Monitor

Nóg 'n kind wreed aangerand. Ons bespreek die omstrede podsending wat aanstootlike opmerkings teenoor Bruinmense gemaak het. Ons praat met 'n onderwyskenner oor die nuwe BELA-regulasies wat pas in die staatskoerant gepubliseer is vir openbare kommentaar.

Die geskorste bestuurshoof van die Onafhanklike Ontwikkelingstrust is nog dieper in die sop nadat sy glo 'n joernalis probeer omkoop. Die ANC gaan sy RNE-vennote raadpleeg oor die beplande uitbreiding van dié koalisie. Die polisiehoofde van Lesotho en Suid-Afrika onderneem om verdere ondersoek in te stel na beweerde onwettige militêre kampe op Vrystaatse plase.

Opposisiepartye betreur die verkiesing van 'n ANC-parlementslid as voorsitter van die Mkhwanazi ad hoc-komitee. 'n Verbod op wapens kelder Amerikaanse deelname aan 'n militêre oefening in Suid-Afrika. Die departement van Binnelandse Sake reik 'n identiteitsdokument aan 'n staatslose persoon uit ná groot druk van 'n oudregter.

Die regering voorspel dat 30 000 werksgeleetnhede in gedrang is weens Amerika se nuwe invoertariewe. Die ANC sê hy is bekommerd oor die SAKP se besluit om onafhanklik aan die munisipale verkiesing deel te neem. Die Newclare-gemeenskap eis dat borgtog geweier word aan die beskuldigdes wat 'n kleuter aangemoedig het om 'n dwelmmiddel te rook. En die tweede fase van die Aarto-wetgewing tree op 1 Dese...

Die ANC is bekommerd oor die SAKP se besluit om onder sy eie vaandel aan volgende jaar se munisipale verkiesings deel te neem. Die polisie in Gauteng slaan toe op misdaadsindikate in twee provinsies. Die stadsaal in Kaapstad se kloktoring is na 15 jaar weer herstel.

Amerika se nuwe handelstarief tree amptelik in werking - ons praat met die wynbedryf wat sê hulle gaan swaar getref word. Die Reserwebank voorspel dat die gemiddelde inflasiekoers teen 2027 op 3% sal staan. Die parlement se etiekkomitee beboet adjunkpresident Paul Mashatile vir sy versuim om 'n diamant van Louis Liebenberg te verklaar.

Werknemers van die studentehulpskema, NSFAS, praat oor hulle griewe voor die deure van die parlement. Die Konstitusionele Hof hoor dat dit onwettig van president Cyril Ramaphosa was om polisieminister Senzo Mchunu op verlof te plaas. Die spertyd vir die implementering van tariewe deur Amerika kom al hoe nader. Die groot tsoenami-waarskuwing in die Stille Oseaan word op baie plekke gekanselleer. Na...

Minister Dean Macpherson vra die Valke om in te gryp by ongerymdhede van R800-miljoen by die Onafhanklike Ontwikkelingstrust. Adjunkpresident Paul Mashatile is in die kollig nadat hy eiendom van byna R66-miljoen verklaar. Bied Suid-Afrika genoeg aan die VSA om op 1 Augustus 'n 30%-handelstarief af te weer?

Die Madlanga-kommissie van ondersoek na kriminaliteit, politieke inmenging en korrupsie in die strafregstelsel se eerste mediakonferensie word verwelkom. Verskeie munisipaliteite in die Vrystaat word deur onreëlmatighede gekenmerk. 'n Konferensie begin in New York oor ’n tweestaat-oplossing vir die Palestyne en Israel.

Vrystaat Landbou reageer op gerugte dat Lesotho-burgers grond naby die grens wil gryp. Noodvoorraad word ná maande uiteindelik na Gasa deurgelaat. Boland skok die Cheetahs.

Afslaers sê daar kleef 'n stigma aan die Gupta-huise in Johannesburg, want net een van drie eiendomme is gister verkoop. Hoe groot is die druk van binne die ANC om van die DA as 'n RNE-vennoot ontslae te raak? 'n Kenner sê moontlike sanksies teen ANC-politici sal nie noodwendig alle Suid-Afrikaners benadeel nie. Nadat die enkele Knysna-olifant in die Tuinroetestreek van die Wes-Kaap onlangs waarge...

Die Toedelingswetsontwerp word in die Nasionale Vergadering goedgekeur. Die Wes-Kaapse landbousektor wag in spanning op die 30%-tarief wat op 1 Augustus deur die VSA ingestel word. Ons praat hieroor met die bestuurshoof van Agri Wes-Kaap. Die VSA is 'n tree nader om sanksies teen die ANC-leierskap in te stel.

Die MK-party dien 'n mosie van wantroue in teen president Cyril Ramaphosa. Die Nasionale Vergadering moet besluit oor die stigting van ’n ad hoc-komitee om Nhlanhla Mkhwanazi se bewerings te ondersoek. Inwoners van Welverdiend in Gauteng is al amper vier weke sonder krag. 'n Peiling wys Suid-Afrikaners stres minder oor hulle finansies as twee jaar gelede.

Reaksie op die Minister van Hoër Onderwys en Opleiding se afdanking. Wie is die nuwe minister, Buti Manamela? Die seëvierende Junior Bokke trots terugverwelkom. Vandag, op Wêreld Breindag, is die vinnige toename in demensie-gevalle onder die soeklig. Ons praat met 'n neuroloog.

Flysafair-vlieëniers verbonde aan die vakbond, Solidariteit, begin vandag met 'n tweeweeklange staking. Die regering onderneem om die nodige hervormings in te stel om soortgelyke tragedies soos die George-gebouramp, te voorkom. Leefstyloudits op senior staatsamptenare is in die kollig. Japan se regerende party verloor sy meerderheid in die Huis van Verteenwoordigers.

FlySafair tref voorsorgmaatreels ter voorbereiding van 'n dreigende staking deur vlieëniers. Ons praat met die medevoorsitter van die groep van vooraanstaande persone, dr. Roelf Meyer, wat die Nasionale Dialoog sal lei. Op Mandela-dag praat ons oor leierskap, spesifiek verantwoordelike leierskap, of die gebrek daaraan.

Die SAUK se nuusdiens is vandag 75 jaar oud. Joernaliste wat oor die jare by Monitor gewerk het, vertel hulle staaltjies. Hoe het die medialandskap - en spesifiek die SAUK - die afgelope 75 jaar verander?

Die inkomende waarnemende minister van polisie, professor Firoz Cachalia, sê hy is opgewasse vir die taak. Die OVK se verslag oor 2024 se algemene verkiesing is onder die vergrootglas. Bitcoin groei sterk terwyl Amerikaanse wetmakers nuwe kriptowetgewing oorweeg. Kry Suid-Afrikaners waarde uit die sektorale onderwys- en opleidingsowerhede? President Donald Trump las 'n ondersoek na onbillike hande...

Gemengde reaksie op die kommissie van ondersoek wat bewerings van korrupsie in die polisiediens sal ondersoek, en ander optrede wat deur die president aangekondig is. Vissers langs die Weskus is ongelukkig oor visvangregte. President Donald Trump stel 'n ultimatum aan Rusland.

Die president stel 'n kommissie van ondersoek aan om bewerings van korrupsie in die polisiediens te ondersoek. Die parlement se komitee oor gesondheid wil hê mediese skemas, wat glo diskrimineer teen swart gesondheidspraktisyns, moet vervolg word. SAUK Nuus vier sy 75ste bestaansjaar – ons fokus op die bekende nuusleser, Riaan Cruywagen.

Die regbank beskou bewerings van korrupsie onder regters en landdroste in 'n baie ernstige lig. Die Department van Maatskapile Ontwikkeling beweeg 'n stappie nader aan 'n basiese inkomstetoelaag. Militêre veterane wend hulle na die konstitusionele hof weens die versuim van die regering om pensioene uit te betaal.

'n Hofgeding teen 'n verordening van die Johannesburg Metro, wat die registrasie van private kringtelevisiekameras vereis. Drie parlementêre komitees sal die bewerings deur die KwaZulu-Natalse polisiekommissaris, Nhlanhla Mkwanazi, ondersoek. Buitelandse beleggers verkoop steeds elke maand miljarde rand se Suid-Afrikaanse aandele.

Verskeie partye in die parlement is bekommerd oor hoe die land sy skuld bestuur. 'n Durbanse skoolbusbestuurder kry borgtog ná skote gevuur is by die stigting van 'n ActionSA-tak. Hoe moet Suid-Afrika te werk gaan om ’n doeltreffende en vertroubare polisiediens te weeg te bring?

Die president sê die KwaZulu-Natalse polisiekommisaris se bewerings teen senior polisiebeamptes en die minister sal deeglik ondersoek word. Buitelandse burgers se toegang tot openbare gesondheidsorg is in die kollig. BRICS ontken dat sy beleid anti-Amerikaans is.

Senior polisiebeamptes se twis oor beweerde politieke inmenging betrek selfs die Minister van Polisie. Stormweer eis sy tol van informele nedersettings in Kaapstad, soos Vygieskraal, Gugulethu, Mfuleni, Khayelitsha, Du Noon and Athlone. Die eerste intreegesprek vir die Nasionale Dialoog word by Noordwes-Universiteit gehou.