陪你私chat

因為某人最近對一套戀綜上哂腦所以要私心出一集：名係同大家chat，實質係要同大家賣廣告，如果大家都有睇呢套戀綜嘅，就快啲某人私chat，pm我哋，某人日日期待大家同佢傾❤️ Btw 我地希望大家都可以同感情長久，冇咩感情煩惱，stay sweet💗單身嘅朋友快啲搵到個岩既人互相依賴💘

我好攰… 就係好攰… 係咁先…… 多謝大家…………

唔知大家細個嗰陣有冇對自己嘅未來充滿幻想又期待，成日幻想下自己未來會係點，如果有預知未來嘅能力或者法寶，又會唔會好似過得輕鬆啲，定會對已成定局嘅未來失望呢？細個可能睇得太多漫畫定電視劇，會跟住個「潮流」幻想自己未來嘅「完美」大計：幾多歲要結婚、幾多歲生仔、生幾多個小朋友、幾多歲會做到成功人士、幾多歲可以環遊世界……真係諗下都好開心，可能真係要對自己嘅未來有啲幻想先會覺得刺激同新鮮嘅🤓但當我哋大個咗又...

人生真係充滿分叉路，每個分叉路都需要我哋既思考，甚至勇氣做出可能最正確嘅選擇，細個可能覺得喺呢個迷宮入面做錯左決定就會走唔返出去；或者好驚，好驚呢個世界因為有太多未知未見過嘅嘢，不如安全啲跟住前人幫你鋪既路或者佢哋覺得岩嘅路行實冇錯。但呢段路行咗好耐，呢個迷宮都可能過咗三分之一，先發現，原來呢度冇所謂嘅「掘頭路」，原來行錯咗可能會有其他驚喜；原來就算後悔都可以退後再嚟過㗎。冇一個選擇係絕對正確，亦...

「月唔缺就慶佳節」，今年大家月餅節有咩節目呢？仲係唔係食燈籠同玩月餅啊？節日好多時對於我哋呢啲新一代嚟講好似唔再新鮮又唔再有氣氛，可能係社會發達咗，慶佳節同平日都好似都差無幾；又可能社會事事都要被限制住，令到大家是是但但咁過每一個節日。節日可以平平淡淡過，但唔可以平平無奇，希望大家月餅節唔好食咁多月餅變月餅，同屋企人團團圓圓望月圓啦！祝大家中秋節快樂！🌕

人大左，真係會發現自己有尷尬癌㗎，好小事都會覺得尷尬，著錯衫會尷尬、講錯嘢會尷尬，可能真係大個咗考慮嘅嘢多左，在意嘅嘢都多左，令我哋做咩都諗多咗又容易尷尬咗。但有句野係真㗎：只要你唔尷尬，尷尬嘅就係人哋。但都係真嘅，就算呢句嘢講得冇錯都要適可而止，做多咗就唔係人哋尷尬咁簡單了。

「爆丸! shoot!」「kerokerokero…tamatamatama…kirokirokiro…」「新丁、小丸、亂太郎」「比利卡比利那那撲撲利那比比路多」咁多咁多金句同對白，你又記得幾多？有冇啲回憶返哂黎呢^^我哋呢d細個日日煲電視粥、卡通片餸飯嘅，真係覺得可以睇卡通片既時光係最開心㗎！宜家覺得自己諗得返咁多套卡通片真係好犀利，好想坐返㗎時光機返去以前，搵返嗰份最純粹嘅快樂！

唔知你地仲記唔記得中學發生過啲咩難忘事呢？係開心定唔開心㗎？今集我地兩個keep住笑死左，諗起年少輕狂既自己都覺得好笑又不堪回首。不過，係有呢啲經歷先識成長㗎嘛，我地既 ‘瘋狂‘ 事件簿寫住咁多先啦，可能對比你地嗰啲只係濕濕碎啫。雖然 ‘往事就不堪回首嘅’ ，但係我地都好有興趣聽到大家既 ’瘋狂事‘ 或者 ’難忘事‘ 㗎🙆🏻‍♀️

茶🍵 ‘人生流流長，總會遇到幾條pk’ 但今次想講下茶，茶道係一場深奧既學問，換落人身上，又係另一場學問，佢地keep住咁深奧，佢地亦出其不意，往往令平常人難以理解，作為食花生既我地，食還食，緊係唔希望有朝一日佢地既 ‘茶為’ 搞著自己。But anyway，始終有人鐘意飲茶，有人鐘意飲水，各有所好啦，岩傾咪傾多兩句，唔岩傾咪下次點個頭算囉，yeah✌🏻

迷即係一啲不明既野，往往呢啲不明既野先會更加吸引人去了解，去研究。咁迷信係咪啫係你去信呢啲迷一樣嘅嘢咁解呢？呢個世界有啲人好鐵齒，淨係會相信科學；有啲人就信到十足十。你又係邊啲人，你又信唔信呢啲迷信野？或者係習慣，阿媽由細到大都叫你咁樣做你就咁樣做；或者其實我哋每個人都好細膽，永遠對一啲迷一樣嘅嘢都有一份畏懼啦。但係點都好，或者…信咗先都冇壞呀。

細個覺得咩都好玩，宜家冇左電話就周身唔聚財，但係我地係咪真係好需要個電話，定係電話只係社交既安全島，或者自己靜唔到，因為宜家d資訊快到收唔哂，收少左自己又好似蝕底左咁。幾時我地d心態變左，幾時我地d社交廢左，幾時我地個腦蠢左，雖然宜家真係熱到hihi，無時無刻淨係想攤，但係出去行下先係王道！

唔知有冇聽眾有同我地一樣既初老 ‘症狀’ 呢🙈黎到下集，我地講講下開始諗返好多以前既回憶，又發現左好多自己同以前唔再一樣既改變，淚線發達到不能自控，小小野就懷念舊時（好老既terms），但我地相信聽得我地既都係跟得上潮流既，保持心境開朗，懷抱住一顆年輕既心，我地都可以永遠年輕😎

細個個陣成日將自己老了掛係嘴邊，宜家廿歲都過左一大半就唔再敢出聲啦。頭三十年既人生好似經歷左好多，時間過得好快，明明以前仲諗緊追咩明星，食咩味雪糕，眨下眼就咁老但又好似咩野都冇做過咁，人又冇進步，時間又成日消耗🤐嗱。。你睇下又開始感概，應該就係初老既徵狀啦。。唉😮‍💨

心慌慌。。驚青青。。唔知大家又鐘唔鐘意恐怖野，獵奇野，今集搞搞新意思，有人就驚到唔想再聽到，有人就又驚又要睇，咁你地又邊種人呢，快啲同我地講下你地既經歷啦，有人又心郁郁等緊聽故啦😝

🌟陪你特備節目🌟 又就黎到一年一度既大日子啦，就係DSE放榜啦，預祝各位考生每科爆5**，就算冇都爆5。雖然我地兩個都唔係好順利讀到大學，最後仲要讀埋「揸兜」科，唔好以為自己今次考得唔好就放棄，最緊要要知道自己想要做既野係咩，就算鐘意既野係香港搵唔到食都唔好灰心，d老人家成日話：「興趣只係興趣，唔好中埋個頭落去。」咁興趣有可能真係對香港社會貢獻唔大，咁又點呀？一個人冇諗法冇夢想，學星爺話齋同條鹹魚有咩分別...

雖然人既情緒千百萬種，但係人類好似好多時只係最簡單咁分開心同唔開心，你通常問人 ‘你做咩咁開心既？’ 或者 ‘你做咩唔開心阿’ 可能呢兩個情緒係最直觀既。開心固然係好啦，咁開心呢？你又會點做？會做咩呢？話哂d開心既人，成日話佢地情緒來得快又去得快，最重要係識處理。搵岩方法，無論係外洩定內化，用自己最舒服既方式都接受佢，排解佢啦！

海鮮係人都知越新鮮越好食，老就開始韌啦，你咁嫩唔食你食邊個阿，話哂人地都 ‘食鹽多過你食米’ 啦，講兩句俾你學下野咋😌唔緊要！高帽唔怕戴，最緊要識得講拜拜！社會新鮮人，開始唔好怕蝕抵，當學野啫，大家都係 ‘能者多勞’ 㗎嘛！（btw，我地鬧得咁開心，其實職場上都仲係有好照顧後輩既老師傅既，愛你地喔😘

有時我地會無意識做左d小動作或者小習慣，分分鐘呢d小習慣自己做左都根本唔知，其實有呢d小習慣又有咩所謂，就係每個人唔同，每個人先係特別嘛🙆🏻‍♀️所以唔好覺得自己同人唔一樣就係錯，就係奇怪，要學識欣賞自己💛

成日都見到d測驗問大家火燭個陣只可以揀3樣野拎走，相信大家都可以好快決定到。斷捨離宜家先講好似有d outdate，但環保話題永遠都有得講，人既欲望永遠都無止境，但其實一個人需要既野真係可以好少。將斷捨離變成習慣，將收納變成一種樂趣，一齊為地球出一分力！

一個人究竟係毒定獨阿，細細個咩都要搵人陪，人大左好多野都要自己面對，被逼接受 ‘獨獨’ 既自己，慢慢開始可能都enjoy自己一個既時間，獨獨都係成熟既表現啦🤭有時一個人反而更放鬆、更自在，所以唔使在乎人哋嘅眼光，一個人都可以好開心🤡

雖然大家都好耐冇去過旅行，但係都相信大家唔多唔少都有遇過令你頭痛嘅旅程，遇著一個唔好嘅旅伴，想放鬆反而更煩惱，始終都係有苦自己知，做到朋友唔代表做到旅伴，旅伴都係要細選一下既，所以話，一個地方最好嘅風景係人，旅行想開心都係睇人，正所謂。。。人唔得風景幾靚都冇用啦！

⚠️ 怨氣特輯 ⚠️ 喂喂喂，我都知道出門口有時真係好難既，可以理解既，但係。。。遲到真係可以咁冇交帶？遲到唔一定係錯，但你要識做呢☺️

存在感就係生存的意義？係咪越多人關注自己就越好？自認為存在感低嘅人有時可能會羡慕存在感高嘅人，羡慕佢地往往唔使做啲咩就可以好快得到其他人嘅關注，其實佢地又係咪真係想做嗰個俾人關注嘅人呢？屬於我地嘅位置又係邊呢？ 歡迎大家有任何既故事或意見分享都可以留言或者ig dm我地㗎，我地等緊大家同我地私chat㗎！

有心理學家講過話一個人對另一個人的第一印象只要7秒就會保留7年咁耐，你熟悉既人對你的印象又係咪由開始到宜家一樣貫徹始終呢？又或者大家有冇朋友仔既第一印令你好深刻既呢？ 歡迎大家inbox或者留言同我地分享，或者可以講下對我地既第一印象阿！

今集最主要想同大家打個招呼，介紹下我地個podcast，又講下我地點解會開呢個podcast, 偷偷地係度講小小，因為我地兩個人本身都係好中意講野既人，希望透過「陪你私Chat」可以用輕鬆搞笑既氣氛陪到大家傾偈啦～