Ellefu Bíó

Myndasöguhöfundurinn og tónlistarmaðurinn Björ Heimir Önundarson skellti sér í ellefu-stólinn og fór gaumgæfilega yfir þær bíómyndir sem máli skipta.

Matreiðslumeistarinn Hrefna Rósa Sætran kíkti til Hulla í afar ljúffengt og auðmeltanlegt spjall um kvikmyndir. 

Hinn frumlegi frumkvöðull Halli Þorleifs kom sá og sigraði í ellefu bíó. 

Leikstjórinn, leikarinn, höfundurinn og spéfuglinn María Reyndal hoppaði í heimsókn til Hulla og blaðraði um bíó!

Listamaður tónsins, Davíð Berndsen hleypti Hulla inní stúdíóið sitt og fór vandlega yfir kvikmyndapælingar sínar með honum,

Poppgoðið Gunnar Lárus Hjálmarsson fór yfir allt sem honum finnst geggjað og ógeggjað í heimi kvikmyndanna. 

Fóstbróðirinn og farfuglinn Helga Braga settist hjá Hulla og ræddi það helsta hvað varðar kvikmyndasmekk sinn.

Lífskúnstnerinn og LA-prinsessan Dröfn Ösp AKA DD-Unit hoppaði í heimsókn til hullans síns og henti í þétta ellefu bíó talningu eins og henni einni er lagið. 

Spjallkall Íslands, Gísli Marteinn Baldursson, fór yfir það helsta í sinni kvikmyndaglápssögu með Hullanum sínum. 

Höfðingi Havarís, Berglind Häsler fór áreynslulaust yfir allar ræmurnar sem skipta máli í augum hennar. 

Kvikmyndahlaðvarpsstjórnandinn og Bíófíkilinn Kjartan Rúnarsson útlistaði fyrir Hugleiki þær kvikmyndir sem vægi hafa í hans tilveru. Tékkið á podkastinu Bíófíklar og tékkið á Bíófíklasýningunum í Laugarásbíó. 

Sævar Helgi Bragason brá sér til Hulla og spáði í stjörnuþakinn kvikmyndahimininn.

Leikarinn, söngvarinn og grínarinn Vigdís Hafliða skellti sér í ellefu-stólinn og svaraði öllum bíó-spurningunum af bestu list. 

Rokkstjórinn, fjölmiðlamaðurinn og trommutrommarinn Kriss Rokk kom í heimsókn til Hullans og taldi upp 11 (og gott betur) kvikmyndir sem öllu máli skipta í hans lífi. 

Listamaðurinn og Hulla-lookalækið Curver Thoroddsen eyddi góðri stund með boyband bróður sínum og taldi upp sínar helstu ræmureynslur. 

Leikarinn, höfundurinn og skemmtikrafturinn Steiney Skúladóttir sagði allt sem segja þurfti hvað varðar kvikmyndir í Ellefuhellinum. 

Öðlingurinn Vilhelm Neto slædaði upp að Hulla og hvíslaði að honum ellefu helstu kvikmyndir lífs síns og það var gaman. 

Leikstjórinn Reynir Lyngdal læddist í Ellefu hellinn og spjallaði um þær helstu kvikmyndir sem hafa kitlað hann á einn eða annan hátt í gegnum lífsgönguna.

Animation drottningin og heims-skaparinn og Ormhildarsagnaritarinn Þórey Mjallhvít fór yfir helstu kvikmyndir sjálfs síns með Hulla. 

HÆSTvirti leikstjórinn Einar Baldvin Arason tjattar við Hugleik um sín markverðustu ræmugláp. Tékkið á HÆST í sjónvarpi Símans.

Krummi og Hulli tala um kvikmyndir eins og þeir hafa aldrei gert annað.

Teiknarinn og höfundurinn Rán Flygenring tjattaði við Hullsuna um allskonar sem við kemur hreyfiræmum hennar lífs. 

Búningahönnuðurinn, listakonan og megabeiban Karen Sonja Mayen Briem deilir sínum mikilvægustu kvikmyndatitlum með manninum sínum. 

Hugleikur spjallar við stórleikarann og kvikmyndaunnandann Hannes Óla um allar myndirnar sem skipta einhverju máli!

Vísindaskáldið, Hryllingshrottinn og draumavefjarinn Emil Hjörvar Petersen fór á kvikmynda-trúnó með Hulla í hlaðvarpsholunni.