Ligwalagwala FM Current Affairs

Umphatsiswa welitiko letemasiko, temidlalo nekukhibika eMpumalanga, Leah mabuza wetfula luphakelotimali lwelitiko lakhe namuhla. 

Umphatsiwa wetekuphepha kwemphakatsi, kuvikelaka nekuchumana eMpumalanga, Jackie Macia wetfule luphakelotimalo lwelitiko kusishayamtsetfo sesifundza.

Kushiye labanyenti bashacekile kwendlu emhlabeni kwalomunye abengumsakati weLigwalagwala FM, Bheki Nxumalo. Simeme umphatsi wetinhlelo emsakatweni Ligwalagwala FM, Thembi Madubandlela.   

Sikhungo se-African Diaspora Global Network sitsi sikhatsatekile ngaloko lokwenteka kubantfu bakulamanye emave labakhosele lapha e-Sherwood eThekwini. Loku kute ngemuva kwekungcubutana emkhatsini walabantfu kanye nemaphoyisa.. Kutfola ngalendzaba sinemholi we African Diaspora Global Network, Dr Vusumuzi  Sibanda.  

Mengameli Cyril Ramaphosa wente lubito kubosomabhizinisi bakulelive kutsi bacekise leminye yemigomo yabo nangabe bacubungula ticelo temsebenti tebantfu labasebasha njengoba linyenti labo abawutfoli umsebenti ngenca yekutsi abakaze basebente phambilini, bete sipiliyoni. Kuyibuka lenkhulumo simeme Umphatsi weNo-Valo Learning Centre, Thulisile Mgidi.

Umbonywe lifu lelimnyama umkhakha wetekucedza situnge ikakhulukati batsandzi bemculo we-jazz kulandzela kwendlula emhlabeni kwesilomo besatiwa mhlabawonkhe kulomculo we-jazz, Abdullah Ibrahim. Ayachubeka nekungena emavi ekubhonsela emswaneni ngekwendlula emhlabeni kwalelichawe. Labanye balabo lebakhala ngekulahlekelkwa ngalesimo, licembu lemculo we-jazz laseMatsulo kuso lesifundza seMpumalanga, le...

Lihhovisi lemengameli Cyril Ramaphosa litsi usadla ematsambo engcondvo mayelana nesicelo se DA sekufuna kukhipha sitfunywa sayo lekuyindvuna yetekulima John Steenhuisen kukhabinethi. Lenhlangano ifuna indvuna yelitiko letinhlanti, emahlatsi netemvelo Willie Aucamp kutsi kube nguye longena kulelitiko  beliphetfwe nguSteenhuisen. Kutfola kabanti kutsi tishoni letingucuko talenhlangano sikhulumi...

Umhlatiyi wetemnotfo Precious Lugayeni, utsi hulumende kumele acale ngekukhulisa umnotfo walelive kuze akhone kwakhela bantfu labasha ematfuba emisebenti.

Namuhla ehlelweni lwetfu lesikwetfulela lona ngekubambisana neIEC, sikhuluma ngekugcugcutelwa kwalabasha kutsi basukume bayobhalisela kuvota. Simeme lokhulumela iIEC eMpumalanga, Thanduxolo Chembeni.

Sikhulumisene nemnumzane Seth Mazibuko lekungulomunye abengumholi webafundzi labamasha kulomshoco wanga-1976 eSoweto lebebalwa nekufundziswa ngesibhunu.

Kwendlula emhlabeni kwemculi we-jazz Abdullah Ibrahim, lowacala watiwa ngaDollar Brand, kuchazwe njengekuhamba kwemuntfu bekakhona kuhlanganisa tonkhe tinhlanga tebantfu bakulelive ngemculo wakhe. Sikhulumisana nalenye yetintsatseli betilandzela umsebenti waIbrahim,  Sam Mathe.

Simeme sati ngetemnotfo Umnuzane Bukani Mngoma kutokhuluma ngentfutfuko yebantfu labasha njengoba namuhla kuhlangana iminyaka lengema-50 kubanjwa umbhikisho webafundzi eSoweto nga-1976.

Kubikwa kutsi kufinyelelwe esivumelwaneni sekuletsa kuthula emkhatsini kweMelika kanye neIran. Sikhulumisana nemhlatiyi wetindzaba temhlaba Umnumzane Thulisa Ndlela.

Sekuphele iminyaka lengema-50 bafundzi bangenela umbhikisho wanga-1976 lapho bebalwa nekufundziswa ngelulwimi lwesibhunu. Kusasa lelive litawube libungata lelilanga lebantfu labasha ngemcimbi  lomkhulu lotawubanjelwa eJozi. Simeme umcwaningi weligumbi letindzaba lapha kaSABC Zinziswa Mani kutewukhuluma ngalendzaba.

Lihhovisi lelibukene netikhalo letitsintsa tikhungo tetimali, i-National Financial Ombudsman (NFO) litsi likhone kutfola imali lengetulu kwa- 440 million lelahleke etikhungweni tetimali letifaka ekhatsi emabhange, umkhakha wekutsenga ngetikweleti, kumishwalensi yetemphilo kanye nakuletinye tikhungo.. Kuva kabanti ngalelihhovisi sikhulumisana naNomvelo Kunene lovela kuyo i-NFO

Inhlangano yelusha iVictory Youth Group imema insha lenemakhono kutebuciko nalokunye kutsi ibe yincenye yemcimbi wekugubha lilanga lalabasha eMbombela kulesifundza seMpumalanga. Lokhulumela lenhlangano, Khanyisile Shabalala uyenaba.

Mabhalane wenhlangano yemphakatsi iKaBokweni Community Movement, Mary Mochekoane, utsi batawusebentisana netinhlangano temtsetfo kulendzaba yekususwa kwebantfu bekufika kulelive.

Lilunga leliphalamende Sanele Zondo utsi batawuhlanga netikhungo letehlukahlukene kukhuluma ngetinsayeya letibukene nebantfu labasha balelive, njengoba kutawube kuhlangene liphalamende lelusha kubungatwa iminyaka lengema-50 kwabanjwa lombhikisho webafundzi wanga-1976.

Ekupheleni kwalenyanga lefile, sicocisene nalenye yetinhlangano temphakatsi lobeyikhala ngetinkinga lahlangabetana nato uma kumele kukhishwe timali temalunge ayo letilondvolotwe eposini. Kepha kuvele  kutsi banyenti bantfu lebabukene nalenkinga. Siphindze sacela umphatsi we-Post Bank, Umnumzane Thami Cele kutsi atewucacisa kabanti kutsi tinhlangano letibukene naletinsayeya tingasitakala.

Inkosi yesive semaNdebele Enock Makhosoke II Mabhena, uyafihlwa namuhla. Hulumende walelive umnikete umngcwabo wesigaba sekucala kantsi inkonzo yakhe iyobanjelwa e Solomon Mahlangu Stadium KwaMhlanga kulesifundza se Mpumalanga. Sichumana nentsatsei yaka SABC Nonhlanhla Ntshingila 

Namuhla lilanga lapho umhlabawonke ucwashisa bantfu ngekubaluleka kwekunikela ngengati, World Blood Donor Day. Sikhulumisana nalomunye lohlala anikela njalo ngengati kutfola kutsi yini lemgcugcutela kutsi ahlale anikela ngengati, nguCharles Nkosi, wakhona lapha Mbombela kulesifundza se Mpumalanga. 

Litiko letekutfutfukisa temnotfo netekuvakasha kulesifundza limema bantfu labasha lebanemabhizinisi layamene netekuvakasha kulesifundza kutsi bafake ticelo tekulekelelwa ngetetimali kulesikhwama iMpumalanga Tourism Youth Fund. Kuva kutsi bobani lekufanele bafake ticelo nekutsi kufanele babenani sikhulumisana nalovela kulo kulelitiko, Charles Shongwe. 

Lucwaningo lolulolwentiwe yi-University of Cape Town luvete kukhatsateka ngelizinga lekunatsa tjwala kwebantfwana labancane bemantfombatane kanye nabomake lebasebasha ikakhulukati lebahlala etindzaweni letitfutfukile.  Kukhuluma kabanti ngalendzaba sicele  dokotela lotimele, Dkt Gcina Mavuso.

Namuhla sibuka libhuku lelinesihloko lesitsi uNobuntu lelibhalwe ngu-Nombeko Nontshokweni.

Iyachubeka imidlalo yendzebe yemhlaba ebholeni letinyawo i-2026 FIFA World Cup, lesingatfwe ngemave lamatsatfu i-Canada, Mexico kanye ne-Melika . Kubuka leminye yalemidlalo leseyidlaliwe nalokulindzelekile, sikhulumisana nemhlatiyi welibhola letinyawo Hloni Mathonsi.