Día a Día

O próximo mércores, 11 de febreiro, entrará en vigor a ordenanza reguladora da zona azul con control mediante cámaras de lectura de matrículas. De luns a venres poderase estacionar nalgunha das 150 prazas desta zona, un máximo de 2 horas de 9 a 14 h e de 16 a 21 h. No concello están xa incorporadas ao sistema 300 matrículas de vehículos de veciñanza con garaxes nesta zona. Aquelas persoas con gara...

Hoxe 4 de febreiro conmemórase o Día Mundial contra o Cancro. Con este motivo entrevistamos a Carmen García, coordinadora de Atención ao Paciente e Usuario da Asociación Española Contra o Cancro. Unha asociación que presentou hoxe un novo modelo de atención integral baseado na humanización. Coñecemos con ela os detalles, e tamén cifras e acción no Baixo Miño e provincia de Pontevedra.

Remedios florais, emocións e hábitos de vida centrarán o Taller de Flores de Bach que mañá xoves ás 18 h impartirá o terapeuta Bruno Fernández, do centro Tres catorce. Será con acceso libre no Espazo Sociocultural da rúa Camilo José Cela. Coñecemos os detalles con Bruno Fernández.

Hoxe no noso Espazo Comercio, en colaboración con ACITUI, coñecemos a iniciativa posta en marcha por Sindo de la Fuente, pulpeiro, e Cristina Rey, da cafetaría Entrehoras. A partir deste xoves 5 de febreiro entregarán con cada tapa de polbo unha papeleta. O 15 de marzo sortearán vales de 50 euros para invertir no comercio local de Tui. Coñecemos esta iniciativa con Sindo de la Fuente, Cristina Rey...

A Banda dos Insectos chega este venres ao Teatro Municipal co seu rock en galego para público familiar. A partir das 19 h en concerto interpretarán temas coma "Pasando a bola", "Levanta a cabeza" ou "O ritmo do partido". Forman a banda o tudense Eduardo Cadenas, no baixo e coros; Juan Pérez, na guitarra e coros; Manuel Fernández, en animación, e Adri Salgado, na batería e voz. Con este último fala...

Hoxe en Raíces e vangarda cociñamos lamprea afumada rechea e ensalada de pataca, unha receita do chef Judicael Romero, que cada luns trae consellos prácticos de cociña de raíz con vangarda.

"A voz de Hind" abre as proxeccións do mes de febreiro do Cineclub Tui. Esta será a película que poderemos ver mañá martes, ás 18.30 h e 20.45 h, no Espazo Sociocultural. O martes 10 proxectarán "A sociedade literaria e do pastel de pel de pataca" e o martes 23 "Xogos prohibidos". Así nolo contou hoxe Noemí Guisande do Cineclub Tui.

A Asociación Cultural e Pedagóxica Ponte... nas Ondas! foi escollida como un dos 18 proxectos de salvagarda do patrimonio cultural inmaterial, de entre os 138 admitidos na convocatoria deste ano. É o único proxecto de Galicia seleccionado polo Ministerio de Cultura. Explicounos que significa este paso e como se presenta este 2026 o presidente de Ponte... nas Ondas!, Santi Veloso.

Hoxe venres ás 19 h na sala Nött de Tui preséntase a oferta da viaxe organizada a Uzbekistán pola axencia Planstur Tui. Darase a coñecer o itinerario completo, actividades, prezos e condicións. Explicouno hoxe Beatriz Oliveira, de Planstur Tui.

Fin de semana chea de baloncesto a que se abre mañá sábado. Por unha banda, comeza en Vilagarcía de Arousa a Fase de Ascenso á Liga Galega do equipo infantil; e o senior ten cita importante o domingo en Noia. Se o CB Tui vence, clasifícase para a fase de ascenso. Destas e doutras citas conversamos hoxe co coordinador deportivo do club tudense, Javi Niño.

Este domingo día 1 ás 18 h, a Escola de Canto Ponte das Febres ofrecerá un concerto-audición no que participarán 17 alumnos interpretando diferentes estilos, décadas e idiomas. Como novidade interpretarán unha aria. Será na Casa Cultural da Asociación Cultural Xuntanza de Randufe e a entrada é libre e gratuita. Hoxe déronnos os detalles Rafael Pérez e José Manuel Solleiro, da Escola de Canto Ponte...

O programa Vacacións en Paz organizado por Solidariedade Galega co Pobo Saharauí busca familias que este verán poidan acoller a un neno ou nena saharauí. Julio Solleiro, Antonio Rocha, Carmen Agra, contáronnos a súa experiencia como familias acolledoras. E coñecimos tamén a experiencia de Hagetna, que entre 2002 e 2005 foi unha das nenas saharauís que pasou o verán en Tui, onde agora vive.

Os valores democrático e a intelixencia artificial centrarán mañá venres e este sábado o II Congreso de Educación da Eurocidade Tui-Valença. A concelleira de Ensino, Cultura e Mocidade de Tui, Sonsoles Vicente, destacou hoxe a importancia desta cita internacional que reunirá a destacados expertos, e que permitirá tamén coñecer as experiencias que se desenvolven neste territorio transfronteirizo. M...

A IX Semana da Educación de Tomiño abrirase o luns, 9 de febreiro, ás 19 h no Auditorio de Goián coa conferencia “Impacto da tecnoloxía no desenvolvemento cognitivo da infancia e da adolescencia”. Será ofrecida por María Couso, con quen falamos sobre esta cuestión.

O catedrático Miguel Taín ofrecerá hoxe xoves, ás 19.30 h, no Espazo Sociocultural a conferencia “A gran catedral de Tui nos séculos do barroco ( ss. XVII-XVIII)”. Neste evento divulgativo afondará na transcendencia da catedral tudense, na importancia da colección de mobles barrocos, entre outros aspectos destacados do principal templo tudense. Así o explicaba esta mañá. A conferencia forma parte...

Este domingo 1 de febreiro está convocada unha manifestación en Santiago de Compostela por SOS Sanidade Pública, para a que sairán autobuses dende o Baixo Miño. O prezo é de 8 euros e pódese reservar praza no 986 61 04 65. Así nolo explicou hoxe Conchi Martínez, da Plataforma en Defensa da Sanidade Pública de Tui, quen tamén deu información sobre a situación actual do Centro de Saúde de Tui.

A violista tudense Raquel Areal, membro da Orquestra Filarmónica de Berlín, ofrecerá esta semana dous concertos coa Real Filarmonía de Galicia coma solista. O primeiro será mañá xoves ás 20.30 h no Auditorio de Galicia e o segundo o venres ás 20 h no Centro Cultural A Fundación en Vigo. Tamén actuará en Lugo dentro da xira Ecos de Bregoán. Conversamos con ela sobre estas citas en Galicia, a súa ex...

Deporte, turismo, sostibilidade e natureza están presentes en Rías Baixas Ebike, un proxecto de aluguer de bicicletas eléctricas no Baixo Miño e Rías Baixas. Unha iniciativa pensada para o turismo que suma, segundo explicaron dous dos seus creadores, Xoán Amós e Sergio Pérez.

O xacemento das Torres, en Taborda (Tomiño) foi ocupado antes do que inicialmente se pensaba. Este cambio de hipótese é o resultado da intervención arqueolóxica levada a cabo o pasado verán no marco do proxecto Fortalezas da Fronteira, centrado no estudo do sistema defensivo histórico da fronteira do Miño. Coñecemos os detalles coa arqueóloga Rebeca Blanco.

ACITUI organiza a segunda edición de Tui de Tapas para o mes de marzo. Até este sábado ten aberto o prazo de inscrición tanto para establecementos asociados, coma non asociados. Neste último caso deberán aboar unha cota de 50€. É unha iniciativa que busca crear sinerxías entre a hostalería local. O obxectivo que teñen é superar os 19 locais da primeira edición, e catro días de pechar a inscrición...

Hoxe en Raíces e vangarda cociñamos xarda en escabeche, unha receita do chef Judicael Romero, que deu ademais consellos e trucos saudables.

Mañá martes 27 pecha o prazo de inscrición da Laconada que organiza a Comisión do Entroido de Pexegueiro para este domingo 1 de febreiro. Será ás 14 h no Colexio de Pexegueiro e, despois, haberá bingo. Todo organizado coa vista posta no Entroido, que se celebra nesta parroquia o 8 de febreiro. O menú ten un prezo de 20 euros e a inscrición pode realizarse nos teléfonos 669 65 07 20 e 647 29 76 35....

A fotógrafa tomiñesa Pily Reñones é a única pontevedresa que opta aos Premios Goya de Fotografía. Nesta edición está nominada por catro obras, dúas en libre creación e dúas en gráfico documental. A gala dos premios terá lugar o vindeiro 7 de febreiro en Zaragoza. Hoxe valorou estas nominacións no programa Día a día, e avanzou detalles dos seus próximos traballos.

Unha proposta diversa para todos os públicos é a que brindará no mes de febreiro o Teatro Municipal de Tui. Música, danza e teatro centran esta proposta cultura dirixida a todos os público e unha importante aposta polos artistas locais. Así o explicaba hoxe a concelleira de Cultura de Tui, Sonsoles Vicente. A Banda dos Insectos, Jonatan Alvarado e Samuel Diz, Amarelo e Teatro de Ningures serán os...

A escritora tudense Almudena Solana vén de publicar a súa quinta novela “Viaje a la ausencia”, na que transita o dó polo falecemento do seu pai, traballador na antiga alfándega de Tui. Conversamos con ela sobre as incógnitas da vida, as viaxes, a perda dun ser querido e sobre esta quinta novela que xa está dispoñible nas librarías.