die Menseregtekommissie ondersoek die rioolprobleme in Kimberley. Kommer oor riool wat in die Seekoeivlei-natuurreservaat in die Vrystaat vloei. Wysigings aan die Kieswet word in die Konstitusionele Hof betwis.

'n Kritieke tekort aan bloed in die Wes-Kaap. Kommer oor Johannesburg se vuil lug. 'n Huldeblyk aan die akteur, Bradley Olivier.

Die DA wil hê die raad van die Johannesburg Metro moet ontbind word. Boere bereken die skade ná veldbrande in die Vrystaat. Alan Winde staan vir 'n tweede termyn as premier van die Wes-Kaap. Die opposisie in Zimbabwe weier om die verkiesingsuitslag te aanvaar.

'n Tshwane-metro vergadering oor stakende werkers stort in duie. Dwaalkoeëls teister inwoners in die omgewing van die Wespark-begraafplaas in Johannesburg, waar bendeleiers en politieke figure dikwels met die skiet van vuurwapens begrawe word. Een van die slagoffers van die sogenaamde Springs Monster praat oor sy ervaring.

Russiese lugvaart-owerhede bevestig dat die Wagner-hoof op 'n vliegtuig was wat neergestort het. Indië maak geskiedenis met 'n maanlanding. Ons praat met 'n politieke wetenskaplike en 'n ekonoom oor die BRICS-beraad.

Onderhoude word vandag gevoer met kandidate vir die amp van Openbare Beskermer. Die ondersoekende joernalis, Derek Watts, sterf. Stewige groei in die inkomste van restaurante en koffiewinkels. Zimbabwiërs trek vandag kruisies in die algemene verkiesing.

Twee-en-dertig vlieëniers van die Lugmag kon die afgelope twee jaar nie vlieg nie. Opposisiepartye grom oor die Reserwebank se Phala-Phala bevindings. Die Silwerskerm-fees skud sy vere reg.

Kommer oor die groot toename in moorde op polisielede. Meer as 20 lande het aansoek gedoen om by BRICS aan te sluit. Die UDF vier sy 40e bestaansjaar.

Landbou vra dat die minimumloon in toom gehou word. Opposisiepartye by die veelpartykonvensie bereik 'n ooreenkoms oor die verdeling van mag. Ons praat met 'n politieke ontleder hieroor. Meer as 20 000 Kanadese vlug voor verwoestende brande.

Die Solidariteit Navorsingsinstituut sê daar is nie genoeg geld in die fiskus om die Nasionale Gesondheidsversekering te befonds nie. Kommer oor die hoë werkloosheidsyfer, veral onder huiswerkers. Opposisiepartye gaan vandag voort met samesprekings om 'n voorverkiesingsooreenkoms te bereik. 'n Kragkrisis in Lichtenburg het 'n groot impak op die produksie van sonneblomolie.

Verskeie politieke partye is ontevrede met die verklaring van die ANC se nasionale dialoog oor koalisieregerings, en sal dit nie onderteken nie. Intussen vind 'n gesprek onder opposiepartye oor die DA se sogenaamde "moonshot pact" vandag plaas. Die drukgroep, Open Secrets, maak skokbewerings oor die Lady R Russiese vragskip-sage.

OUTA wil hê die Johannesburg Metro moet die verhoging in eiendomswaarde tot nege persent beperk. Die nasionale burgerlike organisasie ISANCO gaan deelneem aan die veelparty-konferensie. Afriforum eis optrede van die Ngwathe plaaslike munisipaliteit oor die rioolbesoedeling in die Vaalrivier. 'n Nuwe Covid-subvariant van belang is besig om wêreldwyd te versprei.

Talle onwettige buitelanders word in polisie-operasies in die middestad van Johannesburg vasgetrek. Die DA stel sy visier op die ANC, maar is dit as bondgenoot of aartsvyand? Niger se militere regering beoog om die afgesette president, Mohammed Bazoum, vir hoogverraad te vervolg.

Wat gebeur noudat Die taxistaking in die Wes-Kaap afgelas is? OUTA hou vol NSFAS het onreëlmatig tenders aan derdeparty-diensverskaffers toegeken. Iran is dalk binnekort 'n lid van die BRICS-groepering.

Julie was die aarde se warmste maand nóg, en die Suidpool se ys het tot sy laagste vlak gekrimp. Boonop sal Suid-Afrika dié somer 'n El Niño-stelsel beleef. Ons praat hieroor met 'n klimatoloog en 'n landbou-ekonoom. Nuwe navorsing beklemtoon die voordele wat stap inhou. 'n Totale aanslag teen dwelmhandel in Suid- en Sentraal-Amerika.

Hongersnood blyk 'n dringende probleem in die Oos-Kaap te wees, nadat 'n ma haar drie dogters en haarself om die lewe gebring het. 'n Ooreenkoms oor taxigeweld teen busse word in die Oos-Kaap bereik. Ons praat oor die politieke dimensie van die taxistakng in die Wes-Kaap.

Kaapstad kry 'n interdik teen die taxibedryf. Kommer oor ’n toename in plaasmoorde. Die Wêreldbeker Springbokgroep word vandag bekendgemaak.

Die taxistaking in Kaapstad gaan voort nadat gesprekke tussen SANTACO en die Wes-Kaapse regering misluk. Politieke partye besluit op 'n raamwerk om koalisies te bestuur. Onwettige mynwerkers en die Johannesburg metropolisie raak slaags aan die Wes-Rand.