RSG Kuns

Skrywer en regisseur Kristen Fichard vertel vir Christelle Webb-Joubert van die tragi-komedie, Akrasia.

In die derde deel van die gesprek met kunsjoernalis en resensent Diane de Beer, ptaat sy oor haar blog en haar man Dries de Beer.

NOBODY TOLD ME, 'n nuwe drama deur Luc Albinski, open 28 Januarie 2026 by Theatre on the Square in Sandton. Terrance April het met Liezl de Kock gesels, wat die hoofrol in die verhoogwerk vertolk.

Die tenoor en organiseerder Coert Grobbelaar vertel van ‘n konsert ter ere van die komponis, S. le Roux Marais.

Die Oppiwater Kunstefees vind plaas van 9 tot 14 April 2026. Daar is meer as 40 Afrikaanse teaterproduksies waaruit gaste kan kies, soos Dana Snyman se memoire, SEUN, wat verwerk is vir die verhoog. Christelle Webb-Joubert gesels met die regisseur Nico Scheepers.

Die musiekspel, CATS, het gehore in die Kaap bekoor, en nou is dit Johannesburg se beurt om saam met die katte te kuier. Christelle Webb-Joubert praat met die musikale regisseur, Louis Zurnamer.

Regisseur Johan van der Merwe gesels oor die produksie, PROOI/PREY, wat te sien is by 2026 se Oppiwater Kunstefees.

Joburg Ballet is vanjaar 25 jaar oud. Hulle gaan dit behoorlik vier met verskeie produksies en projekte. Terrance April gesels met Dane Hurst, die artistieke direkteur van die geselskap, Nicole Ferreira-Dill, assistentchoreograaf, en Savanaah Jacobson, senior danser, oor die jaar wat voorlê.

Christelle Webb-Joubert kuier verder saam met die kunsjoernalis en resensent, Diane de Beer. Sy vertel hoe sy by Pretoria News beland het, en haar werk as resensent.

Adriaan Fuchs is sedert 1 Januarie die nuwe bestuurshoof en artistieke direkteur van die Kaapstad Filharmoniese Orkes. Terrance April het met hom gesels.

Regisseur Ilne Fourie vertel vir Christelle Webb-Joubert van die eenman-komedie, Terug na Louis Trichardt.

Joernalis Diane de Beer is een van daardie mense wat sonder veel fanfare ‘n enorme bydrae tot die kunste gelewer het. Sy was van 1981 tot 2016 by Pretoria News, en het met haar pen die wêreld van die uitvoerende kunste aan lesers bekendgestel. In die eerste deel van die gesprek gesels sy oor haar naam, grootwordjare, studies en haar eerste werk.

Die Klein Karoo Nasionale Kunstefees, wat van 28 Maart tot 4 April 2026 in Outshoorn plaasvind, se feesprogram is verlede jaar bekendgestel. Christelle Webb-Joubert praat met die bestuurshoof en artistieke direkteur, Hugo Theart, oor die fees wat vanjaar 30 jaar oud is.

Franci van den Berg van Kaapstad Stadsballet vertel wat alles op hulle 2026-program is.

Hendrik Hofmeyr is een van Suid-Afrika se bedrywigste kontemporêre komponiste, wat al meer as 240 werke geskep het. Terrance April het met hom gesels.

Christelle Webb-Joubert gesels met Michael Garbett, die feesdirekteur van die Vrystaat Kunstefees in Bloemfontein.

Kurator Karolien van Zyl vertel van Hannalie Taute se uitstalling, MOTHER. MONSTER. STITCH.

Die uitvoerende vervaardiger van die Maynardville Opelugfees, Jaco van Rensburg, vertel vir Christelle Webb-Joubert waarna gehore kan uitsien.

Louis Heyneman tree na 25 jaar uit as bestuurshoof artistieke direkteur by die Kaapstad Filharmoniese Orkes. Christelle Webb-Joubert gesels met hom oor sy loopbaan, hoogtepunte en die pad vorentoe.

Oorklanking is nie ’n vreemde ding in Suid-Afrika nie. Dit is so oud soos die begin van televisie in die land. Dit het later op die agtergrond geskuif, veral vanweë onderskrifte. Deesdae het oorklanking weer sy glorie teruggekry, en is baie gewild. Terrance April gesels met Johny Klein, oorklankingsregisseur, oor hierdie kunsvorm.

Frans Swart, feesdirekteur van die Oppiwater-kunstefees, gesels oor die program wat onlangs bekend gestel is vir die fees wat van 9 tot 14 April 2026 plaasvind.

Anne-Ghrett Erasmus Coetzee is die kurator by die Breytenbachgalery. Sy vertel van die speelse uitstalling, Raai, raai, riepa!

Die Neutekraker is een van die gunstelingballette tydens die feesgety. Cape Ballet Africa voer dit op by die Teatro by Montecasino tot 28 Desember 2025. Terrance April gesels met Marcel Meyer, die kostuumontwerper, en Mia Coomber wat die rol van die sneeukoningin dans.

Die Gauteng Kitaarkwartet is die enigste professionele kitaarkwartet in Suid-Afrika. Hulle program sluit 'n hele reeks werke uit verskillende musiekperiodes in. Terrance April het met Nathalie Roue gesels na afloop van een van hulle konserte.

MOANA is ‘n bekende Disney-rolprent, wat nou op die verhoog te sien is. Amanda Bothma is ‘n konsultant vir die produksie, en vertel meer.