ESPERTA VALLADARES. Resumo semanal

Un chisquirritín de contos e de cine inmersos na natureza… No #resumoesperta os contos da bibliocicleta de Anxo Moure que viaxa por Galicia adiante. E MU2, o cine mudo musicado na Fundación Sales esta semana que entra.

Unha atleta, unha xuíz e unha adestradora e psicóloga… parece que imos contar un chiste, pero non. É o #resumoesperta falando de atletismo por Vigo.

Neste #resumoesperta subimos ata o balcón do Louriña, en Herville. Este ano tamén será fin de etapa en 'La Vuelta', o 9 de setembro.

Para o primeiro #resumoEsperta de agosto… ide ata o Museo do Mar mirar a exposición dos vikingos!

Moi de teatro este #resumoesperta. Conversa Doro sobre Castelao e ‘Os vellos non deben namorarse.

Vámonos de paseo polo parque de Castrelos neste #resumoesperta. Un espazo que leva 100 anos connosco, un xardín botánico pero tamén o escenario do día a día da cidade.

Un paseo polo cemiterio civil de Pereiró, o Xardín da Memoria Histórica, para este #resumoesperta

Neste primeiro #resumoesperta de xullo un plan ao fresco: a exposición “Impresións de Castelao en Vigo”, que podemos visitar na pinacoteca Fernández del Riego.

Neste #resumoesperta paseamos polo xardín de Remixio, un dos escultores da parroquia.

Para este #resumoesperta recuperamos a conversa con Suso Vázquez, presidente da Fundación Xoán Piñeiro.

Saiunos un #resumoesperta viaxeiro. Ata a escoliña de Niegue, en Senegal, marchamos con Marcos Barreira, profe no IES Valadares. E nun curruncho de Reikiavik vive o poeta de Cangas Elías Knörr, que caiu alí para aprender italiano.

Dúas propostas ás que 'acoplarvos' este domingo. Camiñar pola mañá o tramiño da senda biosaudable arredor do Cunqueiro, no tramo final do trail solidario pola N-120, que uniu o hospital de Ourense co de Vigo. E á tardiña achegarvos ó Teatro Principal de Pontevedra, que comezan os 'Sete Falares'. Contacontos para adultos polas rúas da Boa Vila.

Para o #resumoesperta desta semana rescatamos as conversas deportivas. A proposta para formar parte do voluntariado no Mundial de Triatlón en Pontevedra e o torneo de rugbi-praia que organizan o 5 de xullo en praia América os Melgachos.

Neste #resumoesperta paseo, moi ben acompañadas, pola exposición que fixeron na EMAO repasando a historia de ‘Las Joyas de la Raspa’

Neste fin de semana das Letras Galegas seguimos con música. A da Orquesta Clásica de Vigo, que cumpriu 40 anos, e a de Son de Seu. #resumoesperta

#resumoesperta. Como vai o proceso de expropiacións da ampliación do PTL? Conversa coa plataforma de afectados.

Veña que vai... terceiro intento para a Red Conecta #resumoesperta

He aquí o #resumoesperta desta semana: os reporteros dicharacheros do IES Valadares.

Mariñeiro este #resumoesperta. Sobre golfiños falamos coa xente da Asociación BDRI no Grove. E paseo polo Morrazo... en Bueu coa Illa dos Ratos.

O 1 de abril van os burros onde non deben ir, e nós… fomos conversar con xente moi interesante. Co paiaso Dani Blanco, que anda xirando coa obra teatral de improvisación “Absurdia” e marchamos ao Museo de Historia Natural da USC, a onde foi parar unha raia xigante que chegou á ría de Vigo.

Resumo #espertavalladares. Dúas conversas para coñecer algo da historia. A do Conde Waldemar, “rey de los magos y mago de los reyes”, co seu descendente, Marcos Waldemar. E a do Bispo Manuel Lago, un dos fundadores da Real Academia Galega, da man de Andrés Torres Queiruga.

Fútbol de terceira para esta mañá de domingo #resumoesperta. Tamén rugby.

Neste #resumoesperta escoitamos os inicios da coral de Valladares, moi vinculados á orixe do Teleclube. E descubrimos os novos usos dos hórreos.

Montes a tutti plen no #resumoesperta. Piñeiros do mundo, setas, ecoloxía do lume...

Dous investigadores que saben bastante sobre o mundo do xeo, a arqueóloga Ximena Senatore e o paleoclimatólogo Gianluca Marino. #resmumoesperta modo brrr. Ademais, historietiña coas orixes da comunidade alemá en Vigo.