KulturSharea

Euskaltzaleon Martxa lelopean, ekainaren 13an Iruñeko kaleak betetzeko martxa jendetsua deitu du Euskalgintzaren Kontseiluak, euskararen aldeko eragile sozialen bilgune nagusiak.

1545 argitaletxeak Literatura Plazara ekimenaren laugarren edizioa antolatu du Oiartzunen. Gaur izango du lehen hitzordua ekimenak Biziminak. Doluak hitzetan errezitaldiarekin. Bertan, Goiatz Labandibar, Karmele Mitxelena eta Olatz Mitxelena idazleek, Idoia Hatxe, Izaro Telletxea eta Ainara Lasa herriko sortzaileek parte hartuko dute, arratsaldeko 19:00etan, Landetxen.

‘Lula Otsoa’, haurrentzako entzunezko ipuin serietan eta album ilustratuetan oinarritutako hezkuntza proiektua aurkeztu dute. Egitasmoaren audio serie osoa entzungai dago euskaraz eta liburu-bildumaren lehengo bi zenbakiak ere argitaratu dira. Lula Otsoa Euskal Herriko eta Euroeskualdeko eragileen arteko elkarlanari esker garatzen ari da. Ulu media, Sudurgorri Studio eta Gure Irratiaren arteko lan...

RubiK al Kuadrado konpainiaren ‘Oniro’ proiektua hautatu dute Getxoko Juana Bizkarra Egonaldi Artistikorako

Euskal pentsamenduaren ur-jauzia kongresua egingo dute abenduaren 16tik 18ra, Donostiako San Telmo Museoan. Joxe Azurmendiren lanetatik abiatuta, kultura, nazioa, feminismoa, gogoeta etikoak eta pentsamendu soziala dira landuko diren gaietako batzuk. Proposamenak uztailaren 15era arte bidali ahal izango dira.

Maria Markotegi sariak eta Nanoipuin lehiaketa aurkeztu dituzte Sakanan Lehenak poesia, komikia, narrazio laburra eta booktubea sustatzea du helburu. Bigarrena, berriz, euskaltegietako ikasleei zein mintzakideei zuzendutako lehiaketa.

Bilboko Lautan Hiru antzerki jaialdia Ipar Euskal Herriari begira jarriko da otsailaren 5tik aurrera. Lautan Hiru: antzerki txikia, festibal handia egitasmoaren zortzigarren edizioa lau ostegunetan egingo da (otsailaren 5ean, 12an, 19an eta 26an), eta, guztira, zortzi ikuskizun eskainiko dira. EHAZErekin batera antolatutako Ikusle Klubari ere eutsiko zaio.

Mirari Martiarena eta Idoia Torregarai umoregileek ‘Eskailerapekoa’ ikuskizun berria sortu dute. Umorea eta generoa ardatz hartuta, lau bakarrizketa josi dituzte ordu beteko saioan. Aurrestreinaldia otsailaren 1ean, igandea, izango da Adunan.

Euskal Herrian literatura beltza sustatzeko 2026ko (H)ilbeltza beka martxan da. Deialdi honen helburua Das Versprechen eleberri beltza itzultzea da. Horretarako, parte-hartzaileek aipatutako eleberriaren lagin bat itzuli beharko dute, zehazki lehendabiziko eta bigarren atalari dagozkionak, hain zuzen. Lanak martxoaren 16ra arte aurkeztu ahal izango dira Baztango Udaleko erregistroan.

AEK-k 24. Korrikaren ibilbidearen xehetasunak eman ditu ezagutzera. Euskararen aldeko ekimen erraldoia martxoaren 19an irtengo da Atharratzetik eta, hamaika egunez Euskal Herri osoa igaro ostean, Bilbon amaituko da, martxoaren 29an. Denetara 2.173 kilometroko ibilbidea izango da.

Urtarrilaren 19tik 25era bitartean egingo dute Euskal Nobela Beltzaren Astea Baztanen. (H)ilbeltzan genero beltzeko liburuen aurkezpenak, mahai-inguruak, solasaldiak, bazkaria, antzerkia, itzuli beltza edota susmagarrien gaua izango dira.

BatBatean jaialdia jaio da Gasteizen, Euskal Herri osoko gazteak elkartzeko xedez. Lehen edizioa maiatzaren 15ean eta 16an egingo dute Mendizabaleko aparkalekuan. Antolatzaileen esanetan, egitasmoak "proposamen fresko eta indartsua" ekarriko du, pop rock, rock, punk, elektronika eta rap estiloak uztartuz.

Arantza Plazak jantziko dio txapela Bizkaiko txapeldunari abenduaren 20an, Bilboko Casillan. Erabaki honekin, Bertsozale Elkarteak bertsolaritzaren transmisioan egiten den lanari egin nahi izan dio gorazarrea.

Galtzagorri Haur eta Gazte Literatura Elkarteak Biko-teka ilustrazio- eta narrazio-lantegia antolatu du, 2026ko urtarrilaren 26tik 30era bitartean. Euskarazko ilustrazio- eta narrazio-lantegiak liburu grafiko bat edo haurrentzako album bat sortzea du helburu, Aitziber Alonso ilustratzaileak eta Harkaitz Cano idazleak gidatuta. Izen-emateak abenduaren 5era arte egongo dira zabalik.

Durangoko Azokak aurtengo egitaraua eta nobedade nagusiak aurkeztu ditu. Berritasunen artean, bi gune berri izango dira: Berbagailua eta Atartea, eta gaueko ikuskizunak itzuliko dira. 1000tik gora nobedade, 273 ekitaldi eta 285 erakusmahai izango dira 60. edizioan.

Getariako eta Lesakako Udalek, herriko ostalariekin batera, idazleentzako egonaldiak antolatu dituzte 2026 urterako. Urte bakoitzean bost idazleri eskainiko dizkiete sormen-egonaldiak egiteko aukera. Parte hartu nahi dutenek abenduaren 15a baino lehen aurkeztu beharko dute eskabidea.

Jardun Euskara Elkarteak, Goiena Komunikazio Taldeak eta Bergarako Udalak Algaraka Bakarrizketa Gaua antolatu dute elkarlanean. Hitzordua abenduaren 19an izango da Bergarako Seminarixoan. Euskarazko ahozkotasuna, umorea eta sormena sustatzeko helburuarekin jaio zen Algaraka proiektuak bigarren edizioa izango du aurten, eta berrikuntzekin dator. Formatu lehiakorra alde batera utzita, oraingoan baka...

Hitzen Lihoa kultur zikloa antolatu dute izen bereko elkarteko kideek azaroaren 10etik 16ra bitartean, Oiartzunen. Urtero bezala, gai baten bueltan antolatu dute egitaraua. Zortzigarren edizio honetan, beraz, intimitateaz aritzeko diziplina ezberdinetako artista eta pentsalariak gonbidatu dituzte.

Harribitxiak bailiran, Diamantea eta Zilarra abestiak jasotzen dituen EP bat kaleratu du Gorka Urbizuk. Gorka Urbizuk Bakan izeneko EP sorta kaleratzeari ekin zion urtarrilean. Bakan I argitaratu zuen orduan, eta, orain, serie honen bigarren alea eman du argitara Bakan II izenpean.

‘Linguae Vasconum Primitiae’ euskaraz argitaratutako lehendabiziko liburua ikusgai da Baionako Euskal museoan. Bernart Etxeparek 1545. urtean euskaraz idatzitako lana urtarrilaren 11ra arte egongo da ikusgai.

Erresistentziak erdigunera ekartzeko asmoz Hariak zinemaldia antolatu dute Hernanin. Hiru gai nagusiren inguruan ardaztuko dira aurtengo dokumentalak: trantsizio ekologikoa, gerrak eta migrazioak. Zinemaldia azaroaren 6tik 16ra bitartean izango da eta dokumental emanaldiak eta haien inguruko solasaldiak izango dira, Kulturarteko Plaza Feministan.

Markos Gimenoren ‘Karteletrak’ erakusketa irekiko dute urriaren 3an, Gasteizko Izaskun Arrue Kulturgunean. Artista ugarik ilustratutako berrogeita hamar palindromo baino gehiago biltzen ditu erakusketak.

Josu Martinezek 1977tik 1980ra Joseba Sarrionandiak idatzitako zinema kritika eta komentarioak liburu batean bildu ditu

Poesiak aberriaren gaia nola jorratu duen aztertuko dute Lekeitioko ‘irailekoak’ egitasmoan. Hilaren 26an, 27an eta 28an izango da poesia-jaialdia eta hitzaldiak, errezitaldiak, antzerkia, errezitaldi musikatuak eta omenaldiak hartuko ditu.

Auritzen abiatuko da Nafarroako Bertsolari Txapelketa urriaren 24an. Finala, lehen aldiz, Nafarroa Arenan izango da, azaroaren 29an.