Monitor

Suid-Afrika se hoë kommissaris na Sri Lanka, Nepal, Bangladesj en die Maldives-eilande, Ruby Marks, het die naweek eksklusief met Monitor gepraat oor haar eie ervaring van seksuele mishandeling as 'n jong dogtertjie. Sy vertel ook vir Heindrich Wyngaard dat haar ma in hul eenvertrek-woonhokkie, in haar teenwoordigheid,deur 'n familievriend verkrag is.

In die derde deel van 'n onderhoud met die skrywer van die boek, APARTHEID, GUNS AND MONEY, fokus Hennie Van Vuuren op die 1977 moorde van Robert en Jean-Cora Smit. Van Vuuren, direkteur van die nie-regeringsorganisasie, OPEN SECRETS, het vier jaar lank navorsing gedoen oor onwettige wapenhandel in die apartheidserea, en trek vandag al die drade saam.

Die Nampo-Oesdagfees 2017 kom vandag tot 'n einde op Bothaville. Suzanne Paxton praat met Jannie de Villier van Graan SA hoe die landbouskou verloop het. En Justin Kennerley praat met 'n jong boer van Botswana oor sy eerste Nampo-ervaring.

Nuwe navorsing van die WNNR steun die Life After Coal-veldtog en Greenpeace Afrika se standpunt dat daar nie meer in steenkoolkragsentrales belê moet word nie. Hulle beveel aan dat die regering en Departement van Energie die oorgang na volhoubare energie moet prioritiseer. Hoewel die WNNR fokus op die koste van steenkoolbedrywighede, sê die Life After Coal-veldtog daar moet meer klem gelê word op...

Die Minister van Minerale Hulpbronne, Mosebenzi Zwane, het onlangs die groen lig gegee vir die ontginning van skaliegas in die Karoo. Volgens hom sal dit die ekonomie van die Noord-Kaap ʼn hupstoot gee. Hoewel skaliegas-ontwikkeling nog in die toekoms lê, word daar reeds vrae gevra oor die moontlike impak hiervan op die omgewing. Justine Rudman het onlangs haar meestersgraadstudie by die Universite...

Gister het Monitor berig oor Hennie van Vuuren se boek, APARTHEID, GUNS AND MONEY, wat fokus op die groot getal lande, onder meer Rooi Sjina, wat met die medewete en hulp van die destydse Zaïre, wapens aan die Pretoria-regime verskaf het. Vandag vertel van Vuuren vir Anita Visser van die R500-miljard se spesiale weermagrekening waarvan selfs die naaste vetrouelinge van PW Botha niks geweet het nie...

Dit is dag drie van die Nampo-Oesdagfees wat net buite Bothaville in die Vrystaat plaasvind, en die grondhervormingskwessie bly 'n warm patat. Suzanne Paxton en die span by Nampo hou deurentyd 'n oog op gebeure daar.

Tweemiljoen dokumente, honderde gesprekke op verskeie vastelande, en vier jaar se navorsing het vrug gebaar: die boek, APARTHEID, GUNS AND MONEY, geskryf deur die direkteur van die nieregeringsorganisasie, OPEN SECRETS, Hennie van Vuuren. In die boek bewys van Vuuren sonder twyfel dat die apartheidsregering alles behalwe sonder vriende was. Trouens selfs lande wat ideologies ver verwyder was van P...

Maak die grondwet voorsiening vir 'n geheime stemming wat 'n mosie van wantroue in president Jacob Zuma betref? Opposisiepartye sê hulle is optimisties dat die Konstitusionele Hof in hulle guns sal beslis in die aansoek deur die UDM of parlementslede in die geheim mag stem tydens die debat oor die mosie van wantroue in die president. Loammi Wolf is 'n grondwetregspesialis verbonde aan Democracy fo...

Dit is dag twee van die Nampo-Oesdagfees wat net buite Bothaville plaasvind. Die eerste dag is oorskadu deur gesprekke oor grondhervorming in die landbousektor en die onstabiliteit wat dit in die sektor veroorsaak.

Die enigste manier hoe moeilike kwessies in die landbousektor opgelos sal word, is deur dialoog. Dít was die boodskap by die openingsfunksie van die Nasie in Gesprek-reeks by die Nampo-Oesdagfees op Bothaville. Die gesprekke is geopen met dialoog oor grondhervorming. Suzanne Paxton gesels met Francios Strydom, uitvoerende hoof van SENWES en dr. John Purchase van Agribiz.

Marlinee Fouche berig dat die SAUK hoofsaaklik deur advertensies befonds word, in teenstelling met die internasionale tendens van parlementêre- of staatsubsidies. Watter bevondsingsmodel sal in Suid-Afrika werk?

Die SAUK sê sy voorstel aan die parlement om wetgewing betreffende TV-lisensies te verander, is bloot om aan te pas by tegnologiese vooruitgang. Woordvoerder Kaizer Kganyago het aan Marlinee Fouche gesê hulle wil keer dat sekere landsburgers betaal vir inhoud, en ander nie.

Whatsapp-stemboodskappe kan gebruik word om bystand in noodsituasies te kry. Dit kan egter ook gebruik word om paniek te saai, vals nuus te versprei, of 'n situasie uit verband te ruk. Hanri Wondergem het gaan ondersoek instel na die voor- en nadele van Whatsapp-stemboodskappe en beweerde en werklike nuusgebeure.

Die eerste openbare byeenkoms van die Nasionale Stigtings Dialoog-inisiatief is Vrydag in Johannesburg gehou. Hierdie inisiatief is begin deur die stigtings van onder andere die voormalige presidente FW de Klerk, Thabo Mbeki en Kgalema Mothlanthe. Heindrich Wyngaard praat hieroor met F.W. De Klerk.

'n Mens koop gewoonlik met groot sorg 'n huis. Alle moontlike gebreke en risiko's word ondersoek. Dit is presies wat Marais en Ardel Wessels gedoen het die dag toe hulle hulle huis in Alberton gekoop het. Maar hoe sal jy nou weet as jou huis se buitemuur 'n groot aantrekkingskrag vir die dorp se dronkbestuurders het?

'n Huldigingsgeleentheid vir die ontslape dominee-digter Patrick Petersen, wat 20 jaar gelede in 'n motorongeluk gesterf het, is by die 2017 Suidoosterfees in Kaapstad gehou. Dit het nou aanleiding gegee tot planne vir 'n groter viering van sy lewe en werk. Die voorsitter van die Stigting vir Bemagtiging deur Afrikaans, Marlene le Roux, brei hierop uit.

Nog 'n naam is hierdie naweek gevoeg by die lys voorlopige kandidate vir die ANC se leierskapsverkiesing in Desember. Ofskoon die amptelike nominasieproses nog nie geopen is nie, het die sakeman en voormalige ANC-tesourier, dr. Matthews Phosa, gesê hy sou bereid wees om te staan. Heindrich Wyngaars het met hom gepraat.

Die mense van Coligny maak sedert verlede week die stukkies van hulle lewe bymekaar ná grootskaalse geweld op die dorp. 'n Groep wat ongelukkig is oor die dood van 'n twaalfjarige seun, nadat hy glo sonneblomme gesteel het, het die dorp ingevaar en talle ondernemings geplunder en gevandaliseer. Die groot vraag is nou: Wat het verkeerd geloop op Coligny? Izak du Plessis het Coligny besoek.

Werkersdag word sedert 1994 in Suid-Afrika gevier. Dit spruit uit die historiese struikelblokke wat werkers en vakbonde ervaar het, soos regverdige indiensnemingstandaarde en menseregte in die werksplek. Werkersdag is ook 'n dag waarop ons die miljoene werkende Suid-Afrikaners vier en vereer, wat die land elke dag help bou en wat die ruggraat van die ekonomie is. Dianke Nel het by arbeidsontleder...

Die vraag of sport bydra tot nasiebou is hierdie naweek by die Jakes Gerwel-gesprekkereeks by die Suidoosterfees bespreek. Twee van die deelnemers was die oud-Springbokkaptein Theuns Stofberg en die sporthistorikus dr. Andre Odendaal, skrywer van die onlangs verskene Cricket & Conquest. Heindrich Wyngaard het met hulle gepraat, en begin deur vir Odendaal sy standpunt te vra.

Dis vandag Wêreld Gidshonddag. Monitor het 'n spesiale ateljeegas - O'Reilly. Hy is al agt jaar lank 'n gidshond vir sy eienaar, Pieter van Niekerk. Pieter is die hoof van die skakelafdeling by die Suid-Afrikaanse Gidshondvereniging in Johannesburg. Volgens die vereniging is dit belangrik dat die samelewing ingelig word oor die belangrike rol wat gidshonde speel, en vanjaar moet daar klem gelê wor...

Kenia ervaar steeds 'n knellende droogte, en is tot 'n rampgebied verklaar. Oor die laaste paar maande het gewapende veewagters in die Laikipia-streek groot getalle vee na grond in privaatbesit gedryf, op soek na voer vir die diere. Daar is egter inwoners van die gebied wat politici daarvan beskuldig dat hulle geweld aanhits in aanloop tot die verkiesing in Augustus. Hulle beloof na bewering aan h...

Kenia ervaar steeds 'n knellende droogte, en is tot 'n rampgebied verklaar. Die Rooikruis in Kenia sê sowat 350,000 kinders, swanger vroue en nuwe ma's is ondervoed. Boopop dryf die droogte veeboere daartoe om kommersiële plase te beset. James Mwangi, die spanleier van die Rooikruis in die land, het aan Dianke Nel gesê sowat driemiljoen mense benodig dringend voedselhulp.

Ons staan op die vooraand van 'n vyf tot tien-jaar lange resessie. Só waarsku die beleggingstrateeg, Magnus Heystek, wat ook die kredietgraderingsagentskap, Moodys, vergelyk met Openbaring se ruiters. Anita Visser het hom gevra of hierdie vergelyking nie melodramaties is nie.