ESPERTA VALLADARES

Hoxe falamos con Miguel Balea, coordinador da oficina de voluntariado do Mundial Multideporte de Triatlón de Pontevedra. E tamén conversa con Fátima, a traballadora social do CVC de Valladares sobre as Instrucións previas sobre coidados e tratamento da saúde.

Baixamos facer a compra a Vigo… unha compra peculiar, nun supermercado cheo de productos asiáticos, así que fomos acompañadas por Suevia Sobral, xefa do departamento de xaponés na Escola Oficial de Idiomas. E xa que é venres, lembranzas de Castrelos.

O uso das novas tecnoloxías para axudar a detectar o deterioro cognitivo… a partir desa premisa naceu o videoxogo ‘The Mind Guardian’, detrás do que anda atlanTTic e o Instituto de Investigación Sanitaria Galicia Sur, é dicir, Carlos Spuch, con quen falamos para que nos explique todo ben.

Mergullarse, coa xente de Buceo Rías Baixas, pero tamén dende a superficie disfrutando dos deseños de ‘Las Joyas de la Raspa’, proposta deste Esperta Valladares

A quen non lle gusta o chocolate? De cacao, da súa orixe, das fincas onde se produce, da súa elaboración… de todo e algo máis conversamos con Ruth Meller cando baixamos ao Berbés a coñecer Cumboto.

Coas pandeiretas resoando na nosa mente, seguimos falando de música, decantareiras... E mais música, a das 'Cantigas de Santiago' de David Russell, a da previa de Balaídos de onte. E a dos maios, que o venres viñeron os rapaciños de preescolar Monte Alba e do centro de día da Garrida cos seus cestiños de flores. Ah! e algo de toponimia da zona, 'as chans', que en Valladares hai moitas.

Seráns, concertos, regueifas… de todo un pouco para celebrar as Letras Galegas de 2025. No auditorio da casa estarán as Cantareiras do Alba xunto coas Mouchiñas e Caramuxos da ACF O Fiadeiro. E un paseíño por Castrelos, que sempre presta.

Préstavos un paseo polas montañas? Mellor ben acompañadas, ven ata o recuncho da radio Nacho Pequeno, contarnos das súas andainas polo mundo adiante. E xa que saímos o mellor e saber orientarse, diso falaremos co profe de Educación Física do CEP Igrexa Valladares.

Vamos presumir de atletas viguesas, mañá falamos con Ester Navarrete, que ven de gañar a prata no Campeonato de España de 10.000 metros que se celebrou esta fin de semana en Mahón. Ademáis conversa con Silvia Calo, a man detrás de Toda Frágil, as xoias de cristal que forman parte do universo Hibernar de Fillas de Cassandra.

Hoxe o doce son das ‘Arpas Atlánticas’, unha proposta para o día das Letras Galegas da Orquesta Folk Sondeseu. Tamén ‘visita guiada’ por algúns muíños da zona, en Matamá. E algo de música en galego, coma sempre.

Comezamos a semana das Letras Galegas a golpe de música clásica. No #EspertaValladares conversamos coa Orquesta Clásica de Vigo, que ven de pechar o ciclo de actuacións para celebrar o seu 40 aniversario e teñen libro para conmemoralo! Ademais, como as cantareiras, petiscos de aquí e acolá cun moito de música.

#EspertaValladares os venres, sae cultureta. Ademais, dos recordos de Castrelos, paseo pola feira de Beade e pola axenda do centro cultural, que estamos no mes das Letras Galegas.

Hoxe collemos o coche… pero ben acompañadas. Falamos coa autoescola Quyaro, que sigue enseñando a conducir a xeracións de veciños da parroquia.

O balonmán femenino de Vigo e contorna está vivindo un gran momento, desto e da súa traxectoria deportiva falaremos con Fátima, a traballadora social do Centro Veciñal e Cultural que esta tempada xogou no Carballal. Aproveitaremos tamén para coñecer á Fundación Esplai e o seu traballo na nosa cidade.

Hai unha semana estabamos de resaca da apagada… no #espertavalladares deste martes retomaremos a conversa con Xoan Carlos Abad, sobre os rapaciños da contorna viguesa que marcharon coa ‘División Azul’. Ademais, descubriremos as rutas da andaina polos montes de Vigo o domingo. Falaremos con Javi Maneiro sobre ‘Anxos no inferno’, o seu último sinxelo.

Empezamos a semana falando coa plataforma de afectados pola ampliación do PTL, estiveron pola radio para explicarnos como vai o proceso, as súas reclamacións, en que punto se atopan as expropiacións…

Vai un especial musical cheiño de arrolos para ir celebrando día das nais e mais o mes das Letras Galegas.

Mércores de fútbol. O domingo subimos á Gándara a mirar ó Valladares, que tiñan derbi co Gran Peña. Un empate sen goles pero que nos deu para moito. Ademais, tarde no Centro Cultural que se cumplen os 10 anos de Celtabirras. E plans, que a ponte é longa!

Co apagón de onte, hoxe vai repetición… outra vez a Red Conecta. E peticicións musicais variadas, que internet e os teléfonos inda van así-así.

Coñecedes a Red Conecta? A verdade é que nós tampouco. Os pasados 24 e 25 de abril tiveron en Vigo a súa asemblea anual. E venres a xornada de traballo foi nas instalacións do Centro Cultural de Valladares, unha das primeiras asociacións que formaron parte da rede.

Como é venres... programa cultureta! Conversa con algúns dos artistas que subirán ó esceario esta finde no auditorio de Valladares: Charo Pita e Acodeireta. Ademáis, memorias de Castrelos e outras propostas de ocio.

Viaxamos ata a illa de Ibo en Mozambique para coñecer o proxecto ‘Escolinha’ da Fundación IBO. Ademais, conversa de vagar con Abel Martín de La Fiesta Escénica, que estes días descansa en Oia mentres os seus espectáculos xiran polo mundo mundial.

Tres propostas ‘made in feito na casa’. A peña Celtabirras celebra os 10 anos, a Galería Maraca organiza o festival Creativa e a xente de Lideiras, volve xuntarnos nas Picnic Sessions de Saians. Ademais, anécdotas dende a butaca do García Barbón na final do concurso de piano Ciudad de Vigo.

Martes, patrimonio… imos ata o Liste a mirar a obra de Rebeca Lar. Antes, aproveitamos a facer un cachiño da andaina pola parroquia, que é o sábado 26, e aínda estades a tempo de anotarvos nas oficinas do CVCV. E tamén paseo da Porta do Sol ata a praza da Pincesa onde está o piano de cola do certame internacional.

Pascua… xa tendes o roscón? Traemos programa. Escoitaremos a estes reporteros de 'Onda Valadares' no IES Valadares que, con guión e todo, nos foron contando a súa semana cultural. E, xa que estamos pola parroquia, algo de toponimia da zona, ‘as maquías’.