SBS Lao - SBS ພາ​ສາ​ລາວ

ລາຍງານໃຫມ່ ຂອງຄນະກັມມະການ ການແຂ່ງຂັນ ແລະຜູ້ບໍຣິໂພກຂອງອອສເຕຣເລັຍ (the Australian Competition and Consumer Commission-ACCC) ພົບວ່າ ຊາວອອສເຕຣເລັຍ ຈໍານວນຫນ້ອຍລົງ ທີ່ລາຍງານ ການຫຼອກລວງ ໃນປີ 2025 ແຕ່ມີການສູນເສັຍເງິນຫຼາຍຂຶ້ນ. ຜູ້ຊ່ຽວຊານຍັງກ່າວວ່າ ຜູ້ບໍຣິໂພກເອງກໍຕ້ອງມີຄວາມລະມັດລະວັງຄືກັນ.

ການປະທ້ວງທົ່ວປະເທດ, ຊຶ່ງຜູ້ຈັດງານເອີ້ນວ່າ the March for Australia, ໄດ້ຂຍາຍໄປທົ່ວປະເທດ ໃນວັນອາທິດ (31 ສິງຫາ) ໂດຍມີຜູ້ເຂົ້າຮ່ວມຫລາຍພັນຄົນ ທີ່ຊຸມນຸມກັນຢູ່ໃນເມືອງຫລວງ ແລະສູນກາງພູມີພາກ, ຖືທຸງຂອງອອສເຕຣເລັຍ ແລະຮຽກຮ້ອງ ໃຫ້ຍຸດຕິສິ່ງທີ່ເຂົາເຈົ້າເອີ້ນວ່າ "ການຍ້າຍຖິ່ນຖານຢ່າງໃຫຍ່ຫລວງ (Mass migration)" ເຂົ້າສູ່ອອສເຕຣເລັຍ.

ເຈົ້າຫນ້າທີ່ ກໍາລັງໃຊ້ງານສະແດງເຮືອ Sydney ໃນອາທິດນີ້ ເພື່ອສະແດງໃຫ້ເຫັນ ເຖິງອັນຕະຣາຍ ຂອງການຂີ່ເຮືອ ແລະການຕຶກປາໃນໂງ່ນຫີນ. Marine Rescue New South Wales ກ່າວວ່າ ການຕຽມພ້ອມພຽງເລັກນ້ອຍ ກໍສາມາດຊ່ອຍໃຫ້ທ່ານປອດພັຍໄດ້ ໂດຍສະເພາະ ການກວດເບິ່ງສະພາບອາກາດ, ການມີອຸບປະກອນຄວາມປອດພັຍ ທີ່ຕຽມພ້ອມ ແລະພ້ອມໃຊ້ງານ, ແລະການຮູ້ວິທີໃຊ້ມັນ.

ໂຣກພູມແພ້ (Allergy) ໃນອອສເຕຣເລັຍ.ໄດ້ເພີ່ມຂຶ້ນເປັນສອງເທົ່າ ໃນເກືອບ 20 ປີ. ຜູ້ຊ່ຽວຊານກ່າວວ່າ ມັນມີຫຼາຍປັດຈັຍໃນການເພີ່ມຂຶ້ນນີ້ ແລະ ຮຽກຮ້ອງໃຫ້ມີການລົງທຶນຫຼາຍຂຶ້ນເພື່ອຊ່ວຍປ້ອງກັນໂຣກພູມແພ້, ຊ່ວຍພັດທະນາຄວາມປອດພັຍ ຂອງຄົນທີ່ມີໂຣກພູມແພ້, ເພື່ອເລັ່ງການຄົ້ນຄວ້າ ແລະໃຫ້ການດູແລທີ່ດີກວ່າ.

ປະເທດອັງກິດ, Italy, Finland ແລະ France ຈະເຂົ້າຮ່ວມການປະຊຸມ ລະຫວ່າງປະທານາທິບໍດີ ຂອງUkraine, Volodymyr Zelenskyy ແລະປະທານາທິບໍດີ Donald Trump ຂອງສະຫະຣັດອາເມຣິກາ ທີ່ White House ເພື່ອສນັບສນູນ ປະທານາທິບໍດີ Ukraine, ຜູ້ທີ່ຖືກກົດດັນ ຈາກສະຫະຣັດອາເມຣິກາ ໃຫ້ຮັບເອົາຂໍ້ຕົກລົງສັນຕິພາບ ຢ່າງຮີບດ່ວນ.

ຜູ້ຊ່ຽວຊານ ກຳລັງເຕືອນເຖິງອັນຕະຣາຍ ຂອງໄຟໄຫມ້ ໝໍ້ໄຟ (Battery). ພວກເຂົາເວົ້າວ່າ ມີໄຟໄຫມ້ໝໍ້ໄຟ (Battery) ຫລາຍກວ່າ 500ເທື່ອທົ່ວໂລກ ແລະມີການເພີ່ມຫລາຍຂຶ້ນ ໃນເຫດການໄຟໄຫມ້ ທີ່ກ່ຽວຂ້ອງກັບຖ່ານ Lithium-ion, ຮວມທັງຖ່ານ Lithium-ion ຂນາດນ້ອຍ.

ອອສເຕຣເລັຍ ຈະຮັບຮູ້ຣັດ Palestine (Palestinian State) ໃນກອງປະຊຸມໃຫຍ່ ສະຫະປະຊາຊາດ ໃນເດືອນກັນຍາ ພ້ອມກັນກັບ France, Canada ແລະປະເທດອັງກິດ.... ແຕ່ຝ່າຍຄ້ານຣັຖບານກາງ ກໍຍັງກັງວົນ ກ່ຽວກັບການເຄື່ອນໄຫວ ທີ່ເຮັດໃຫ້ອອສເຕຣເລັຍ ຕ້ອງຂັດແຍ້ງກັບສະຫະຣັດອາເມຣິກາ ຊຶ່ງບໍ່ເຫັນດີນຳກັບການເຄື່ອນໄຫວນີ້.

ການຈໍາແນກເຊື້ອຊາດທຸກປະເພດ ໄດ້ເພີ່ມຂຶ້ນ ນັບຕັ້ງແຕ່ການໂຈມຕີໃນວັນທີ 7 ເດືອນຕຸລາ ໃນຕາເວັນອອກກາງ, ແລະແນວທາງບາງຢ່າງ ຂອງຣັຖບານ ກໍາລັງເຮັດໃຫ້ຊຸມຊົນ ເປັນປໍຣະປັກຕໍ່ກັນ. ກັມມາທິການການຈໍາແນກເຊື້ອຊາດ (Race Discrimination Commissioner) ຂອງອອສເຕຣເລັຍ ກ່າວວ່າ ມີທາງແກ້ໄຂ ເລື່ອງຈໍາແນກເຊື້ອຊາດ, ແຕ່ຣັຖບານຕ້ອງລົງມືດຳເນີນການ....ແຕ່ ການແກ້ໄຂ ຕ້ອງມີຢູ່ໃນຊຸມຊົນຄືກັນ.

Robert F. Kennedy Junior, ຣັຖມົນຕີ ກະຊວງສາທາຣະນະສຸກ ຂອງສະຫະຣັດອາເມຣິກາ ໄດ້ປະກາດແຜນການ ຍົກເລີກເງິນຊ່ອຍເຫຼືອ ສໍາລັບການພັດທະນາວັກຊີນ ໃນຂນະທີ່ປະເທດອື່ນໆ ທົ່ວໂລກ, ຮວມທັງປະເທດຈີນ ແລະຢູໂຣບ ແລະເອເຊັຍໂດຍທົ່ວໄປ, ທີ່ບໍ່ໄດ້ປະຖິ້ມ ການລົງທຶນຂອງຕົນ ໃນການຄົ້ນຄວ້າ mRNA.

Access to safe drinking water is essential, and Australia’s often harsh environment means that our drinking water supplies are especially precious. With differences in the availability and quality of drinking water across the country, how do we know if it’s safe to drink? In this episode we get water experts to answer this question and more.   - ການເຂົ້າເຖິງນ້ຳດື່ມທີ່ປອດພັຍເປັນສິ່ງສໍາຄັນ, ແລະສະພາບ...

ສະຫະຣັດອາເມຣິກາ ໄດ້ປະກາດການເກັບພາສີສູງຂຶ້ນ ສໍາລັບ 92 ປະເທດ, ຮວມທັງປະເທດ Canada 35 ເປີເຊັນ, ແລະປະເທດ ອິນເດັຍ 25 ເປີເຊັນ.ການເພີ່ມຂຶ້ນ ແມ່ນແນໃສ່ປະເທດ ທີ່ບໍ່ມີສ່ວນຮ່ວມ ກັບຜົນປໂຍດທາງເສດຖະກິດ ແລະຄວາມໝັ້ນຄົງ ຂອງສະຫະຣັດອາເມຣິກາ. ຫຼາຍປະເທດກໍກຳລັງຫາທາງຮັບມືກັບ ອັດຕາພາສີເຫຼົ່ານີ້ ແລະຫຼາຍປະເທດກໍຮູ້ສຶກວ່າເປັນການເຄື່ອນໄຫວທີ່ບໍ່ມີເຫດຜົນ ແລະອາດຈະສ້າງວິກິດທາງເສດຖະກິດໄດ້.

ອາວຸດນິວເຄລັຍ ເປັນອາວຸດທີ່ມີຄວາມສາມາດທໍາລາຍສູງ ທີ່ບໍ່ເຄີຍມີມາກ່ອນ ໄດ້ກໍ່ໃຫ້ເກີດການແຂ່ງຂັນ ດ້ານອາວຸດປະຣະມະນູ. ດ້ວຍຄວາມເຄັ່ງຕຶງໃນຕາເວັນອອກກາງ ແລະ ການສະສົມອາວຸດນິວເຄລັຍ ຂອງຈີນໃນອັດຕາທີ່ໄວ ໄດ້ເຮັດໃຫ້ເກີດຄວາມວິຕົກໃນພູມີພາກໂດຍສະເພາະ ບົດບາດຂອງຈີນໃນ ອາຊີ ຕາເວັນອອກສ່ຽງໃຕ້.

Education is a pathway to opportunity, but for too long, Indigenous students in Australia have faced barriers to success. While challenges remain, positive change is happening. In this episode we’ll hear from Indigenous education experts and students about what’s working, why cultural education matters and how Indigenous and Western knowledge can come together to benefit all students. - ການສຶກສາ ເ...

ອອສເຕຣເລັຍ ໄດ້ຍົກເລີກຂໍ້ຈໍາກັດ ເລື່ອງການນຳເຂົ້າຊີ້ນງົວ ຈາກສະຫະຣັດອາເມຣິກາ ຊຶ່ງເປັນການຕັດສິນໃຈທີ່ ນັກວິຈານກ່າວວ່າ ເປັນການເຮັດ ເພື່ອເອົາໃຈ Donald Trump. ສະມາຄົມຜູ້ຜລິດຊີ້ນງົວກ່າງງ່າ ດ້ວຍການຂາດແຄນຊີ້ນງົວ ໃນສະຫະຣັດອາເມຣິກາ, ຈຶ່ງບໍ່ໜ້າເປັນໄປໄດ້ ທີ່ຕລາດຂອງອອສເຕຣເລັຍ ຈະເຕັມໄປດ້ວຍຊີ້ນງົວ ທີ່ນໍາເຂົ້າຈາກອາເມຣິກາ. ພ້ອມທັງ ນາຍົກຣັຖມົນຕີຢ້ຳວ່າ ອອສເຕຣເລັຍ ຈະບໍ່ຍອມປະນີປະນອມ ເລື່ອງຄວາມປອດພັຍທາງຊີວະພາບ.

ເກືອບ 300,000 ຄົນໃນອອສເຕຣເລັຍ ອາສັຍຢູ່ກັບ Hepatitis B ຫລື Hepatitis C-ສ່ວນຫລາຍແລ້ວ ບໍ່ມີສັນຍານເຕືອນ ເຖິງຄວາມເສັຍຫາຍຂອງຕັບ. ສະຖາບັນ the Kirby Institute ກ່າວວ່າ ຄວາມລຸກລາມຢ່າງງຽບໆ ເປັນເຫດຜົນ ທີ່ການທົດສອບເປັນປະຈໍາ ຈຶ່ງມີຄວາມສໍາຄັນ.

ໂຄງການແຊກແຊງ ເດັກນ້ອຍທີ່ຫູຫນວກໃນຕອນຕົ້ນ ຂອງອອສເຕຣເລັຍ ກໍາລັງຖືກທົດລອງ ຢູ່ຕ່າງປະເທດ ເປັນເທື່ອທໍາອິດ. ການຮ່ວມມືລະຫວ່າງ The Shepherd Centre ທີ່ບໍ່ຫວັງຜົນກຳໄລ ແລະເຈົ້າຫນ້າທີ່ ສາທາຣະນະສຸກ ໃນປະເທດຍີ່ປຸ່ນ ເປັນເວລາສິບປີD ການປິ່ນປົວ ແມ່ນສໍາລັບເດັກນ້ອຍ ທີ່ຄອບຄົວໄດ້ເລືອກໃຫ້ເຂົາເຈົ້າໃສ່ອຸບປະກອນການຟັງ ເຊັ່ນປະສາດຫູທຽມ (ປອມ)- (Cochlear implant).

ການກໍາຈັດລະເບີດ ເປັນຂັ້ນຕອນທີ່ຕ້ອງມີຄວາມລະມັດລະວັງ; ມີການຄາດຄະເນວ່າ ມີການກໍາຈັດລະເບີດ ປະມານ 117,000 ລູກໃນແຕ່ລະປີ. Mread ຫຼື ໄດ້ພັດທະນາ ອຸປະກອນພົກພາ ເຄື່ອງທຳອິດ ທີ່ໃຊ້ຄື້ນວິທະຍຸຕໍ່າ (Low Frequency Radio Waves) ເພື່ອລະບຸລັກສນະສະເພາະໂມເລກູນ ຂອງວັດຖຸລະເບີດ. Mread ກ່າວວ່າ ເຄື່ອງມືຂອງເຂົາເຈົ້າ ສາມາດເລັ່ງການກໍາຈັດລະເບີດ ໄດ້ຢ່າງຫນ້ອຍ 30 ເປີເຊັນ.

ການສູ້ຣົບ ໄດ້ເກີດຂຶ້ນຕາມຊາຍແດນຂອງປະເທດໄທ ແລະປະເທດກຳປູເຈັຍ ໃນຂນະທີ່ຄວາມເຄັ່ງຕຶງເກົ່າ ທີ່ກ່ຽວກັບຂໍ້ພິພາດ ເລື່ອງດິນແດນ ໄດ້ກາຍເປັນການຂັດແຍ້ງ ທີ່ບໍ່ຄ່ອຍເກີດຂຶ້ນ... ແຕ່ຮຸນແຮງ. ທັງສອງຝ່າຍ ກໍາລັງກ່າວໂທດກັນແລະກັນ ສໍາລັບການຍົວະຍົງ, ຊຶ່ງເປັນການຂັດແຍ້ງເທື່ອຫຼ້າສຸດ ໃນການໂຕ້ຖຽງ ທີ່ມີມາຫລາຍກວ່າຫນຶ່ງສັດຕະວັດ. ໃນຂນະທີ່ ຜູ້ນໍາຕ່າງປະເທດ ຮຽກຮ້ອງໃຫ້ມີຄວາມສງົບ ລະຫວ່າງເພື່ອນບ້ານ.

ຄວາມເຈັບປວດຊໍາເຮື້ອບໍ່ແມ່ນຈະສົ່ງຜົນກະທົບແຕ່ພຽງຮ່າງກາຍເທົ່ານັ້ນ, ແຕ່ມັນສາມາດສົ່ງຜົນກະທົບທາງຈິດໃຈ, ທາງການເງິນ ແລະທາງຄວາມສຳພັນອີກດ້ວຍ. .ານປິ່ນປົວກໍຊັບຊ້ອນ ແລະ ຜູ້ຊ່ຽວຊານກຳລັງຮຽກຮ້ອງໃຫ້ຣັຖບານ ເຮັດຫຼາຍຂຶ້ນເພື່ອຊ່ອຍເຫຼືອ ຜູ້ທີ່ໃຊ້ຊີວິດຢູ່ກັບຄວາມເຈັບປວດນີ້.

ເນື່ອງຈາກການຖອນໂຕຂອງຜູ້ບໍຣິຈາກ ດັ້ງເດີມ, ຈີນກຳລັງມີບົດບາດສຳຄັນໃນການໃຫ້ກູ້ຢືມເງິນເພື່ອການພັດທະນາ. ຜູ້ຊ່ຽວຊານກ່າວວ່າ ການຫຼຸດລົງຂອງການແຂ່ງຂັນຈະເຮັດໃຫ້ຫຼາຍປະເທດຕ້ອງຍອມຮັບເອົາເງິນກູ້ຈາກຈີນດ້ວຍດອກເບັ້ຍສູງ. ແຕ່ມັນເປັນເງິນກູ້ ໃຫ້ແກ່ປະເທດ ທີ່ທຸກຍາກທີ່ສຸດໃນພູມີພາກ, ເຊັ່ນMyanmar, Laos ແລະ Cambodia ທີ່ສ້າງຄວາມກັງວົນ.

ໃນຂນະທີ່ອອສເຕຣເລັຍ ເຂົ້າສູ່ລະດູການສູງສຸດ ສໍາລັບ Meningococcal, ກໍມີໂຄງການແຫ່ງຊາດ ເພື່ອຍົກລະດັບຄວາມຮັບຮູ້ ກ່ຽວກັບໂຣກ ທີ່ມີຜົນກະທົບຕໍ່ຄົນຫນຸ່ມສາວ ແລະເດັກນ້ອຍ ເປັນສ່ວນໃຫຍ່.

ທຸກຄົນກໍຮູ້ວ່າ ການບໍຣິຈາກອະໄວຍະວະສາມາດຊ່ອຍຊີວິດໄດ້. ໃນຂນະທີ່ ສີ່ໃນຫ້າຄົນ ຂອງຊາວອອສເຕຣເລັຍ ກ່າວວ່າ ເຂົາເຈົ້າສນັບສນູນ ການບໍຣິຈາກອະໄວຍະວະ ແລະແພຈຸລັງ, ມີພຽງແຕ່ຫນຶ່ງໃນສາມຄົນເທົ່ານັ້ນ ທີ່ໄດ້ລົງທະບຽນ ບໍຣິຈາກແທ້ໆ. ໜ່ວຍງານ The Organ and Tissue Authority ກ່າວວ່າ ສ່ວນຫນຶ່ງ ຂອງບັນຫາແມ່ນຄວາມເຂົ້າໃຈຜິດ ທີ່ວ່າສາສນາ ຫລືວັດທະນະທັມ ອາດເປັນອຸບປະສັກ.

ກໍຣະນີທີສອງ ຂອງອອສເຕຣເລັຍ ຂອງໄວຣັສ Mpox ຊຶ່ງເປັນສາຍພັນທີ່ຫາຍາກ ໄດ້ຖືກພົບເຫັນ ຢູ່ພາກຕາເວັນອອກສຽງໃຕ້ ຂອງQueensland. Mpox ສາຍພັນ Clade 1 ເຄີຍໄດ້ເຫັນພຽງແຕ່ເທື່ອດຽວ ໃນອອສເຕຣເລັຍເທົ່ານັ້ນ. ແຕ່ຣັຖບານ Queensland ກ່າວວ່າ ສາທາຣະນະຊົນ ບໍ່ຄວນກັງວົນ.

ໜ້ອຍຄົນຈະຮູ້ວ່າໂຣກເບົາຫວານ ເປັນສາເຫດສໍາຄັນ ຂອງການຕາບອດ ໃນຊາວອອສເຕຣເລັຍ ໃນອາຍຸທໍາງານ, ເປັນສາເຫດສໍາຄັນ ຂອງຫມາກໄຂ່ຫລັງເສື່ອມໂຊມ ແລະການຟອກເລືອດ ໃນອອສເຕຣເລັຍ. ມັນເພີ່ມຄວາມສ່ຽງ ຕໍ່ໂຣກຫົວໃຈ ແລະໂຣກເສັ້ນເລືອດໃນສມອງ (Stroke) ເຖິງສີ່ເທົ່າ. ມັນເປັນສາເຫດສໍາຄັນ ຂອງການຕັດຂາ ແລະມັນຍັງມີຜົນກະທົບອັນໃຫຍ່ຫລວງ ຕໍ່ສຸຂະພາບທາງຈິດໃຈຂອງຜູ້ຄົນ. ສນັ້ນການປ້ອງກັນຈະດີກວ່າການປິ່ນປົວສເມີ.

ຢາຕ້ານອາການຊຶມເສົ້າ ເປັນຢາທີ່ໃຊ້ກັນຢ່າງກ້ວາງຂວາງທົ່ວໂລກ ແລະໃນອອສເຕຣເລັຍ. ປະມານຫນຶ່ງໃນເຈັດຄົນ ຂອງຊາວອອສເຕຣເລັຍ ກໍາລັງໃຊ້ຢາຕ້ານອາການຊຶມເສົ້າ (3.9ລ້ານຄົນ). ການທົບທວນ ທີ່ຖືກພິມໃນວາຣະສານ JAMA Psychiatry ຮວມການສຶກສາ 38 ເລື້ອງ ທີ່ມີໄລຍະສັງເກດຫລາຍກວ່າສອງອາທິດ, ຊຶ່ງເປັນໄລຍະເວລາທີ່ສໍາຄັນ ຊຶ່ງຄາດວ່າ ອາການຖອນຢາຈະເກີດຂືຶ້ນ.