Leitisstein

Kóboykex er ein føroyskur superbólkur í orðsins rætta týdningi, tí Heiðrik á Heygum og Sigmund Zachariassen eru báðir kendir úr øðrum bólkum. Sigmund úr Joe & The Shitboy og Heiðrikur frá sínum soloútgávum og bólkinum Einangran. "Wagon Wheels" eitur debutplátan hjá bólkinum, sum bleiv stovnaður í einari barr í Reykjavík. 

G! festivalurin er tónleikahátíð føroyinga, og aftur í ár er Høgni Lisberg komin á gátt at spæla eitt sindur av tí veldi av tónleiki, ið verður at hoyra á G! Jón Tyril kemur eisini á gátt í sambandi við, at Clickhaze fer aftur á pallin á G! 23 ár síðani seinastu framførsluna á G!. Og Sakaris peppar um amerikanska høvuðsnavnið Oliver Tree.

Marianna Winter hevur verið virkin á føroyska tónleikapallinum í nógv ár eftirhondini, og nú hon gevur sína fyrstu heildarútgávu út, "The More You Know". Í hesum sambandi er hon gestur hjá LEITISSTEIN, har vit spæla og tosa okkum ígjøgnum alla plátuna.

"Málið er fyrst og fremst at geva góðan tónleik út, men eisini tónleikaliga at skilgreina meg sjálvan av nýggjum," sigur Beinir, sum 5. juni gevur nýggju EPina "The end or beginning of us"  út. Men í sendingini í dag ber til at frumhoyra sendinga, tá Beinir er gestur.

LEITISSTEIN er gestur hjá Sámali Ravnsfjall, tí sent verður úr stovuni hjá Sámali í Húsabrekku í Miðvági í sambandi við heiðurskonsert fyri Sámali Ravnsfjall.

Kim Nyberg, Dánjal á Neystabø og Heðin Ziska Davidsen eru gestir í sendingini.

Limirnir í rokkbólkinum Wolfgang, Einar Jacobsen, Bergmann Finnsson, Kári Streymoy og Gunnar Thomsen, eru gestir í sendingini í sambandi við, at Wolfgang er uppafturstaðin. Wolfgang, ið hevði sína stórtíð í nítiárunum, er komin afturíaftur við sínari sjálvnevndu debutplátu út.

Greta Svabo Bech er ein stjørna á føroyska tónleikahimmalinum. Tað hevur Greta verið síðani hon í 2011, sum fyrsti føroyingur í søguni, bleiv tilnevnd til eina Grammy-heiðursløn. Nú, 15 ár seinni, debuterar hon við sínari fyrstu plátu "Beautiful Obscenery", hvørs heiti hon hevur týtt til "Svakurleiki" á føroyskum.

"Sýrublað" eitur sjeynda plátan hjá Guðrið Hansdóttir. Í sambandi við útgávuna er Guðrið gestur í sendingini, har plátan verður spæld úr enda í annan, meðan prátað verður um sangirnar og alt møguligt annað. Tað ger tað ikki verri, at LEITISSTEIN eisini hevur ein leiklut á plátuni. 

Nýggjur og spikahamrandi feitur tónleikur er á skránni við eitt nú Jay Buchanan, oddamanni í Rival Sons, Michael Stipes, Guðrið Hansdóttir og øðrum. Men verið ávarað: Sjálvfiti er eisini á skánni.

Sendingin er rættiliga Americana, men hóast tað, so er tað spikahamrandi feitur tónleikur á skránni.

Nógvur spikahamrandi feitur tónleikur, ið er valfríur, tað vil siga, at hann er óheftur av løgtings- og fólkatingsvalunum. Njótið tónleikin.

2025 var eitt stórt ár fyri unga fólkatónleikarabólkin Kalas. Tær fýra ungu kvinnurnar í bólkinum, Bjørt, Døgg, Kristianna og Sigrið, útgóvu debutútgávuna "Minnisgripir", og tær hava spælt á Summarfestivalinum, Tórsfest, til handanina av Mentanarheiðurslønunum og mangt annað. Alt endaði við FMA-tilnevningum í bólkinum "Ársins serútgáva" og "Ársins spíri". Tær fýra eru gestir í LEITISSTEIN. 

LEITISSTEIN koyrir tað heim solo, men borðreiður við nógv nýggjum og spikahamrandi feitum tónleiki.

Tað endaði við einari ommukapping á sms-skipanini, tá liminir í Tunghoyrt vóru í útvarpsstovuni og løgdu debutplátuna "ÓJÓ" fram á blik. Jóni Strøm, Helge Marius Greve, Bjarni Jakobsen og Erik Reynheim manna Tunghoyrt, og teirra mál er at fáa fleiri ungar føroyingar at spæla rokktónleik. 

Anna Lovisa, Bjarki, Emma, Filip, Jóhanna og Sophilia eru gestur í sendingini í sambandi við, at tey eru spírarnir úr nýggju og spennandi KVF-tónleikarøðini Hoydalar, sum júst er farin av bakkastokki. Í fyrstu sendingini tulkaðu spírarnir sangir hjá Martini Joensen, og tær tulkingarnar verða allar spælar, umframt at vit eisini fáa orðið á stjørnuna í fyrsta parti, Martin Joensen. Bjarta Tjørná, st...

Nógvur nýggjur og spikahamrandi feitur tónleikur er á skránni í sendingini. 

Í sendingini verður borðreitt við tónleiki, ið er eins feskur og ein toskur, sum er fiskaður við línu á landleiðini, tí bróðurparturin av sangunum eru útgivnir í 2026. Gleði tykkum til eina sending við nýggjum tónleiki frá Zach Bryan, Arctic Monkeys, Sleaford Mods, Gorillz, Mumford and Sons og øðrum. Njótið tónleikin.

Sendingin er á tremur við nýggjum og spikahamrandi feitum tónleiki frá tónlistanøvnum innan sera ymiskar sjangrur, eitt nú Geese, Mavis Staples, Lizzo, Blondshell og so framvegis.

2025 var enn eitt spikahamrandi feitt tónleikaár, og tað endurspeglaðist eisini í LEITISSTEIN. Í sendingini taka vit tráðin frá seinastu sending upp og rør aftur á tónleikaárið 2025.

2025 var enn eitt krútsterkt tónleikaár. Tað, ið rekst í meginstreyminum hoyra fólk nokk til, og tí verður her róð aftur á alternativu útgávurnar, sum komu út. Hin tónleikakøni Eiler Sørensen, ið hevur poddvarpið "Plátuhornið" á Facebook, er samvertur í sendingini. Njótið tónleikin, tí hann er spikahamrandi feitur. 

Fastur táttur í LEITISSTEIN er, at tónlistafólk vera boðin á gátt í sendingini við nýútgivnum plátum. Soleiðis hevur eisini verið í 2025, har legendan Martin Jensen eisini var gestur. Fleiri kendar útgávur feiraðu rundar føðingardag og vóru umrøddar í sendingini. Hendan sendingin er eitt samankók av nøkrum av tí, sum var at hoyra í LEITISSTEIN.

Jólini eru ein siðbundin tíð, og soleiðis er eisini í LEITISSTEIN, har Eiler Sørensen aftur í ár er gestur og velur alternativan jólatónleik. Jólavættrarnir Katrin Rúnarsdóttir Reistrup og Rannvá Píl Heinesen, sum hava verið í starvsvenjing í KVF seinastu vikurnar, eru eisini við í útvarpsstovuni. 

"Gløgg" eitur nýggja jólafløga, ið Steintór Rasmussen hevur latið úr hondum. Talan er um eina samling av jólasangum, ið Steintór Rasmussen hevur skrivað millum ár og dag. Summar eigur hann bæði orð og lag til - aðrar bara orðini. Summir eru ongantíð útgivnir áður, meðan aðrir eru. Steintór syngur bara ein sang sjálvur, men hevur fingið onnur at tulka sangirnar hjá sær, eitt nú "Eitt stjørnuskot so...

Dennis Agerblad og Terji Krossteig byrjaður at spæla saman sum maður:glotti í 1988. Tíggju ár seinni góvu teir sína fyrstu heildarútgávu út, ið fekk heitið "Sum". Síðani kom "Nakin" í 1999, men so gingu tíggju ár, áðrenn "Land" kom út. Nú 16 ár seinni gevur kultbólkurin sína fjórðu plátu út, ið hevur fingið heitið "Stev". Dennis Agerblad og Terji Krossteig eru gestir í sendingini.