KulturSharea

Xabi Solano musikariak eta Jon Garmendia Txuria idazleak duela 30 urte ezagutu zuten elkar Hernanin. Orduz geroztik, bi lagunen arteko harreman polita izateaz gain, 250 kantutik gorako bilduma osatu dute Etzakit, The Solanos, 4 itzal eta Esne Beltza taldeekin, eta hainbat ikuskizunetan ere bakarka aritu dira. Orain, beste pausu bat eman nahi izan dute eta ikuskizun berezi batekin datoz: Bidasoatik...

Euskalgintzak eta udal ordezkariek euskararen erabilerak behar duen lekua izateko neurriak sustatzeko konpromisoa hartu dute. Araba, Bizkai eta Gipuzkoako alkateak, udal hautetsiak eta euskalgintzako ordezkariak Bilbon bildu dira gaur, EAEko Justizia Auzitegi Nagusiaren aurrean egindako agerraldian.

Donostiako Piratek aurtengo Aste Nagusia aurkeztu eta honen ezaugarriak aletu dituzte Donostiako Kaian. Abuztuaren 9tik 17ra bitartean izango da aurtengo edizioa.

Bizkaiko Erromeria Egunaren lehen edizioa egingo dute urriaren 4an, Durangon. Egun osoko egitaraua antolatu dute. Herri osoa euskal musikaz, dantzaz eta erromeriaren bueltako bestelako edukiez jantzi nahi dute.

Urriaren 4an abiatuko da Nafarroako Bertsolari Txapelketa, Auritzen. Bertsolaritza Nafarroan izaten ari den gorakadaren ondorioz, Bertsozalek saltoa egitea erabaki du eta finala Nafarroa Arenan izango da azaroaren 29an. Denera 30 bertsolarik eman dute izena.

Gaur abiatuko da EHZ festibala Arberatzen, Besteak beste, kontzertuak, hitzaldiak, ikuskizunak eta haurren txokoa izango dira igandera bitartean.

Getxo Folk Jaialdiak Benito Lertxundi omenduko du. Hunkidura Kuttunak ikuskizunak hainbat diziplina artistikotako artistak bilduko ditu Algortako Muxikebarrin irailaren 14an. Horien artean Kukai Dantza, Mikel Markez, Idoia Asurmendi, Janus Lester eta Mirua taldea izango dira.

Irailaren 28an abiatuko da Bizkaiko Bertsolari Txapelketa Urdulizen. Txapelketa egitura eta final aldaketarekin dator: bost saio jokatuko dira lehenengo fasean, finalaurrekoak bi bueltatara izango dira, eta finala Casillan jokatuko da abenduaren 20an.

Hamabosgarren aldiz, Euskal Kultur Erakundeak, Euskal Itsasbazterreko zentroak eta Euskal Idazleen Elkarteak Nekatoenea baserrian egonaldi bat antolatuko dute Euskal Herriko idazleentzat. Hautagaitzak aurkezteko azken eguna uztailaren 4an izango da.

Marrumaka jaialdia egingo dute urriaren 4an eta 5ean, Sarako Leizeetan. Gorka Urbizu, This is the kit, Ibil bedi, Ezezez, Kaskezur edota Lumi taldeak igoko dira oholtzara. Kontzertuez gain, hitzaldiak, dantza eta hainbat ekimen izango dira.

Hendaiako Antzerkiaren Maiatza festibalak egitarau berezia antolatu du 40. urteurrena ospatzeko. Maiatzaren 22tik 25era bitartean, ikusgarriak, topaketak, erakusketak eta hainbat sorpresa izango dira Hendaian.

Literaturia jaialdia maiatzaren 23tik 25era egingo da Zarautzen. Edizio honetako leloa Ihes izango da eta, azokaz gain, ekitaldi, solasaldi eta liburu-aurkezpen ugari izango dira asteburu osoan zehar. Jarduera guztiak Lege Zaharren enparantzan, Modelo aretoan eta Etxezabalan izango dira.

Emakume Sortzaileen Topaketa antolatu dute bihar, Durangoko Plateruenan, Ekitaldia irekia izango da parte hartu nahi duten guztientzat, eta ez da beharrezkoa izango aldez aurretik izena ematea.

Gizon publikoen gabezia pribatuak, familia-ereduak, kausa nobleen alde sakrifikatzen direnak eta beste hainbat gai lantzen ditu Goiatz Labandibarrek 'Eresia hil kanta aitari' nobela laburrean.

Maiatzaren 10ean abiatuko da Señora Sariketaren edizio berezia, Eskoriatzan. Bosgarren urteurrena edizio berezia egiteko baliatu du antolakuntza lan-taldeak eta plazan ez dabiltzan bertsolariak izango dira sariketan parte hartuko dutenak, bertso plazara salto egiteko bide “hertsia” arrakalatu nahi dute horrela.

Oskar Alegriak ‘Oteiza 14 apostolu’ pelikula filmatzen hasiko da. Ikus-entzunezko pieza honetan, kultur giroko hainbat arlotatik datozen hamalau lagunek parte hartuko dute.

‘Kneecap’, euskalgintzak gogoeta egiteko film irlandarra euskaratu dute azpitituluen bidez

Haurrentzako Antzerki Testuen Lehiaketarako deialdia zabaldu dute Iruñean. Ekainaren 10era arte egongo da lanak aurkezteko epea zabalik. Kalitate literarioa, sormena, originaltasuna eta lana taularatzeko modukoa izatea hartuko dira kontuan.

Tentazioa konpainiak Telmo Iruretaren ‘De agua y arena’ film laburrean oinarritutako ‘Interview: Urez eta hondarrez’ ikuskizuna estreinatuko du Donostian. Emanaldia apirilaren 2an izango da Victoria Eugenia Antzokian eta sarrerak salgai daude jada.

Euskal Herriko bigarren Argazki Topaketa antolatu dute maiatzaren 10ean, Aretxabaletan. Egitaraua zortzi hitzaldiz eta erakusketa kolektibo batez osatuta egongo da. Topaketaren bidez, euskal argazkigintza garaikidea sustatu eta balioetsi nahi du antolakuntzak.

Mintzolaren ikerketa-sarien 2025eko deialdiak martxan dira. Euskaraz egiten den ahozko jardunari (euskarazko hizkerari) buruzko ikerketa zientifikoak bultzatzeko xedea dute deialdiek.

Pantailak Euskarazek 2024an Euskal Herriko zinema komertzialetan izan ziren estreinaldi kopurua eta eskainitako filmen hizkuntza aztertu du, eta datuak “gordin bezain kezkagarriak” direla nabarmendu dute, “euskarazko jatorrizko bertsioan, euskarara bikoiztuta, edo euskarara azpidatzita eskaini den estreinaldi kopurua ez da % 1,6ra iritsi adierazi du.

Hika Teatroaren ‘Zorretan’ antzezlanak irabazi du aurtengo Donostia Antzerki Saria. Epaimahaikideen iritziz, “oso modu egokian daude ekarrita taulara antzezlanean jorratzen diren gai sakonak: amatasuna, ama-alabaren arteko harremana, zaintza, maitasuna, dolua... Gai hauek planteatzeko modu eta ikuskera ugari erabili ditu egileak”.

28. Igartza Literatura-Sorkuntzarako Bekara aurkezteko epea zabalik da. Idazle gazteek ekainaren 30era arte izango dute euren proiektuak aurkezteko epea zabalik.

‘Hitzaurrea’ soinu-esperientzia digitala estreinatuko dute martxoaren 10ean, Bilbon. Piszifaktoria ideien laborategiak eta Fikzio Fabrikak ibilbide erreal bat proposatzen dute kaleetan barna. Parte-hartzaile bakoitzak bere esperientzia propioa bizitzeko aukera izango du, mugikorrarekin webgune batera konektatu, aurikularrak jantzi eta bere herriko kaleetara atera ondoren.