Todos os podcast | A tarde

Falamos coa voz do jazz éuskaro, Irati Bilbao, e co grupo que mellor imita a Sinatra: Sinatra & Jobim. Tamén falamos na colaboración A Tribo coa doutora María Salmerón sobre os cativos e cativas e o uso de pantallas. Ademais, propoñémosvos unha nova lectura de ton feminista: 'Irene, a porteira'. E non nos esquecemos de traervos a Miguel López Crespo, especializado en consumo, para fa...

Falamos de lentes de fantasía para disfrazarnos no Samaín e o Colexio de Ópticos deunos moitas advertencias; e tamén comentamos as tendencias nas flores para os cemiterios nestes días. Ademais, charlamos con Laura Veiga, de pingando.gal, das novidades sobre o Satisfayer, ese vibrador para persoas con vaxina. Mentres, o doutor Norberto Proupín, colaborador do programa, falounos de atragoamentos.

Falamos de remedios con herbas naturais das nosas hortas con María Frá e tamén de cando nos mollamos máis ao chover, pero dando unha perspectiva física con Jorge Mira. Falamos do Samaín na época clásica co noso colaborador latinista Xosé Antonio López Silva. Ademais, visitou a Radio Galega Juan del Val para presentarnos a súa nova novela 'Bocabesada'. Tamén tratamos co noso especialista...

Charlamos sobre a nova Barbie que emula a Celia Cruz, das cancelacións en experiencias por mal tempo co colaborador Miguel López Crespo, da Santa Compaña con Francisco Narla, da alimentación dos máis cativos coa colaboradora e xornalista Raquel Rosa, preséntanos Natalia Monje a súa nova novela e falamos de bebés no cine cunha das produtoras de 'O Corno'! Un programa do máis completo!

Que se fertilizantes ecolóxicos, tendencias e zapatos moi bos para o inverno, seguros de coches e todos os seus detalles coa avogada e colaboradora do programa Ana Camiño, problemas nas estradas co colaborador Maxi Pérez e como facer guións coa guionista de éxito Araceli Gonda... non vos chegan os temas para tomar apuntes? Catro horas de temas interesantísimos!

Falamos do idioma chinés con Modesto Corderi. Sobre as dificultades de aprendelo e mesmo como dicir varias cousas na lingua. Seguimos falando do Nadal porque pensamos que as reservas para as ceas de empresa xa deben estar algo cubertas e non nos equivocamos. Seguimos co Samaín, que nos queda máis preto, polo que repasamos a orixe da festividade con Tito Concheiro. Norberto Proupín fálanos da tose:...

Andrea Pousa presenta o seu novo sinxelo 'Fluyendo' e dámoslle pistoletazo de saída ao festival solidario Nos Seus Pés, unha cita en favor dos refuxiados. Na colaboración de Vía Clásica falamos dos fungos no mundo clásico con Xosé Antonio López Silva; mentres na de viaxes, con Agustín Vázquez, repasamos a vida sobre os aires do piloto Carlos Castiñeira.

Xa está case todo preparado en Vigo para poñer en marcha non moi tarde o Barco do Nadal que este ano contará coa maior das ambientacións! Falamos de 'O Corno' con Jaione Camborda na sección de Raquel Rosa, pois esta é unha película na que está moi presente a maternidade real. Tamén falamos da intelixencia e mesmo de se somos consumidores sostibles, xa que nos puxo a proba Miguel López Cr...

Falamos con Broken Peach sobre o seu novo sinxelo e sobre a súa traxectoria, ademais de descubrir o mundo dos selos e da correspondencia entre altas esferas da sociedade. Tamén, ao fío dun encontro de Ioga en Vigo, comentamos os beneficios de relaxación e exercicio que supón esta disciplina. Recibimos a Pilar Eyre para a presentación do seu novo libro 'De amor y de guerra' e descubrimos...

Big Meu, gañador do CeibaRimas deste ano, bótanos uns versos en directo; disfrazámonos polo Samaín co que está de moda, que vén sendo o mundo de Wednesday Addams. Ana Camiño, avogada especialista en dereito civil e de consumo, fálanos das herdanzas: como hai que dividilas, calculalas, canto se paga polo que se herda e moito máis. Con Maxi Pérez, especialista en seguridade ao volante, charlamos sob...

Que é mellor, iOS ou Android? Marcus Fernández danos a resposta definitiva: depende dos gustos, ambos tipos de teléfono teñen pros e contras. Tamén descubrimos o camiño cara a circularidade no eido dos aceites de consumo e industriais. Norberto Proupín tíranos varios datos sobre o glaucoma: 60.000 galegos padéceno e a metade non o sabe. Ademais, entrevistamos a Tomás Aparicio, o campión de oratori...

Preguntámoslle todas as dúbidas habidas e por haber das dentaduras axenésicas ao odontólogo Simón Pardiñas e descubrimos que os abellóns combaten ás velutinas segundo din na Universidade de Vigo. Toda esta información, na primeira hora do programa. Mentres, falamos na segunda hora do mel co latinista Xosé Antonio López Silva e a súa historia no mundo greco-latino, falamos tamén das historias dalgu...

O escritor Francisco Narla fálanos das nosas festas e do moito que teñen de castrexas. Mentres, Rosana Alonso Couñago, nutricionista, coméntanos que hai detrás das pastillas de caldo e das varas de cangrexo. Tivemos unha colaboración da Tribo moi amable, lembrando os debuxos animados das nosas infancias e o que significaban aquelas merendas de pan e chocolate diante do televisor. Miguel López Cres...

Falamos con Kiko Romeo sobre o seu truco para matar a máis de 5,000 velutinas e do novo xogo de mesa chamado Ophiusa! Tamén falamos de turismo termal e paisaxístico con Mario Crecente, presidente do Comité Científico da European Historic Thermal Towns Association. Ademais, veu Eduardo de Martís presentar 'Galicia Latente', o primeiro libro deste fotógrafo, confeccionado despois de percor...

Falamos de trucos de cociña con Nieves Lorente: podemos facer castañas no micro? Como evitamos cheiros na cociña? Que se pode facer no micro que creamos que non? Tamén falamos na primeira hora con Manuel Mosqueira Ouréns, podólogo experto en podoloxía deportiva, sobre o uso das zapatillas para correr. Todo isto ao fío das zapatillas voadoras dun só uso empregadas pola atleta Tigist Assefa. Falamos...

Falamos con Angel Puza da Tintorería Imperial sobre este traballo e sobre a loita contra as manchas. Nesta primeira hora tamén tivemos unha clase con Floro Andrés Rodríguez para saber recoñecer cogomelos e para collelos correctamente: con navalla e xamais en bolsas de plástico! O noso colaborador latinista Xosé Antonio López Silva veu falarnos na súa Vía Clásica do deus Marte, mentres que o noso o...

Na primeira hora do programa tivemos a oportunidade de falar con Susi Villanueva, a famosa profesora de Youtube. Tamén falamos de sendeirismo con Jaime Larriet, licenciado en educación física e montañeiro, sobre como debemos realizar esta práctica. Na colaboración semanal A Tribo, da xornalista Raquel Rosa, falamos da morte xestacional e perinatal e para iso charlamos con Patricia Caamaño, preside...

Como solucionar pragas de velutinas, de chinches, de bicherío de todo tipo? Respondémolo na primeira hora do programa! E Antonio González Cantalapiedra, director veterinario do Hospital Rof Codina, tamén nos deu chaves para coidar aos nosos gatos, pois hai moitos con sobrepeso. Pasou polos micros da Radio Galega Carlos Arévalo para presentarnos o espectáculo 'Play Phil Collins Music Tribute&#...

Preguntámonos que farán as drag queens cando se elimine do mercado a purpurina e descúbrennos como o solucionarán: con purpurina orgánica. Falamos tamén do pickleball, unha práctica nova relacionada co tenis e que chega agora a Galicia. Comentamos a nova lei de benestar animal coa nosa avogada Ana Camiño e con Maxi Pérez charlamos sobre as mortes de peóns e outras advertencias no tráfico. Soledad...

Falamos cos responsables de La Mapache, na Coruña e Santiago de Compostela, sobre a volta dos seus cursos de costura. Neles pódese aprender a facer certas prendas nunha soa clase! Tamén falamos dun superordenador cuántico que se presentou hoxe mesmo e queriamos saber en que consistía. No eido da saúde falamos co noso colaborador o doutor Norberto Proupín sobre a diabete, os tipos que hai, o coidad...

Fúmase máis ou menos agora? Respondemos esta pregunta na Tarde con Carlos Rábade, coordenador da Área de Tabaquismo de Separ (Sociedade Española de Neumoloxía e Cirurxía Torácica) e director da Unidade de Tabaquismo no CHUS (Complexo Hospitalario Universitario de Santiago). E tiramos máis comida da que deberiamos? Falamos tamén de desperdicio alimentario neste programa! Cos nosos colaboradores Xos...

Como podemos fortalecer as nosas pernas e como calculamos e eliximos a onde imos de lúa de mel? Respondémolo na primeira hora do programa. Na Tribo, a colaboración semanal da xornalista Raquel Rosa onde falamos de crianza, informámonos sobre a crianza respectuosa coas palabras de Sara Noguera, ademais de falarmos do seu libro 'Ser madre es fácil, (si no tienes hijos)'. Tamén aprendemos c...

Tomi Alvarellos, presidente da Asociación de Guías de Turismo de Galicia, fálanos de que implica ser guía turístico e do que se precisa para selo. E anotamos algúns truquiños de cociña con Nieves Lorente, da Escola de Cociña Cousiñas de Pontevedra. Todo na primeira hora. Mentres, na sección de Moncho Lemos, Sen Butacas, falamos da película 'La probabilidad estadística del amor a primera vista...

Falamos coa nutricionista Rosana Alonso sobre Yuca, a aplicación que supostamente che di se os produtos da túa cesta da compra son bos, malos, mediocres, etc. É fiable? Non perdas a primeira hora do programa para sabelo! Falamos tamén de iniciar aos máis cativos no mundo das motos, do dereito á honra coa nosa avogada Ana Camiño, da formación profesional en gandaría no IES Melide e de moitos temas...

Falamos de cuestións celtas que seguimos a facer nas festas galegas da actualidade, todo co noso especialista no noso pasado céltico, Francisco Narla. E falando de Roma... o noso colaborador latinista, Xosé Antonio López Silva, veunos falar dos xabaríns no mundo greco-latino. Tamén falamos dos 80 anos de Julio Iglesias e preguntámonos: iría este home a unha excursión do Imserso? Non o sabemos, per...