Գնա՞նք կինո

Մարդկային հարաբերությունները, չասված խոսքերն ու ճակատագրական ընտրությունները՝ «Ոչինչ չի մնա» ֆիլմի քննարկման առանցքն են: «Գնա՞նք կինո» փոդքասթի այս էպիզոդի հյուրը թատրոնի և կինոյի դերասանուհի Նարինե Պետրոսյանն է, որի հետ անդրադարձել ենք ֆիլմի կերպարներին, նրանց բարդություններին ու ֆիլմի բարձրացրած հարցերին։

Ջոնիի և Բեյբիի համար պարը դառնում է ավելին, քան շարժումների համադրություն․ այն ինքնարտահայտվելու, միմյանց հասկանալու և ազատ զգալու հնարավորություն է։ Նրանց հանդիպումը հիշեցնում է, որ կյանքը սեփական ռիթմով ապրելու մասին է։

Բալետի բեմում ամեն ինչ պետք է կատարյալ լինի, բայց այդ կատարելության գինը կարող է շատ ավելի բարձր լինել, քան թվում է։ «Սև կարապ»-ը այն վտանգավոր սահմանագծի մասին է, որտեղ արվեստին ամբողջությամբ նվիրվելը վերածվում է սեփական անձի կորստի։

Երբ հարաբերություններում ամեն ինչ սկսում է չափազանց կանխատեսելի թվալ, երբեմն դա կարող է նշանակել, որ կողքիդ մարդը բոլորովին այն չէ, ում պատկերացնում էիր: «Mr. & Mrs. Smith» ֆիլմը միավորում է սերը, գաղտնիքներն ու ադրենալինը մի պայթյունավտանգ պատմության մեջ։

«Անբիծ մտքի հավերժական փայլը» ֆիլմ է այն սիրո մասին, որից հնարավոր չէ պարզապես հրաժարվել, նույնիսկ երբ հիշողություններն այլևս գոյություն չունեն։ Ջոելի ու Կլեմենտինի պատմությունը վերածվում է հիշողության ու զգացմունքի բարդ խաղի, որտեղ մոռանալը ոչ թե վերջակետ է դառնում, այլ նորից գտնելու սկիզբ։

«Սարդ Մարդ․ Նոր օր»-ը Փիթեր Փարքերի կյանքի նոր փուլն է, որտեղ նա ստիպված է անցյալի հետքերն իր մեջ կրելով՝ շարունակել առաջ շարժվել։ Ֆիլմը կրկին Սարդ մարդուն կանգնեցնում է նույն դժվար հարցի առաջ՝ ի՞նչ գին ունի հերոս լինելը: Այս էպիզոդի կինոքննարկմանը մեզ միացել է ռեժիսոր Սամվել Թադևոսյանը:

«Էրին Բրոկովիչ» ֆիլմը այն մասին է, թե ինչ է տեղի ունենում, երբ մեկ մարդու համառությունը դառնում է շատերի արդարության պայքարը։ Այս պատմության հիմքում ճշմարտությունը բացահայտելու համարձակությունն է, սեփական համոզմունքներին հավատարիմ մնալն ու այն վճռականությունը, որը չի թողնում անտեսել ուրիշների ձայնը։

Մի խոստովանությունը բավական է, որպեսզի Բիլի համար ծանոթ թվացող աշխարհը սկսի այլ կերպ երևալ։ «Լայն փակված աչքերով» ֆիմը տանում է ցանկությունների, գայթակղությունների ու գաղտնիքների մի աշխարհ, որտեղ իրականության և երևակայության սահմանները մշուշվում են։

«The Worst Person in the World» ֆիլմը սիրո, ազատության ու սեփական ճանապարհը գտնելու մասին է։ Ֆիլմը հիշեցնում է, որ կյանքում միշտ չէ, որ կա մեկ ճիշտ ճանապարհ․ երբեմն պետք է սխալվել, կորցնել, փոխվել ու վերջում սովորել ընդունել այն մարդուն, որը դարձել ես։

Ի՞նչ է տեղի ունենում, երբ աշխարհի ամենահզոր կրոնական կառույցներից մեկի ներսում պետք է ընտրվի նոր առաջնորդ։ «Գնա՞նք կինո» փոդքասթի այս էպիզոդում քննարկում ենք Էդվարդ Բերգերի «Conclave»-ը: Ֆիլմը մեզ տանում է Վատիկան, որտեղ կարդինալների ընտրության գործընթացի հետևում աստիճանաբար բացահայտվում են վաղուց թաքցված գաղտնիքներ։

Որքա՞ն մոտ պետք է գնաս հրեշին, որպեսզի կարողանաս կանգնեցնել նրան։ «Գառնուկների լռությունը» հոգեբանական թրիլլեր է, որտեղ ամենասարսափելին ոչ թե արյունոտ տեսարաններն են, այլ այն, թե որքան հանգիստ կարող է խոսել իրական հրեշը։ Այս էպիզոդում մեզ միացել է ֆուտբոլային մեկնաբան, փոդքասթեր Գևորգ Մալաքյանը:

«Գնա՞նք կինո» փոդքասթի այս էպիզոդում անդրադարձել ենք Դեն Գիլրոյի «Nightcrawler» ֆիլմին: Ֆիլմը պատմում է մեդիայի ամենամութ կողմերի մասին՝ ցույց տալով, թե որքան հեռու կարող է գնալ մարդը, երբ սենսացիան դառնում է ապրուստի միջոց, իսկ ուրիշների ողբերգությունը՝ սեփական հաջողության ճանապարհ։

«Love Story»-ն Ռայան Մերֆիի նոր սերիալն է՝ նվիրված ամերիկյան ամենաքննարկված սիրո պատմություններից մեկին։ Ջոն Ֆ. Քենեդի կրտսերի և Քերոլին Բեսեթ-Քենեդիի հարաբերությունները թվում էին հեքիաթային, բայց փառքի, մամուլի անընդհատ հետաքրքրության ու ճակատագրի անողոք շրջադարձերի հետևում թաքնված էր մի պատմություն, որը մինչև այսօր շարունակում է հուզել միլիոնավոր մարդկանց։

«District 9» առաջին հայացքից գիտաֆանտաստիկ ֆիլմ է այլմոլորակայինների մասին, բայց իրականում շատ ավելի խոր հարցեր է բարձրացնում՝ վախի, իշխանության և մարդ մնալու կարողության մասին։ Այս կինոքննարկմանը մեզ են միացել «Երկու Եռհինգ Մեկ» փոդքասթի հաղորդավարներ, ռեժիսորներ Էռնեստ Ղազարյանը և Հրանտ Սարդարյանը:

Պաոլո Սորենտինոն ստեղծել է ֆիլմ, որը չի շտապում պատասխաններ տալ։ Այն պարզապես հրավիրում է կանգ առնել ու մի պահ մտածել՝ ի՞նչ է մնում, երբ անցնում են աղմուկը, փառքն ու երիտասարդությունը։ «The Great Beauty» ֆիլմի կինոքննարկմանը մեզ միացել է դերասանուհի Տաթև Հովակիմյանը:

«Գնա՞նք կինո» փոդքասթի այս էպիզոդում քննարկել ենք դերասան Վարուժ Մարգարյանի ամենասիրելի ֆիլմերից մեկը՝ «Big»-ը: Այս ֆիլմը հիշեցնում է, որ մեծանալ չի նշանակում հրաժարվել մանկության անկեղծությունից։ Երբեմն կյանքի ամենագեղեցիկ պահերը տեսնելու համար բավական է աշխարհին նայել նույն հետաքրքրությամբ, ինչպես մանկության տարիներին։

Կյանքը երբեմն ամենագեղեցիկ սցենարները գրում է այն ժամանակ, երբ թվում է՝ այլևս ոչինչ չի փոխվելու։ «Remarkably Bright Creatures» ֆիլմը խոսում է կորստի, սիրո ու մարդկային կապերի բուժող ուժի մասին՝ հիշեցնելով, որ կյանքի ամենագեղեցիկ հանդիպումները հաճախ անսպասելի են։

«Թունելից 13 կմ հեռավորության վրա» ֆիլմը հոգեբանական լարվածությամբ ու ներքին անհանգստությամբ հագեցած պատմություն է, որտեղ մթնոլորտը առաջին իսկ պահերից սկսում է թողնել իր ազդեցությունը: «Գնա՞նք կինո» փոդքասթի շրջանակում առաջին անգամ ֆիլմի մասին խոսել ենք հենց ֆիլմի հեղինակ՝ Ռուբեն Եսայանի հետ։

Obsession-ը խաղում է վտանգավոր սահմանների հետ՝ ստեղծելով մութ ու անհանգիստ աշխարհ։ Ու ինչքան խորն է գնում պատմությունը, այնքան ավելի դժվար է հասկանալ՝ սա սե՞ր է, մոլուցք, թե ինքնակործանման տարբերակ։

«Համնետ» ֆիլմը պատկերում է կորստից հետո մնացող դատարկությունը՝ ցույց տալով, թե ինչպես է ցավը դանդաղ փոխում մարդկանց հոգին։ Այս անգամ մեր կինոքննարկմանը միացել է բլոգեր, երաժիշտ Էթերի Հովհաննիսյանը։

«Adolescence» սերիալը պատմություն է այն տարիքի մասին, երբ մարդը միաժամանակ փորձում է հասկանալ աշխարհն ու ինքն իրեն։ Յուրաքանչյուր հերոս կարծես պայքարում է իր ներսի աշխարհի հետ, որտեղ զգացմունքները հաճախ ավելի բարձր են, քան բառերը։ Եվ հենց իրական ու անչափ մարդկային անկեղծությունն է, որ պատմությունը դարձնում է ազդեցիկ։

«Հոգի» մուլտֆիլմը պատմություն է մի մարդու մասին, որն այնքան երկար էր վազել իր երազանքի հետևից, որ մոռացել էր կանգ առնել ու լսել իր ներսի ձայնը։ Մուլտֆիլմը ջերմ հիշեցում է, որ երջանկությունը ապրում է ամենօրյա մանրուքներում, որոնք մենք հաճախ չենք նկատում։

«Մեղսագործները» ֆիլմում ամեն ինչ թվում է գեղեցիկ այնքան ժամանակ, մինչև «մթությունը» չի սկսում խոսել։ Սա պատմություն է մարդկանց մասին, որոնք փորձում են փրկել իրենց, մինչ անցյալը դանդաղ քանդում է ամեն ինչ նրանց շուրջ։ Իսկ ֆիլմի ավարտվելուց հետո մնում է զգացողություն, որի մասին երկար ժամանակ հնարավոր չէ մոռանալ:

Քվենտին Տարանտինոն «Քրեական ընթերցվածք» ֆիլմում խառնում է հանցագործությունները, սև հումորը, փիլիսոփայական երկխոսություններն ու անսպասելի շրջադարձերը՝ ստեղծելով իր սեփական կինեմատոգրաֆիկ լեզուն։ Կինոյի պատմության ամենակուլտային աշխատանքներից մեկը քննարկել ենք ռեժիսոր, բլոգեր, ինֆլյուենսեր Տարոն Հարությունյանի հետ:

Երբեմն ամենամեծ դրամաները սկսվում են ոչ թե աղմուկից, այլ մի փոքր լռությունից, որը ոչ ոք ճիշտ չի հասկանում։ Դրամա ֆիլմը բացվում է հենց այն պահին, երբ Չարլին իմանում է Էմմայի գաղտնիքը։ Այդ բացահայտումը չի պայթում միանգամից․ այն դանդաղ ներս է մտնում նրանց հարաբերություններ ու սկսում փոխել ամեն մանրուք։ Եվ որքան փորձում են պահել հարաբերությունները, այնքան ավելի պարզ է դառնում, որ որոշ ճշմարտություններ...