Driesestig

André Cilliers vertel van skole se betrokkenheid in hulle gemeenskap aan die hand van Primêre Skool Worcester se projekte.

Moeilike tye lê voor vir die natuurbewaring van die Wildekus indien tradisionele leiers nié by die bewaringspogings ingesluit word nie. Dr. Div de Villiers, hoof van die Groen Skerpioene in die Oos-Kaap en nagenoeg 38 jaar 'n natuurbewaringsbeampte, het tot dié gevolgtrekking gekom in sy doktorale navorsing oor natuurbewaring aan die Wildekus. Mariska Spoormaker het met hom gepraat.

Liza du Plessis vertel vir Johan Rademan en Martelize Brink van 'n platform vir kortfilms om rolprentmakers te ondersteun.

Ouma Rosie, Kariega se turksvykoningin, het afgetree. Genadiglik nie van die turksvykookpotte nie, maar wel van haar loopbaan by die Uitenhage Historiese Museum. Sy is die 65-jarige Rosie Mtyingizane, wat benewens haar turksvykookkuns, ook dekades lank ‘n gids was by die Cuyler Plaasmuseum. Mariska Spoormaker het met haar in haar huis in KwaNobuhle gaan praat.

Jaco Liebenberg vertel vir Martelize Brink dat hy van Kaapstad na Gqeberha stap om die fokus te plaas op mensehandel en -misbruik. Kimble Cockrell vertel hoe die organisasie, STOP, bewusmaking doen oor mensehandel.

Bonnievale is vanjaar 100 jaar oud. Haidee Muller-Isaacs was daar om saam fees te vier.

Chic Mamas het goud gewen by die Eco Logic-toekennings. Hulle het ‘n aanlyn tweedehandse klerewinkel waar klere “reuse, recycle & repurpose” word, en opvoedingsinstansies voordeel trek uit die inkomste wat hulle genereer.

Daar is so baie Suid-Afrikaners wat graag ‘n bydrae wil lewer om werklik ‘n verskil in weerlose gemeenskappe te maak, maar weet nie waar om te begin nie. Die maklikste manier is om betrokke te raak by ‘n kleuterskool in een van hierdie gemeenskappe, sê dr. Sarie Snyders van Isivuno Training in Gqeberha. Sy het aan Mariska Spoormaker verduidelik hoekom Isivuno al jare lank spesifiek kleuterskole by...

Wikus de Swardt vertel vir Martelize Brink wat die voorbereiding vir ‘n Ystermankompetisie behels.

Die Makua Bybel is onlangs in Noord-Mosambiek bekendgestel. Ds. Gerard Olivier van die Oos-Kaap het in die jare negentig met die vertaling negin. Elektroniese ingenieur Jannie Theunissen werk aan ‘n unieke toep wat saam met die Bybel werk. Haidee Muller-Isaacs het by Jannie gaan uitvind van die vertaalproses en sy toepassing.

Henry Mathys vertel vir Martelize Brink van die Wêreld Verantwoordelike Toerisme-toekenning wat die V&A Waterkant ontvang het vir hulle werk tydens die pandemie.

Mia Malan vertel vir Johan Rademan en Martelize Brink van haar werk as wetenskapjoernalis.

Daagliks hoor ons op sakenuusverslae en lees ons in sakeverslae woorde waarmee ons nie vertroud is nie of nie weet wat dit beteken nie. In GeldGids se nuwe reeks, GeldAlfabet, verduidelik ons paneel kundiges die algemeenste sakeverwante woorde, van A tot Z, en die betekenis daarvan. In GeldAlfabet bespreek Eduan Basson, as geregistreerde finansiële beplanner verbonde aan HGG se Welvaart-sake-eenhe...

Avonturier Gaven Stclair vertel vir Johan Rademan en Martelize Brink van sy solopoging om van Gqeberha na Kaapstad te hardloop, om die fokus te plaas op mense wat met kroniese siektes leef.

Kinderhuise word deur die regering befonds, maar in die meeste gevalle net gedeeltelik. Dis hier waar individue en nieregeringsorganisasies help. Dit word egter al hoe moeiliker met die ekonomiese toestand. Arno Diemieniet, Susan Pienaar en hulle span doen jaarliks ‘n fondsinsameling vir twee kinderhuise wat hulle “aangeneem” het. Jacqui January het met hulle gesels.

Party hang aan kabels, ander staan op stelte of pilare. ‘n Brug het ‘n magiese bekoring vir baie motoriste, toeriste en fotograwe. Johan Rademan het met Johan Coetzee, alias Johan Beton van Stucco Italiano, gesels. Hy vertel ‘n storie of wat oor Suid-Afrikanse ingenieursprestasies en van die langste brug ter wêreld, wat 164 km lank is!

Joelinda Dimond praat oor versekering, en wat ouer persone in ag moet neem.

Prof. Lomé Koekemoer gesels praat oor tyd wat die eintlike luukse is.

Danny Pietersen vertel vir Johan Rademan en Martelize Brink van hulle pogings om voedselsekerheid in Atlantis te bevorder.

Johan Rademan gesels met Oudspringbok Errol Tobias, wat die Groen-en-Goud 21 keer oor sy skouers getrek het, waarvan ses toetse was. Errol beleef sy herinneringe van die 1981-meelbomtoer na Nieu-Seeland en die geheime toets in Amerika.

Joernalis en TV-aanbieder Ernusta Maralack vertel vir Haidee Muller-Isaacs hoe sy dit regkry om die spoor van ander se seer te loop, terwyl sy self nog haar eie einas en tekortkominge probeer verwerk. Sy verduidelik ook hoekom haar voete net een paar skoene ken tydens TV-opnames wanneer sy misdaadtonele besoek.

Hennie van Deventer praat oor sy loopbaan as koerantman.

Herman le Roux is ‘n afgetrede veteraanjoernalis, wat as sportskrywer vir Afrikaanse koerante verslag gedoen het, nog voor daar selfone en TV in Suid-Afrika was. Herman is die enigste oorlewende van twee baie spesiale rugbytoere wat hy meegemaak het. Nou in sy 80’s het hy met Johan Rademan oor die spesiale ervaring in sy sportskrywersloopbaan gesels tydens die 1981-meelbomtoerreünie in Stellenbosc...

Almal ken haar as aktrise en komediant. Die vrou op die verhoog. Haidee Muller-Isaacs het gaan koffie drink by Marion Holm, en daar meer gehoor oor haar oorlede ma, Nakkie. Natuurlik het Haidee gekraai van die lag, want Marion is ‘n storieverteller van formaat.

Dr. Rudi Bower, musiekdosent aan die Nelson Mandela Universiteit, was nog op hoërskool toe hy een aand kitaarspel tussen die voorlesings van die gewilde digter Vincent Oliphant se werke moes lewer. Vincent se gedigte het só 'n onverwoesbare indruk op Rudi gemaak dat hy vandag, jare later, 'n sangsiklus, gebaseer op die werk van Vincent Oliphant, gekomponeer en die Baaise mezzosopraan, Lucretia Sik...