Día a Día

A Federación pola Igualdade das Mulleres da provincia de Pontevedra, FEMUPO, desenvolve dous proxectos destinados á formación e apoio a mulleres no mercado de traballo e tamén no manexo profesional de drons. Son "FEMUPO contigo" e "Ás". Sobre ambas iniciativas conversamos hoxe con Pilar Gregores, membro de FEMUPO.

Hoxe, 12 de maio, conmemórase o Día Mundial da Fibromialxia, unha enfermidade crónica que produce dor musculoesquelético xeralizado cunha hipersensibilidade esaxerada. Unha doenza con diagnóstico complicado. Hoxe conversamos con Josefa Rodríguez e Esperanza Martínez, secretaria e tesoureira da Asociación de Fibromialxia do Baixo Miño (respectivamente).

No programa especial Play Doc, hoxe compartimos impresións con catro persoas que acudiron como público á proxección das catro curtametraxes da Competición Galicia nesta tarde de sábado. Falamos con Elena, Ínsua, Claudia e Xoán.

Mañá domingo proxectaranse as sete pezas realizadas polas persoas participantes no obradoiro de cinema comunitario "A noite en vela", impartido polo cineasta Eloy Domínguez Serén. A proxección será ás 11 h no Teatro Municipal.

Hoxe sábado proxectáronse en Play Doc catro curtametraxes que entran este ano na Competición Galicia. Hoxe, no programa especial Play Doc, conversamos cos seus directores e directoras: Carmen Méndez, directora de "Pura"; Alba Domínguez e Nuria Vil, de "Delincuente"; Fran Rodríguez, de "Patios de luz"; e Luis Morla, de "O costume do traballo".

Con Beli Martínez, productora e programadora, abordamos no especial Play Doc a situación actual do cinema galego e a evolución que experimentou nos últimos anos. Tamén nos contou en que está a traballar nestes momentos.

O alcalde de Tui, Enrique Cabaleiro, sinalou no Especial Play Doc, o compromiso da institución municipal co festival de cinema, que contribúe á internacionalización da cidade, á promoción do patrimonio e do propio municipio. Salienta Enrique Cabaleiro que Play Doc é un dos grandes festivais de cinema.

María Yañez, Xacio Baño e Fon Cortizo presenta en Play Doc un avance dos proxectos nos que están a traballar, "Kiro", "Despois das cidades" e "Notas entre Silencios", respectivamente. No especial Play Doc contáronnos en que momento están eses proxectos, en fases moi distintas, que presentan en Coming Soon.

Brais Romero é o productor de “Sepárasche moito”, a ópera prima da cineasta ourensá Paula Veleiro. Con el falamos no especial Play Doc.

Michael Wahrmann, cineasta, productor e diseñador gráfico, é un dos membros do xurado de Competición Galega xunto a Ana Domínguez e Silvia Fuente. Con el falamos do papel do xurado e das películas galegas que optan ao premio de Play Doc este ano.

As retrospectivas dedicadas a Michael Roemer, Monte Hellman, Elaine May e ao cinema indio a través da Film Heritage Foundation centraron a conversa que no especial Play Doc mantivemos con José Manuel Sandre, programador de Cine.

Jesus Silva, director de A Cuarta Parede, estivo no programa especial Play Doc para falarno desta revista dixital que foi pioneira ao editar na crítica cinematográfica en galego.

No especial Play Doc conversamos con Camilo Restrepo, director de "O cuarto de sombras". Con este film, co que participou xa en Ventura, agora compite na Sección Internacional.

A actriz e directora Carmen Méndez presenta en Play Doc a súa primeira curtametraxe, ‘Pura’. Contounos como foi a especial de pórse ao outro lado na cámara, nunha viaxe na que buscou respostas e que foi en certo xeito sanadora. A peza documental é un regreso a casa, un reencontro en moitos sentidos coa súa nai e a súa avoa.

No especial Play Doc da Radio Municipal de Tui conversamos con Sara García, codirectora do festival, sobre estes 21 anos de traxectorias deste evento que cada ano reúne en Tui a destacados directores/as, realizadores, productores e productoras, crítica, público en xeral. Tamén nos contou o que realizan para “rescatar” nas retrospectivas a grandes nomes do cinema documental.

Gilberto Gómez, natural de Crecente, é bispo de Abancay, en Perú, país no que compartiu moitos anos de labor co novo papa, León XIV. Con Gilberto Gómez conversamos hoxe sobre a elección de Robert Francis Prevost Martínez como novo pontífice e sobre o que significa para a comunidade católica.

O CB Tui organiza un verán máis o seu campamento, este ano do 23 ao 28 de xuño, con actividades como sendeirismo, canoas, xogos populares e baloncesto. Hoxe coñecemos os detalles con Javier Niño, coordinador deportivo do club. Amais, conversamos con el sobre o último partido da temporada do equipo senior, que xogará mañá sábado ás 20 h no pavillón municipal de Tui; e facemos balance da temporada.

O equipo senior masculino do Club Balonmán Tui loitará esta fin de semana por ascender a Primeira Autonómica. Mañá sábado, ás 20.00 horas, enfrontaranse ao Reizentolo Lavadores Vigo B na Final a 4 que durante esta fin de semana se disputa no pavillón municipal Gustavo Rodríguez en Tui. Hoxe o presidente do club, Pablo Rodríguez, e o adestrador do equipo senior, Jacobo Gregores, deron todos os deta...

Este domingo comeza o ciclo de andainas saudables organizado pola Eurocidade Tui - Valença. A primeira cita será o Trilho Entre Viñas e Vales, unha caminata de 7 quilómetros que sairá ás 9.00h (hora portuguesa) da Igrexa Ganfei, en Valença. Desta cita e das vindeiras conversamos hoxe con Marina Carvalho, de Celtas do Minho.

Cruz Vermella atendeu a máis de 1329 persoas na comarca do Baixo Miño no pasado ano 2024, coa colaboración de 46 voluntarios activos e o apoio de máis de 800 socios. Estes datos forman parte do balance anual que realiza a institución polo Día Mundial de Cruz Vermella, que se conmemora hoxe 8 de maio. Neli Rodríguez é a responsable de Cruz Vermella no Baixo Miño. Con ela coñecemos máis detalles dos...

O sábado 31 de maio, a partir das 20.00 horas celebrarase "O Latexar de Terras Gauda", na sede da bodega, un evento que fusiona viño, música e arte e que estará presentado pola xornalista Esther Estévez. Begoña Santamaría, responsable de enoturismo de Terras Gauda, deu hoxe todos os detalles desta cita organizada pola bodega.

A xornalista mexicana afinacada en España Laura Martínez, presenta hoxe mércores ás 19.30 h na Sala Félix Rodríguez a súa primeira novela "El baúl de la República". Está inspirada na primeira viaxe que o Sinaia realizou a México e no que ían case 1.600 persoas. Hoxe Laura Martínez contounos que un dos pasaxeiros era o tudense Eugenio Menéndez, anunciaba tamén que esta tarde a presentación traerá u...

Quedan unhas horas para que dea comezo a 21ª Edición do Festival Internacional de Cinema de Tui, Play Doc. Con Ángel Sánchez, codirector do festival conversamos sobre a evolución do festival ao longo destas dúas décadas e das diversas actividades que se desenvolverán durante estas xornadas. O programa do festival ábrese, no Teatro Municipal., ás 20.30 h coa actuación musical de Su Garrido Pombo e...

Co espectáculo musical "Traspielas" e a proxección de "Quieres salir, puedes entrar" de Pablo Villalobos mañá mércores comeza Play Doc 2025. Desta xornada inaugural, dos datos prácticos do festival que ten no Teatro Municipal o seu centro neurálxico, e do protagonismo da música nesta edición, deunos conta hoxe Ángel Sánchez, codirector de Play Doc.

“Bichocas” é o título do espectáculo para a primeira infancia que hoxe chega á Biblioteca Municipal con Xarope Tulú. Esta cita abre a programación Tui en Letras. A actriz, narradora e creadora teatral Atenea García, que forma Xarope Tulú xunto a Nicolás Zamorano, falounos do espectáculo.