Driesestig

Daagliks hoor ons op sakenuusverslae en lees ons in sakeverslae woorde waarmee ons nie vertroud is nie of nie weet wat dit beteken nie. In GeldGids se reeks, GeldAlfabet, verduidelik ons paneel kundiges die algemeenste sakeverwante woorde, van A tot Z, en die betekenis daarvan. Geldverwante begrippe wat onder die letter T val, word bespreek deur Eduan Basson en Hannes Bester van HGG se Welvaart-sa...

Die Sentech-toring in Brixton, Johannesburg, se konstruksie is in 1962 voltooi. Dis die tweede hoogste toring in die Goudstad, met ‘n hoogte van 240 meter. Dit huisves verskeie televisie- en radio-antennas, wat onder meer RSG se sein versprei. Jaap Lourens, ondersoekbeampte van Sentech, neem Elsje van Jaarsveld op in die toring tot bo, waar daar ‘n uitsonderlike uitsig oor Johannesburg is.

Alex Coetzee gesels met Johan Rademan en Martelize Brink oor hoe hy sy loopbane as kunstenaar en argitek balanseer.

Haidee Muller-Isaacs is gaande daaroor om ander se stories vertel. Sy maak ‘n draai by Tessa van der Spuy, ‘n voormalige Afrikaans-onnie wat navorsing oor storievertel gedoen het. Hoekom is dit belangrik dat ons stories móét vertel?

Carmen Stevens vertel vir Johan Rademan en Martelize Brink van die 1659-Toekenning vir Visionêre Leierskap wat sy vir haar werk in die wynbedryf ontvang het.

Haidee Muller-Isaacs gesels met klavierstemmer Werner Stolze. Hy versamel klaviere want dit is vir hom mooi, maar hy kan nie klavierspeel nie! Jy kan egter niks vir Werner vertel van hoe ‘n klavier moet klink nie.

Die George Ou Motorskou is vanjaar ‘n kwarteeu oud. Leonare Fick, die weduwee van die stigter, Paul, vertel staaltjies van die skou oor die dekades.

Daar word baie gepraat van trooshonde en sekuriteitshonde, maar wanneer is dit regtig so? Aan watter vereistes moet die hond en sy hanteerder voldoen? Mariska Spoormaker praat hieroor met Beverley Rademeyr, ‘n inspekteur by die Animal Anti Cruelty League in die Baai.

Luisa le Roux en Kirstin Bengtson vertel vir Johan Rademan en Martelize Brink van die Bergzicht Opleidingsentrum wat gratis opleiding aan werkloses gee. Die sentrum is vanjaar 30 jaar oud.

Lynette Kamineth vertel van Veiliger Internetdag wat op 8 Februarie gevier word.

Die bemagtiging van vroue is al redelik gevestig is Suid-Afrika. Dit bly egter ‘n inspirasie om te hoor van vroue wat hulle mooi vroueskoene vir veiligheidstewels verruil, en ‘n groot verskil en sukses daarvan maak. Jacqui January vertel van ‘n vrou wat in die mynbedryf haar merk gemaak het.

Nadine Blom praat oor spelifikasie om kinders in ‘n aanlynomgewing beter te laat leer.

Liza Mostert van die Nasionale Seereddingsinstituut vertel vir Martelize Brink van die belastingaftrekkings wat jy kry met skenkings aan geregistreerde niewinsgewende organisasies soos die NSRI.

Ds. Priscilla Botha van Carletonville vertel vir Haidee Muller-Isaacs van haar wittebrood met Koos, 'n ouderling in haar gemeente. Albei het hulle lewensmaats twee jaar gelede aan die dood afgestaan. Moenie laat verlies jou laat vries nie, sê Priscilla.

Met Januarie as die tweede droogste maand in 'n 100 jaar in Nelson Mandelabaai, is die opgaardamme se waterinhoud steeds bedenklik. Verskeie woongebiede het al vir periodes sonder water gesit. Die sink van boorgate en die herstel van lekkasies is van die munisipaliteit se pogings om water te bly voorsien. By die Nottingham-reservoir is ‘n boorgat gesink. Dié water sal direk in die reservoir gepomp...

Pierre de Villiers vertel vir Martelize Brink van die Bergvleiland wat tot Ramsargebied verklaar is.

Charl Edwards gesels met Martelize Brink oor die term, figitaal, en hoe 'n mengsel van die digitale en regte wêreld deur ondernemings aan verbruikers gebied word.

Magdaleen Kruger vertel vir Johan Rademan en Martelize Brink van die 50 jaar vieringe van die RSG program, Loof die Here.

Die eerste vollengte toneel by Kunstekaap ná Covid is ‘n produksie uit 1995, Love, Valour, Compassion. Die produksie het ‘n Tony-toekenning aan die skrywer, Terrence McNally, besorg. Dit is in 1997 ook as ‘n film vervaardig. Johan Rademan het by Kunstekaap gaan inloer.

Daagliks hoor ons op sakenuusverslae en lees ons in sakeverslae woorde waarmee ons nie vertroud is nie of nie weet wat dit beteken nie. In GeldGids se reeks, GeldAlfabet, verduidelik ons paneel kundiges die algemeenste sakeverwante woorde, van A tot Z, en die betekenis daarvan. Geldverwante begrippe wat onder die letter S val, word bespreek deur Hendrik Gerryts, HHG se bestuurshoof, en Niek van de...

Dr. Mariette Smart vertel vir Johan Rademan en Martelize Brink van die vele gebruike van alge, wat selfs brandstof insluit.

Koos Roets gesels met Johan Rademan en Martelize Brink oor die rolprent wat gemaak word oor Afrika se eerste swaargewig-wêreldkampioen, Gerrie Coetzee.

Alice Krige gesels met Johan Rademan en Martelize Brink oor haar loopbaan as internasionale aktrise.

Dr. Marieka Gryzenhout gesels oor wilde sampioene en swambewaring.

Jill Lievenberg en Carryn-Ann Nel gesels met Johan Rademan en Martelize Brink oor liggaamspositiwiteit.