Monitor

Suid-Afrika se naelloopsensasie, Wayde Van Niekerk, het sy afrigter die krediet vir sy prestasie gegee. Volgens Van Niekerk het die 74-jarige oumagrootjie, Anna Botha, hom tot die volgende vlak gedruk en laat glo dat enigiets moontlik is. Ten spyte van die 50-jaar ouderdomsgaping het die twee 'n merkwaardige vennootskap opgebou. Justin Kennerley doen verslag.

Die wêreldbekende sanger en skrywer, Leonard Cohen, se hartroerende laaste brief aan Marianne Ihlen op haar sterwensbed het menige harte geroer en wye reaksie ontlok. 'n Joernalis van die Mail and Guardian, Suzanne Moore, sê in haar artikel Cohen het 'n baie skaars ding reggekry - om met klaarheid en helderheid oor die dood te praat.

Om dood te gaan is ons almal se voorland, maar dis iets waaroor daar saggies of selde gepraat word. In die lig van Leonard Cohen se hartroerende brief aan die sterwende Marianne Ihlen, sy muse en geliefde van tien jaar, het Marlinee Fouche met verskeie mense gepraat wat op 'n gereelde basis met die dood te doen kry. Die vraag is eenvoudig, en die antwoord kompleks: praat ons GENOEG en SINVOL oor d...

'n Blou golf het die naweek oor Nelson Mandelabaai gespoel toe die DA sy oorwinning gevier het as die grootste party in die metro. Die party het 46,71% van die stemme in die munisipale verkiesing ingepalm, en die ANC 40,92%. Die metro word gesien as 'n ANC-vesting omdat talle struggle-helde hulle wortels daar het. Veronica Fourie het die feesvierings bygewoon.

Die Parsemus Stigting in die V.S.A. het pas aangekondig dat Vasalgel dalk binnekort op die mark sal wees. Dit is 'n produk wat werk vir mans, soos die pil vir 'n vrou. Dr Amir Zarrabi is 'n urolooog by die Fakulteit Geneeskunde en Gesondheidswetenskappe aan die Universiteit Stellenbosch en Tygerberg Hospitaal, en spesialiseer in manlike infertiliteit en mikrosjirurgie. Hy sê dit is 'n reuse voorui...

'n Paar maande gelede was Charles Visser teen die spreekwoordelike planke. Die vryskutskrywer en teksredakteur se werkgeleenthede het die afgelope vier jaar drasties opgedroog. Dit het eers periodiek gebeur, tot dit later sommer vir maande voortgeduur het. Hy móes net 'n plan maak om nie een van die land se werkloosheidstatistieke te word nie. Die oplewing van Uber in Suid-Afrika het vir Visser 'n...

'n Slag wat bykans vergete is – dit is die Slag van Delvillebos tydens die Eerste Wêreldoorlog. President Jacob Zuma is in Frankryk en onthul vandag (12 Julie 2016) 'n muur van herinnering vir alle Suid-Afrikaners wat in die Eerste Wereldoorlog gesneuwel het. Dit is ook die 100e herdenking van die Slag van Delvillebos waarin daar na raming meer as 3 000 Suid-Afrikaanse soldate dood is. Hanri Wonde...

Die sewe SAUK-joernaliste wat of geskors is, of wag op datums vir tugverhore, is die naweek deur die Suid-Afrikaanse Nasionale Redakteursforum vereer. Adriaan Basson, News24 se nuusredakteur en SANEF se tesourier, het aan Marlinee Fouche gesê die Nat Nakasa-toekenning is die hoogste vlak van erkenning wat die forum aan joernaliste oorhandig.

Agt joernaliste van die SAUK is die afgelope naweek met die Suid-Afrikaanse Nasionale Redakteursforum se Nat Nakasa-toekenning vereer. Van die joernaliste, insluitend Suna Venter en Foeta Krige van Monitor, is geskors of wag vir datums van tugverhore. Dit volg nadat hulle hulle uitgespreek het teen die uitsaaier se verbod op beeldmateriaal van gewelddadige protesoptredes. Gesprekke rondom mediavry...

Die dogter van een van Suid-Afrika se mees berugte, vermeende misdadigers het 'n boek oor haar lewe geskryf, oor die jare van mishandeling. Die boek se titel is MISHANDEL, MISBRUIK, MISKEN: JOEY HAARHOFF WAS MY MA. Die skrywer is Carla van der Spuy en dit word uitgegee deur Lapa. Dit vertel die storie van Amor van der Westhuyzen, dogter van Joey Haarhoff, die vrou wat daarvan verdink is dat sy jon...

Die Suid-Afrikaanse regisseur, Gavin Hood, se jongste rolprent het soveel mense die naweek na Prins Albert gelok, dat die organiseerders twee ekstra teaters daarvoor moes beskikbaar stel. Dit was 'n groot trekpleister vir besoekers van die In die Karoo Filmfees wat in die dorpie plaasgevind het. Hood het aan Anna-Marie Jansen van Vuuren gesê dat FIELA SE KIND een van sy gunsteling rolprente is. Ho...

Twee dae ná die Soweto-opstande van 1976 is die land geruk deur die eerste werklike veroordeling van apartheid vanuit die wit, Afrikaner-establishment. Die Erika Theron-kommissie se verslag, op 18 Junie 1976, is egter deur die Vorster-bewind in die politieke asblik gegooi. Haar aanbevelings dat die ontug-wet, die groepsgebiede-wet en die wet op gemengde huwelike geskrap word, is eers nege jaar lat...

Kunsvliegvertonings is een van die gewildste items by lugskoue. Jy kry vlieeniers wat solo-vertonings lewer, en vlieeniers wat in formasie vlieg. Suid-Afrika het 'n tyd lank beperkte formasie-vertonings gehad. Maar in 2013 het 'n groep vlieeniers besluit dit is veel lekkerder om saam te vlieg as alleen....en 'n jaar later het hulle hul eerste vertoning by die Zebula lugskou gelewer. Justin Kennerl...

Net genoeg om die familie aan die lewe te hou, dis al wat die vissermanne aan die Weskus voor hoop. Die gemeenskap met hul unieke behoeftes is afhanklik van die see om 'n bestaan te voer. Dit word telkens gekompliseer deur probleme met visvangregte wat die manne en vroue gereeld warm onder die kraag het. Melissa Tighy en Izak du Plessis het Lambertsbaai met die oog op die naderende plaaslike verki...

Die droogte hou nie net negatiewe gevolge in vir mense nie, maar ook vir insekte. Die vraag is nou of enigiets wat ons gewone mense doen insekbevolkings kan red? Daar is mense wat boodskappe op sosiale media versprei, wat meen dat ons veral bye met suikerwater moet voer, om hulle voortbestaan te help verseker. Marlinee Fouche het by RSG se natuurkenner, Dave Pepler, gaan uitvind of daar enige waar...

Het jy geweet dat daar iets bestaan soos handsak-verekering? Dit is spesifiek daar om vroue wie se handsakke gesteel word, te help om die besittings daarin te vervang. 'n Versekeringskonsultant wat in haar voertuig van haar besittings beroof is, sê dis opvallend dat heelwat vroue, nie altyd weet waarvoor hulle in aanmerking kom nadat so iets gebeur het nie. Marlinee Fouche berig...

Die wenner van die Comrades-marathon, David Gatebe, neem meer as 'n miljoen rand huis toe na hy die wedloop gewen het. Die lid van die Tomtom-atletiekklub het die Rus, Leonard Shvetsov, se rekord van 2007 verbeter. Die vroue-kragmeting was 'n geveg tot die bitter einde na die wenner van 2015, Caroline Wostmann, haar voorsprong tien kilometer voor die einde moes prysgee. Minoshni Pillay en Dianke N...

Help ons om dwelm-muile in Asiese tronke se vonnisse van doodstraf tot lewenslange tronkstraf te verander. Die hulpkreet kom van Locked Up, 'n organisasie wat Suid-Afrikaners help, wat weens dwelm-verwante misdade in oorsese tronke sit. Volgens die regering is meer as 'n duisend Suid-Afrikaners oorsee gevonnis, waarvan talle tereggestel gaan word. Maar Locked Up se direkteur, Patricia Gerber, betw...

Media- en regkenners veroordeel die SABC se besluit om nie oor gewelddadige betogings te berig nie. Die besluit is Donderdagaand glo aan die redaksie oorgedra en 'n mediaverklaring daaroor is Vrydagoggend uitgereik. Metzi van der merwe doen verslag.....

Die joernalis en politieke kommentator, Max du Preez, sê Kaapstad bly - ten spyte van ál sy suksesse - steeds die wêreld se mees ongelyke stad. Hy beskryf die Moederstad as die DA se kroon-juweel, wat wel meer belasting-geld aan arm woonbuurte as ander stede bestee.

Die Statistikus-generaal, Pali Lehohla, sê dat opleiding kan help om Suid-Afrikaanse stede te integreer. Dit volg nadat 'n vergelyking tussen die laaste twee sensusse toon dat stede in Suid-Afrika nog steeds volgens ras verdeel is.

Die sosiale media gons oor 'n spotprent van Jonathan Shapiro, waar hy die hoof van die NVG, Shaun Abrahams, as 'n aap uitbeeld. Shapiro, beter bekend as Zapiro, het groot kritiek oor die spotprent ontvang, met sommige individue wat dit as rassisties beskou. Shapiro het met Jean Esterhuizen gepraat oor die reaksie op sy spotprent. Hy sê die publiek verstaan verkeerd wat hy oor President Jacob Zuma...

Navorsers aan die Universiteit Kaapstad het kenmerkende genetiese patrone vir ses algemene soorte kanker ontdek. Volgens Professor Kevin Naidoo, is dit 'n mediese deurbraak wat vir vroee kankerdiagnose en geteikende behandeling gebruik kan word.

Die saak van seksuele teistering teen die Wes-Kaapse voorsitter van die ANC, Marius Fransman, is skynbaar nog ver van verby. Dit is nou ten spyte van 'n besluit van die vervolgingsagesag in Noordwes om weens 'n gebrek aan bewyse, nie te vervolg nie. 'n Beëdigde verklaring van 'n ANC takleier is egter nou na die party se nasionale kantoor gestuur, waarin beweer word dat die klag teen Fransman verva...

Regter Dikgang Moseneke het pas afgetree as adjunk Hoofregter in die Konstitusionele Hof. Na verlede week se fanfare en afskeidspartytjies, het hy 'n draai kom maak in die Monitor ateljee waar hy gesels het oor sy lewensfilosofie