Mótorvarpið

Íslandsmeistararnir í AB Varahlutaflokki í rallinu fara yfir ferla sína í mótorsporti. Ívar og Guðni hafa keppt lengi í mótorsporti og fara þeir hér yfir ferla sína, sem í mörgum tilfellum er samofin Braga þáttarstjórnanda.

Sögulegur viðburður í Mótorvarpinu þar sem Bragi fær til sýn gest og tala þeir ekki bara um Mótorsport á fjórum hjólum. Lexi hefur unnið fjölmarga titla í Snjókrossi en hefur einnig keppt í Motocross, Enduro, Go-Kart, Rally og Rallýcrossi.

Atli Jamil hefur síðastliðin ár keppt í torfæru með góðum árangri, en hann seldi Thunderbolt eftir að hafa tryggt sér Noregstitilinn í fyrra. Nú keppir hann í Rallýcrossi á ofur-Yaris!

Bragi fær Íslandsmeistarann í torfæru frá 2006 í spjall. Sigurður Þór Jónsson keppti stanslaust í torfæru frá 1992 til 2009.

Bragi fékk til sýn þá Jóhann og Viktor til að tala um kappaksturinn Formúla 1000. Fyrsta kappaksturskeppnin fór fram á Íslandi í Júní 2020 og fóru þeir félagar yfir hvernig íþróttin virkar og framtíðarplön.

Aron Jarl hefur keppt í Drifti alveg frá því að fyrsta keppnin var haldin á Húsgagnarhallarplaninu árið 2005. Hann fer yfir ferilinn með Braga ásamt því að tala um hvað þarf til að vera góður í Drifti.

Bragi ræðir við rallýcross kappann Ólaf Tryggvason sem hefur verið að keppa í sportinu síðan 2008.

Óskar er að byrja sitt annað ár í götubílaflokknum í torfærunni. Bragi fékk hann í spjall þar sem þeir fóru yfir ferilinn og smíðina á Úlfinum.

Það er ávalt líf og fjör þar sem Bessi kemst í míkrófón! Bragi og Bessi fara yfir stöðuna í torfærunni.

Ungstirnið Guðmundur Elíasson hefur verið að keppa í akstursíþróttum í fimm ár þrátt fyrir að vera aðeins 19 ára gamall. Hann fór yfir ferilinn með Braga ásamt því að tala um fyrstu umferðina í torfæru sem fram fór á Egilsstöðum.

Torfærukappinn Gunnar Pálmi hefur alls unnið 4 titla og hafði frá miklu að segja enda spannar torfæruferillinn rúm 20 ár.

Danni hefur verið að keppa í ralli frá árinu 1998 og er einn besti ökumaður landsins. Hann á fjölda titla og gerði meðal annars gott mót í Bretlandi fyrir um 10 árum síðan.

Bragi fékk formann Kvartmíluklúbbsins í spjall, Ingólf Arnarson. Ingó vann einnig fyrstu umferð Íslandsmótsins í Kvartmílu í OF flokki.

Bragi talar um Drift við þá Jón Þór Hermannsson og Úlfar Bjarka Stefánsson en Jón vann fyrstu umferð Íslandsmótsins og Úlfar endaði þriðji.

Vikar gerði sér lítið fyrir og keppti bæði í ralli og rallýcrossi um sömu helgi. Hann fer yfir litríka mótorsporthelgi með Braga.

Bragi talar við Gunnar Karl rallökumann og fara þeir fyrir feril hans bæði hér heima og í Bretlandi ásamt því að hita upp fyrir Suðurnesjarallið 2020.

Ásmundur Ingjaldsson hefur keppt í torfæru síðustliðin tvo ár og stefnir á titil í ár. Hann fer yfir ferilinn með Braga ásamt mörgu öðru.

Páll Skjóldal Jónsson, betur þekktur í mótorsportinu sem Palli Rolla fór yfir ferill sinn í akstursíþróttum með Braga.

Bragi talar við Aron Inga um komandi tímabil í torfærunni sem og síðustu ár. Aron keppir á Stormi, sem í fyrra var eini bíllinn í keppni sem er ekki með V8 mótor.

Torfæruhjónin Daníel Gunnar Ingimundarson og María Antonía Jónasdóttir fara yfir rúmlega 20 ára torfæruferilinn.

Þrefaldi Íslandsmeistarinn í ralli, Baldur Jónsson, talar við Braga um litríkan feril sinn og hvernig það sé að vera fæddur inn í ''rallfjölskyldu''.

Bragi fékk Pétur S. Pétursson, betur þekktan sem Pétur Bakara, í spjall og fóru þeir félagar yfir tæplega 20 ára feril Péturs í torfæru, kvartmílu, rallýcrossi og ralli.

Bragi fær nafna sinn í spjall þar sem þeir fara gaumgæfilega yfir magnaðann 35 ára feril Sigurðs Braga í rallinu.

Bragi fékk rallkappana Guðmund Höskuldsson og Halldór Vilberg Ómarsson í spjall bæði um rallý og tölvuleikjarallý. Þeir félagar stofnuðu hópinn 'Skítugt Rall' þar sem keppt er í tölvuleiknum Dirt Rally. Við biðjumst velvirðingar á að hljóðgæðin eru ekki alveg uppá sitt besta til að byrja með vegna tæknilegra örðugleika

Bragi og Jakob fara víða við í torfærusögunni. Tala meðal annars um hvaða torfærubílar hafa verið flottastir og ljótastir, hvaða ár var það skemmtilegasta í torfærunni og margt fleira.