ESPERTA VALLADARES. Resumo semanal

Rescatamos para o resumo a conversa con Loreto Pérez Román, xuiza de atletismo internacional.

Nesta semana de especiais tirados de arquivo, vai un par de conversas da semana pasada. A proposta Vincios Verde Cultural e mais historia do Pedramola en Vinos.

A regueifa, a improvisación, deste e doutro lado do Atlántico. Recuperamos a conversa co payador Wilson Salywonczyk.

Viaxes e música para a fin de semana. Recuperamos as conversas con Dani Keral sobre o seu blogue Un Viaje Creativo, e con Samuel Diz, director de Música no Claustro.

Lembramos a conversa sobre a Copa do Mundo de Triatlón que se vai celebrar en Pontevedra. E ademáis subiremos a bordo do Ramón Margalef, que está na campaña SCAN IV de observación de cetáceos.

No #EspertaResumo unha historia curiosa. Falamos co grupo Bajo+6, pero tamén de como chegamos a eles.

Resumo dunha semana completiña, coma todas. Revisamos o urbanismo da N-550 da man dun grupo de arquitectos. Lembraremos a conversa coa xente de Hera Cider e proposta turística… ou lectora, ‘Hotel Roma’, de Fernando Lillo.

20 anos non son nada! Que llo digan o P.N. Illas Atlánticas. O seguinte paso, ser Reserva da Biosfera, pero iso non, que os humanos teríamos o paso limitadísimo. Ademáis, conversa con xente que sabe moito de herbas mediciñais e de rituais do lume no San Xoán. Así vai o resumo desta semaniña.

No resumo desta semana lembramos a conversa con Agrae sobre os beneficios que aporta aos cultivos o polvo sahariano e damos unha volta pola Ribeira Sacra, coa súa Casa-Museo do Chocolate e a necrópole de San Vítor de Barxacova.

Resumiño da semana para amenizar esta mañá de domingo. Percorrer a Nacional VI en modo slowly, como se fósemos pola ruta 66. E descubrir cousas do oso pardo, que anda xa en Galicia por mais lugares que o Courel.

Para o resumo desta semana quedamos coa conversa con Rosa Silveiro, presidenta do Consello de Desenvolvemento do Barrio Santa Lucía, en República Dominicana. E non hai moito máis que engadir!

Na escolla desta semana quedamos coa conversa coa xente de Troula, que celebran 20 anos, e a historia do Grupo Dacunha, panadería en Carral, que loita por recuperar variedades de trigo e millo do país.

O órgano de San Clara en Pontevedra volveu á vida nun concerto da Orquesta Clásica de Vigo o día das Letras Galegas. Ademáis, neste resumo dominguero, daremos unha volta pola tempada do Valladares (fútbol, claro ). Por certo, esta tarde na Gándara homenaxe á dous xogadores que levan no clube dende cativos.

Paramos nunha fragua para coñecer como o ferro se transforma en arte. A Copa de España de ciclismo pasa este domingo por estes montes metropolitanos.

Gaita e tamboril para p resumo da semana. O punteiro medieval que descubriu Pablo Carpintero. E as pandeiretas que fai Miguel Rivas no seu taller de Cabral.

Podedes acompañar o brunch con este libriño 'O péndulo', que foi presentado na Mercería Pepa da Cañiza. Unha interesante viaxe á nosa memoria histórica. E de como resignificar eses espacios tamén escoitaredes a Julio Prada.

Dúas historias ben xeitosas: falamos con Manuel Gago, da situación do patrimonio cultural na diáspora, concretamente no Uruguay e con investigadores da UVigo que atoparon fósiles de libélulas de fai 145 millóns de anos.

Resumo dos especiais desta Semana Santa: as xoias de Silvereira, talladas en madeira e inspiradas na tradición, e a moda feita en Galicia por Jorge Álvarez, deseñador de roupa e autor dos traxes que vestiron as Tanxugueiras no Benidorm Fest.

Aínda que esquivemos a nova, a guerra de Ucrania é unha realidade que está a traer a Galicia mulleres e nenos que precisan, ademais de acubillo, apoio psicolóxico. O proxecto Rosalía trata de acompañalos no seu proceso de adaptación. E coñecemos o traballo dos afinadores de piano falando con Antonio, o que se encarga do Centro Cultural e outros moitos.

Viravolta Cocina Retornada presentou unha nova mostaza, con sementes de grelo. E xa que estamos en tempo de lampreas imos dar unha volta ata a Herbón con Minia Del Rio.

Mañá de domingo lembrando algunhas das conversas desta semana. A que mantivemos con Carlos Blanco, a piques de estrear nova obra de teatro. A charla con Pedro Rodríguez, e a súa experiencia como xogador de balonmano en Hungría. E Javier Romero, o escritor de Marea Negra.

Historias, das que lle pasan á xente e das que contan os obxectos. Como resumo desta pasada semana escoitaremos a conversa con Héctor Salvador e o traballo de recuperación dos timbais da antiga Banda de Música de Vigo.

Mañá de domingo… un café e a radio de fondo. No resumo deixámosvos a conversa que mantivemos coa Hazienda de Ferrero, sobre o mundo das pitayas. Tamén a charla con Martín Camiña, co que falamos de “Lingua do País”, o seu espectáculo de maxia. E o repaso á oleiría galega da man da exposición que organizou Anxo Lemos e aínda podemos visitar en Baiona.

-Nadaliñas co cantautor ouresán Emilio Rúa. -A San Silvestre mais silvestre en Pontevedra. -King Kids, a banda xuvenil de Mos.

Xente! A que vive esta tradición das rondallas intensamente en Valladares. E a que organiza o Campionato Galego de Ciclo cross da finde pasada en Porto do Molle (Nigrán).